下半part一開播就已經好正
一開波條鐵軌,同第一集嘅開頭一樣,但物是人非
然後接續上半part,繼續講蕾娜
而家已經成熟好多
手段老練咗,唔再俾共和國啲規條束縛住
亦成為咗喺86之間好出名嘅「鮮血女王」
身邊開始聚集到志同道合嘅人,為不久之後軍團嘅總攻擊做好準備
後半就係講辛佢哋成功行到去聯邦嘅戰力範圍,俾佢哋救起咗免於一死
聯邦亦同前半段共和國嘅環境又有個對比。喺聯邦,係唔同人種和平共存嘅地方,而唔係好似共和國只得一種顏色
另外恩斯特同芙蕾德利嘉兩個新角色都已經塑造得幾好
前者一出場畀人有城府嘅感覺,但原來又好有理想,又體貼辛佢哋,冇咩架子,臨尾笑位啲反差又做到
芙蕾德利嘉亦都寫到細路女
吉祥物嗰種可愛,大小姐嗰種目中無人,臨尾埋伏筆又有少少神秘
轉場剪接一如以往嘅高質順暢。放低隻杯,穿過條柱做過場,萬試萬靈
後半芙蕾德利嘉嗰段俾辛撚嗰兩段,節奏把控相當好
總之係體感五分鐘
已經想睇下一集