膝頭哥問題，已經困擾左兩三年

庸醫大技
患者心理因素

明白，多謝寶貴意見

腫係膝積水定點？

我自己長期都因為斷後十字韌帶而膝頭有問題，都試左好多唔同方面既野，所以都有小小建議，不過我無追上面啲文，唔知有無重覆：

首先你要理解，無任何一種單一方法係會有效，必須要從各方面同時著手；其次你要知道你有邊方面係潛在問題成因，而尋求每一方面既解決方法。

無論你睇任何醫生，佢都唔可能知道晒你所有生活習慣，又或者100%了解你既問題，最大可能係你自己去了解。

通常膝頭痛，最大機會係呢幾個可能：
1. 年紀大機器壞
2. 身體問題(肌肉量太少、肌肉組訓練唔平衡、肌肉太緊、筋骨太硬)
3. 姿勢問題(直接既係行路跑步姿勢，間接既係你坐姿或睡姿問題)
4. 使用量太高(例如長跑訓練過度)
5. 使用量太低(例如十日都唔郁一次突然就要爆50米追巴士)
6. 裝備問題(比較直接係鞋，間接係袋)
7. 其他問題(飲食習慣，睡眠時數等等)

以上問題可以獨自存在，亦可以同時存在，對應以上每個問題，你都要去諗方法逐一擊破：
1. 年紀大既膝關節退化基本上係worst case，只可以食藥(葡萄糖胺或軟骨素但功效成疑)、喺膝蓋下面打透明質酸針(打一set針唔係平仲要淨係last for可能1-2年)，最極端係換人工關節，基本上唔係到完全行唔倒係唔會咁做。
2. 呢度有兩個主要問題：肌肉量同柔軟度。首先你要對身體肌肉有少許概念，就算做physio練肌肉都唔會叫你淨係練某一組肌肉，大腿小腿，最理想係練埋patpat同腰腹，隻腳有肌肉而且balance的話，等同一棟樓既地基夠粗夠強硬，基本上解決左大部分問題。柔軟度唯有靠你拉多啲筋，特別小腿後側最經常緊，可以壓多啲腿抬多啲腿，唔做運動都要拉筋，拉筋方法可以自己google下，太多講唔晒。
3. 坐姿好重要，因為腰背衰係可以帶到落去腳有問題，如果你坐張凳腳掂唔倒地，係會長期壓住大腿後側，亦都有機會因為腳尖指地而扯住腳板底，係會間接令你行路或跑步有問題，睡姿比較難講，自己留意下。
4. 如果係呢個case，就抖下。
5. 使用量太少會令你肌肉萎縮同柔軟度降低，你要間中做少少低強度運動
(慢跑或行路，運動場是好地方，真係好腳痛就游水或者踩單車或單車機)，同埋loop返上第2點去練肌肉同柔軟度
6. 唔好再著任何會傷腳既鞋，包括平底鞋、高踭鞋、高筒鞋，改著有避震能力既跑鞋。另外揹袋唔好揹單邊袋，同令身體左右唔平衡同膊頭痛，盡量揹返背囊，肩背問題可以延伸到其他部位，亦會影響睡眠問題，要注意一下。
7. 其他問題既影響可能唔係直接，但身體往往就係牽一發動全身，就會出現間接問題，呢啲問題往往係最難明最難發現。

總之你記住，面對多個同時存在既問題，無任何一種單一方法係會有效，必須要從各方面同時多管齊下，先能夠解決成件事。

好大機會係腰同埋臀部問題
我都困擾左三年 自從有晚訓醒條腰緊到閪咁
到而家都keep住痛+緊 keep住拉筋
大約腰痛兩三個月後開始有膝頭上落樓梯酸痛問題 到而家keep住有痛
照過mri睇過醫生都話前十字果堆都好正常
建議照下同揾脊醫執執

都唔明你做乜
問幾句起晒鋼咁
係啦係啦
你咁叻你唔去做醫生？唔做physio？
一係你講樓主係咩原因出嚟
唔係就收皮
我講多幾個可能性又唔可以？
全世界好似你咁一樣咩死on9仔

你個物理治療呃飯食
醫好你點賺你錢

Furosemide

Google that shit

想知點樣跑步整親，pk定點？
比你講到驚驚地

師兄好有心
想問吓你點整親後十字？

去水丸俾心臟功能差嘅病人食架喎

一般骨科肌肉筋腱炎症都係食返NSAID消炎藥 eg Celebrex / Acroxia

踢波追個55波，比個龍門正面剷埋黎剷中重心腳，就斷左。
根據統計85%人斷十字韌帶係斷前十字韌帶，偏偏比佢剷斷我條後十字韌帶

係，條友痴撚線，石屎地走黎飛剷

有冇做過瑜伽？

i used to be an adventurer like you...

話說早兩年跑步減肥 跑到落唔到樓梯痛足一個月
睇西醫話半月磨損咗 淨係開止痛藥 屌柒佢完全冇用
結果去睇中醫俾佢正骨 玩咗幾次就好好多 期間自己買葡萄糖胺食係有幫助 不過宜家都會卡卡聲就冇痛囉

我都係咁

樓主體重幾多？
試下唔好跑步住，如果想操返改試踩單車/遊水試下
我6,7年前都試過，都係照晒mri, 最後抖2~3年，初初跑返步都係痛，之後改踩健身單車慢慢操返就無事了

我都係跑步跑到膝頭痛