晚餐完結後,我們再到尖沙咀走了一圈去看燈飾。
可是尖沙咀人流甚多,而她並不太喜歡人潮擠擁的感覺,因此我們在尖東逗留了片刻,我就護送了她回家。
在她的大廈門外,她掏出了一個包裝精心的禮物盒,微笑著遞了給我:「Merry Christmas。」
她的行動提醒了我,於是我也從背包中掏出了一個紙袋遞向她,回應了一句:「Merry Christmas。」
我們接過對方的禮物,凝視著對方的眼睛,看到了此刻幸福的自己。
我情不自禁地將她拉近自己的面前,然後輕輕吻在她的唇上。
當我倆的嘴唇分開之後,周瑞盈露出了一個羞赧低頭的反應。
這是無論我們接吻過多少次,她都會自然地作出的一個可愛反應。
看著她熟悉的幸福表情,我內心的聲音說:嗯,這才是我想要的聖誕節。
各自回家後,我坐到床上,拆開了周瑞盈所贈的禮物。
裡面,只是放了一張紙條。
我將紙條打開,當中是周瑞盈密密麻麻的小字。
「我的小羊:
當我每日從Whatsapp入面見到你分享你到底做緊啲咩,差唔多每分每秒都有嘢忙緊嘅時候,我就知道你一定好開心。因為我好認識你,打從中學開始,你就係一個好享受活在當下嘅人。所以,能夠喺大學入面盡情去享受生活,我相信你一定每日都過得好盡興。
雖然,享受簡簡單單嘅我未必可以每一刻都明白你嘅快樂,但係我都想你知道,我依然愛你。即使我哋相處時間少咗,但係我每次可以見到你嘅時候,我都一樣係咁開心。我知道嚟緊上莊你將會更忙,或者,我哋見面機會會更加少。所以今個聖誕,我只係想簡單咁送上我嘅支持。當你每次做到攰或者辛苦嘅時候,你可以睇下呢張紙條,記得我永遠都會支持你。紙條,始終都係我哋一直以來同對方傾計,為對方打氣嘅方法。
最後,祝你聖誕快樂。
多謝你喺我身邊,令我幸福。
你的螢火蟲」