成功復合既人路過
仲肯同你出黎食生日飯點都係仲有啲野 可能係不捨、可能係好感、可能係好多野。唔係既話仲見ex做乜?真係咁少朋友咩?
唔好執著佢表現成點,問你內心一句你仲想唔想復合?
想就繼續堅持,我一定支持你。
依一刻佢話唔想同你復合對你冇feel可能係真嘅,但係佢當初同你拍拖嘅時候都話愛你一生一世㗎,最後咪又係分咗手。咁同樣道理點解你冇辦法改變佢而家嘅諗法呢?
唔好比人地既行為決定你要點做,跟隨自己內心就好,但同時都要緊記一個黃金法則,千祈唔好chur!我成日覺得有句講得好啱,復合嘅前提係你要真正放低先可以復合到,呢句野我當年都領悟咗好耐。
慢慢改變自己,唔係為其他人,為自己。
搵張紙寫低晒當時你哋拍拖你做得唔好嘅地方,喺唔影響自己嘅底線之下可以點樣妥協改變,另外再搵樣興趣發展,即使最後冇復合,你都已經係更加好嘅自己
當年我嗰個都好絕,分咗手等左佢兩年,佢不斷同人講點都唔會同返我一齊,講到好絕好無可能,嗰陣心淡心灰到想死,最後重新見返面相處返比佢見到我既改變,佢無耐主動話要一齊返