神回
前半係聯邦嘅大戰
辛嘅異能一早探查到軍團動向,但數量過於龐大亦帶來巨大負擔
(習慣晒嘅辛都標晒冷汗)
今集果然係動畫組嘅全力演出
bgm同聲效係世界級,一定要帶耳機睇
砲火聲超仔細,打中唔同材質嘅聲都唔同
另外女武神用鋼索喺廢墟飛來飛去嘅聲效亦相當勁,亦彰顯到新機嘅機動性
值得一提,係主角五人組各自喺戰場嘅定位都有唔同,動畫都有做到出嚟
(用嘅彈藥都唔同)
例如安琪唔係用普通嘅砲,而係換咗火箭砲做大範圍壓制;
萊登係掩護,所以會配備機關砲做火力壓制;
狙擊嘅可蕾娜就配備加長砲身,令彈道更穩定
賽歐部機雖然係標準配置,但佢比較擅長利用鋼索跳到軍團頭頂弱點突擊
而辛當然就配備咗高周波刀,方便衝入敵陣挑機
之後就當然起BGM,準備高潮
(好似得辛部機有紅光嘅特效)
呢段應該就係萊登壓制其他敵機,辛上前用刀收割咗架戰車型
辛部機滑行嘅動作、火花特效都冇少,係超級細心