明知買樓既話自己未來廿年都唔會開心，仲要繼續逼自己行

根本唔想買樓
嚴格黎講係根本唔想返廿五年工去換一個單位
係買到個五百呎單位，供完到時都五十歲了

一星期七日入面有五日朝九晚八，賺返黎既錢為左換一個小小既單位
到五十歲望返轉頭都唔知自己一世人做過乜野，為左自己做過乜野
好彩既五十歲唔撈退休，想學琴手指都僵
想潛水都冇氣力，想踩單車都膝頭痛

偏偏生活所逼又要去買樓，明明知道自己根本唔係追求呢樣野
為左由二百五十呎變做住五百呎，就犧牲人生最珍貴既廿五年時間
明知一簽左名未來廿年都唔會點過得快活
未來返工就算比人指住額頭問候全家都冇資格諗resign，因為要繼續供樓

升到職返工賺十萬一個月又點，我寧願日日訓到自然醒食個早餐歎杯奶茶
真係好可悲

我知好多人都係好友，其實樓市升定跌我根本唔想關心，亦都冇興趣去關心。只係呻下自己既感受姐，一世人流流長，都唔知為乜

好弱智
點解廿年都唔會開心？
做廿年租客幫人供樓又會開心嘅

咁你又買？

點解會買

唔好背負太多他人寄望

租樓就好開心？
唔可以賣？一定要供30年？睇住升完越換越大，越換越靚唔開心？有女有面唔開心？

我要既係享受一個寧靜既早晨，一杯奶茶，一個五十蚊既早晨全餐，唔係工作二十年換一千萬擺係銀行戶口或者一個五百呎既單位

唔開心，我根本唔係追求呢d野，但我唔反對其他人追求呢d野
呢樣野係好個人既快樂

咁你唔岩係香港主流生態打滾無咩既，唔買都唔會死

我知呀，所以咪話明知條路係錯都要踏上去囉
唔係果班，都要焗買，一諗到未來廿年就覺得好可悲

做乜鳩姐？買左唔歡喜
唔買又怨天怨地
咁撚超脫就歸隱深山耕田啦

買既原因就係身不由己，唔買就係被標簽自私，唔顧屋企，冇諗住比幸福家人

一個寧靜既早晨，一杯奶茶，一個五十蚊既早晨全餐

嘆完個早餐，咁你住邊？

咁就半世

買左樓點解食唔到50蚊全餐?

其實我真係想歸隱，我係一個好容易就會開心既人黎
睇一套好戲可以回味三日，玩下貓一杯奶茶就過半日果種人
其實真係唔想理咁多野

所以咪就係⋯身不由己

關咩買樓事丫
你本又無又要日日瞓到自然醒嘅話
係乞老綜先得

層樓唔升咪唔開心，升幾球賺埋住跟手放咗佢拎錢移民咪開心囉

一至五返工都已經朝九晚八
可能你份工好好啦，明就明，你唔明，總有其他人明我既

買左樓之後個人安心好多，無咁焦慮

退休冇層樓就大鑊

嚟緊二十年唔開心 好過收尾二十年要訓街 要記得香港嘅社福係笑話嚟

未開放移民path, 你都係要焗買
依加可以走, 走啦
退休先做到嘅野, 依加嗰面full pay都easy啦

我明供樓好大壓力
但點解要諗供完
樓主唔升唔跌你都係儲緊錢
當利息同稅係租金唔抵玩咩

分享下好嘛
我就同你相反，買完反而覺得壓力大，第日想話休息唔撈都唔得了