Adblock/Adguard/DNSCloak/NextDNS 係咪廢撚咗？ (7)

呢個post 主要係講 IOS 既廣告blocking app. Android 既ad blocking app會順便簡介. 如果你諗住想問Youtube app 或者Facebook app廣告點block, 請去本頁第3個post 搵 "Youtube 片內既加插式廣告blocking" 個個section. 另外如果你有用其他VPN 的話, 好似Nordvpn, Ivacy VPN 或者SurfShark VPN, 你必須要set 個setting 用 IKEv2 呢個protocol 先可以同時用VPN 又用到Adguard. 無support IKEv2 既VPN app 係唔會同Adguard 同時用到!

如果你有問題問, 請提供你用緊咩Adblock app, screenshot 你見到廣告既野, 同用[ member ] tag 去screenshot 低你block list 同DNS filter list 既setting. 就咁一句"又出番廣告點算" 係唔會有人識幫你.


介紹之前有d 廣告blocking 術語同基楚野係先要解釋.


1. System wide blocking. 即係話部機入面不論Safari 定係任何裝既app, 都會做到block 廣告. 現時係有2個方式做, 一係用Custom rule+Subscribe list, 一係就用第3方DNS server. 2個辦法都要長開VPN 架啦. 第3方DNS server通病都係因為你要用其他非本地DNS server 會拖慢所有上網速度. 用唔會出街既Custom rule+Subscribe list 方法係最快亦安全.

2. 99% 既廣告blocking app 都係要長開VPN. 個VPN 係唔會接去外面世界, 個vpn 用途只係機內處理d filter rule 用. 所以係無私隱既問題存在. (係有1%既ad blocking app 真係會VPN駁出街既, 不過個d app係呢個post 都唔會介紹架啦.)

3. 可以System wide AdBlock subscription list. 要寫明System wide 先有用. 因為system wide 先識block 晒機內所有app 既廣告. Subscription list意思係subscribe 一個 block廣告list, 佢自己識auto update 個list. 所以唔洗人肉自己去update. 點解要update 住個list? 因為廣告係識變, 你要keep 住update 個list 先block 到d 新既廣告. 係Adguard 裡面, 佢地叫呢d 做 DNS Filter.

4. System wide custom rules. 要寫明System wide 先有用. 因為system wide 先識block 晒機內所有app 既廣告. 即係話可以自己加額外加 domain 去block. 點解要額外加domain? 呢個係非常重要, 因為香港既廣告, 外國既AdBlock subscription list 未必會識得晒香港d 廣告. 所以你實會有自己加落去既時候. Adguard 裡面會叫呢d 做Block List.

5. 如果 d app簡介內無提到system wide (或者中文無寫"全局"), 即係話呢d custom rules或者subscription list 只可以用係Safari個browser 先會block 到廣告. 機內其他任可app 都唔會block 到廣告既. 呢d app 你可以delete 左佢, 係無用既.

6. Facebook app 同 Youtube app 既片內既加插式廣告, 普通Ad blocking app 係block 唔到. 下面再講有咩可以做到.



Adguard 品牌有幾個唔同既app, 小心揀.
AdGuard Pro v4.x 係做到 system wide 既blocking 亦同時做到system wide custom rules. 所有blocking 都係機內處理到而唔需要依賴第3方DNS 幫手, 所以速度最快. (不過一樣支援第3方DNS ad blocking) 一次收費$78 HKD 唔洗每個月俾錢. 係keep 住更新緊. 暫時係Adguard 品牌裡面既首選. https://apps.apple.com/hk/app/adguard-pro-adblock/id1126386264

AdGuard IOS - 最普通既版本. 係free 既. 不過只block 到safari 既ad. 其他乜𨳍都block 唔到. 佢唯一既用途係download 落黎再課金令佢變成AdGuard Premium. https://apps.apple.com/hk/app/adguard-adblock-privacy/id1047223162


AdGuard Premium v4.x IOS. 係Adguard 免費版download 落黎再課金, 就變Premium 啦. 你係apple store 課金的話, 有得揀life time 一次過收費, 亦有每年咁俾錢. 佢現時功能同Adguard Pro 係100% 一樣. 咁點解會有人買呢款哩? 就係如果你係跨平台的話, 用Adguard Premium 會抵d 你係呢度買 https://stacksocial.com/search?utf8=%E2%9C%93&query=adguard , $19.99 USD 包3部機login. 即係可以IOS, Android 再夾多部Mac 機都用到. 除番開平過你買Adguard Pro.


AdGuard Premium v3.x Android. 係Android 版. 係佢可以做到system wide 既blocking 亦同時做到system wide custom rules. 功能等同Adguard Pro IOS 版. 必須要係下面呢條link download. 課左金先可以做到system wide adblocking. https://adguard.com/en/adguard-android/overview.html

Adguard Pro/Adguard Premium IOS setting

下面設定係假設你已經用緊課金版. 先係右下個settings > 揀General > Advance Settings. 下圖disable 左Use Simplified filters 佢.




先揀DNS protection




跟住揀DNS Filtering. (如果你係買斷Adguard pro, 又或者download Adguard 普通版再已經課金的話, 又唔見呢個option 的話, 睇番上面最頂第2句)



跟住揀DNS Filters.




揀Add a filter. 跟住加以下2條link. 呢度其實係幫你subscribe DNS filter list. 個DNS filter 佢識自動download 更新既. 呢個係Adguard 最主要及最重要檔廣告既功能, 所以唔好set 錯. (如果你加完2條link 之後用成日斷Wifi 的話, delete 番第2條link 個filter. 切記唔好貪多filter, 太多filter 會成日斷線. iphone X 或以下既機最好只加第1條link. 因為memory 唔夠handle 第2條link ). (下面link 要member 先見到)






跟住上番一層, 揀Block list




跟住你可以揀"Add a new rule" 一個一個咁add 以下既block rule, 又或者先將以下block rule save 係一個text file 擺係iphone File system 再用import 一次過加晒落去. 呢個block list 功能係補番一d 香港獨有既廣告源而上面d subscribte list 係無處理到既. (下面rule 要member 先見到)




跟住上一層, 揀Allowlist 再加以下既Domain. (請留意, Allowlist 係只accept domain 名, 唔好用上面block list d rule 既pattern 擺落allow list, 一定錯)



跟住番番去DNS protection 個版. 揀DNS server



跟住揀System DNS 或者 Cloudflare DNS.



跟住Settings > Safari Protection. 我係成舊disable 左佢. 因為其實你上面用DNS filter 都已經一次過處理到手機內所有app 既廣告, 包括Safari. 當然, 你想enable 都得, 我自己慳ram 選擇disable 左佢.

Adguard Premium v3.x Android setting

以下係Adguard Premium v3.x Android個setup. 要呢度download 個個version 先得 https://adguard.com/en/adguard-android/overview.html download 左落黎要課金先會block 到機內所有app 既廣告. free 版係完全無用既.





Youtube 片內既加插式廣告blocking

首先要講番個範疇先. 如果你係IOS用Safari 或者Chrome 之類既Browser 黎開youtube.com 的話, 其實各大品牌 adblock 既app 都可以幫你block 到youtube廣告. 但係我地主要係討論youtube 個app. 你要係youtube 個app 黎block 播緊片彈出黎既video 廣告, 就難好多.

自從一個叫Luna vpn app 已經俾App store ban 左之後 (衰偷用家資料), 現時係無一個 app 係app store 內可以幫到你block youtube app 內播緊片個d加插式廣告. 唯一做到既係用第3方app store 去download Cercube app. 其實呢個Cercube 即係youtube 版減去片內既加插式廣告, 即係Android 會用既Youtube Vanced 係同一樣野黎. 但係你要download 到Cercube, 收費既 choice就 https://ipastore.me/ , 收費既通常裝好左就一路用都無問題既. 亦保證到你係收費sideloading service 裝既係無問題. 呢d 收費既side loading service 約30 USD 一年. 而且好處係, 呢d side loading service 仲可以裝好多非主流既app, 好似GB, PSP個d emulator. 或者BT client, 又或者雙開whatsapp版. 即係一雞幾味. 另一個免費方法, 係自己Self sign 個Cercube. 不過我唔會係呢度講啦, 有興趣既自己google Altstore , 自己去 iosninja.io download 完cercube 跟住搵Altstore 自己sign 就可以裝cercube落自己部電話到.

Cercube 雖然幫你cut 左片內既加插式廣告, 但係個app 本身仍然有普通廣告. 呢個係要俾錢買佢個課金版. 一次過買斷好似10 USD 咁上下. 呢個費用你是否用收費既side loading service 定用 免費既 Altstore 做side loading 都一樣要俾. 不過俾一次就買斷架啦.


Facebook 片內既加插式廣告blocking






已經Jail break 左既人

好多人以為Jail break 係用黎玩老番. 其實Jailbreak 係2020既今天唔係用黎玩老番, 其中一個最大用途係block ad. 好處係邊? 唔洗行咩ad block app 或者開咩VPN. 直接係host 度block 晒.

https://www.reddit.com/r/jailbreak/comments/dbdb8x/tutorial_blocking_ads_on_cellular_wifi_no_vpn/

https://www.reddit.com/r/jailbreak/comments/b3d1fp/release_mega_uhb_ios_9101112_muhb_mega_untrusted/

AdGuard Home 教學：QNAP NAS


以下係基本中の基本 巴打提供. 關於Adguard home 既野, 可以問佢.

之前down過個破解版YT
係完全無廣告
但係會唔會block acc？
唔敢用

DNS Cloak app
https://apps.apple.com/us/app/dnscloak-secure-dns-client/id1452162351

呢個app 最大好處, 就係免費. 需則係無得subscribe AD blocking list, 即係話要自己手動去更新blocking rule . 不過工口工程撚巴打寫左個shortcut , 跟據巴打既方法黎keep 住update 個adblock domain list 就得.







NextDNS app
https://apps.apple.com/us/app/nextdns/id1463342498

係一個用 custom DNS 既廣告blocking app. 不論Android 定IOS 都有. 佢其實好似AdGuard Premium v3.x 既運作. 係用第3方DNS server 黎做ad blocking. 而比AdGuard Premium v3.x 好既, 係你可以係佢網站先登記戶口, 可以經website login 入去https://my.nextdns.io/ , 係有好幾款唔同既dns server 方式俾你用.





跟住佢仲有blacklist 既選項, 係可以自己加custom domain 落去.



係佢website 加完, 你電話就會跟手update 左. 變左都叫做可以加system wide custom rule. 唯一個問題, 係你用第3方DNS server 就一定會慢d 個上網速度. 你亦無得subscribe 外面既adblocking list. 而且佢雖然係free, 不過每一個月俾你可以有free 既300,000 個DNS query. 我無理解過咁既數目係多定少, 不過我估計正常用都唔會過.



Futuremind Adblock app
https://apps.apple.com/us/app/adblock/id691121579

好多人講, 呢個app version 2.8.2 唔係好block 到廣告. 我可以話你聽, 你識慢慢執d rule 的話, 係仲可以用到, 不過對於唔識攪既人, 請用其他品牌, 唔好浪費你既青春.

https://applealmond.com/posts/28044 (windows)
https://www.newmobilelife.com/2017/09/04/ios-app-iphone-downgrade/ (Mac)

舊版2.8.2 係唔洗長開VPN. 不過亦無得subscribe Ad blocking list. 要人肉加domain 落去. 因為係有唔少人講話久不久會block 唔到廣告. 你係需要自己人肉搵邊個domain block 番, 又或者等個app 更新個block list. 而最新版係v4.2 , 一樣無得subscribe Ad blocking list, 不過你v4 係可以人肉 import ad blocking list. 但係v4.2 已經係變左同其他所有ad blocking app 一樣, 係要長開vpn. 所以 如果用呢隻Adblock, 一係用v2.8.2, 一係直頭用其他牌子.

AdGuard v4/AdGuard Pro v4 Blocklist Syntax 教學

以下教學都係由基本中の基本巴打提供

* —任何長度嘅字句，包括長度為 0 嘅字句 (String with length 0)／空字句 (Empty string)

|| —符合網址開首嘅字眼以及子網址 (Subdomain)。你毋需指明網址嘅連線協議 (Protocal)，即係已經自動包括 http://*、https://*、ws://*、wss://* 等等。

^ —分隔符號。呢 part 官方都解釋得唔算太清楚：

以我嘅理解，分隔符號應該係指任何用作分隔用途嘅字母、數字及符號。有錯嘅請更正。

| —開首／結束嘅指針 (Pointer)。當佢放喺一句字句前，就係表示開首要符合嘅字句。而放喺後面即係表示結尾要符合嘅字句。

$important —提升優先度。當自訂 blocklist 同 filter list 嘅規則有衝突，會以含有 $important 嘅規則為準。

$match-case —字句嘅大細階一定要一致。

——————————

例子 1：||abc*def.com^
說明：封鎖任何符合「abc + 任何長度嘅字句 + def.com + 一個分隔符號」格式嘅網址及其子網址 (Subdomain)。
http://subdomain.abcdef.com、https://abchijkdef.com/example、https://abctestdef.com/ad1.gif 將會被封鎖。
https://abcdef.com.hk 唔會封鎖。

例子 2：|http://example.com/
說明：開首符合 http://example.com/ 嘅網址先會封鎖，唔包括子網址 (Subdomain)。
http://example.com/、http://example.com/section1.html 將會被封鎖。
http://subdomain.example.com/、https://example.com/ad1.gif 唔會封鎖。

例子 3：gif|
說明：結尾符合 gif 嘅網址會封鎖。
https://example.com/ad1.gif、http://abc.org/banner.gif 將會被封鎖。
https://example.com/gif/test.html、http://abc.org/banner.png 唔會封鎖。

例子 4：||example.com^$important
說明：當規則發生衝突時，封鎖 example.com 及其子網址。
https://example.com/、http://subdomain.example.com 一定會封鎖。

例子 5：||ExamPLE.com^$match-case
說明：網址嘅大小階必需跟隨 ExamPLE.com 先會封鎖。
http://ExamPLE.com/ad1.gif、https://subdomain.ExamPLE.com/ 將會被封鎖。
http://example.com/ad1.gif、https://subdomain.example.com/ 唔會封鎖。

官方教學：
https://kb.adguard.com/en/general/dns-filtering-syntax
https://kb.adguard.com/en/general/how-to-create-your-own-ad-filters#basic-rules




之前既post
post 1: https://lihkg.com/thread/289210/page/1
post 2: https://lihkg.com/thread/413714/page/1
post 3: https://lihkg.com/thread/598178/page/1
post 4: https://lihkg.com/thread/1033351
post 5: https://lihkg.com/thread/1926350/page/1

無用過...答唔到你.

留名

懶人包: 先睇呢度.
無用過既人最簡單download Adguard Pro for IOS, Adguard Premium for Android, 跟頭post #2 去set block rule 同DNS filter 就用到. 你機內所有app係乜柒廣告都block 晒既. 挑戰者可以用Adblock 最新version, 都多人用. 不過subscribe filter list 我覺得難攪個Adguard.

Q&A
1. 係咪一定要課金買adguard pro先block 到廣告.
係, 課金版先可以block 晒你機內所有app 既廣告

2. block 唔 block 到youtube app 既廣告
唔得, 不過有work around, 自己我呢個 post 搵"Youtube 片內既加插式廣告blocking". 係首post #3.

3. IOS 14.5 以上用Adguard pro 係有機會需要係General > Advance setting
> Low level setting > Tunnel mode 要set 做 "Full Tunnel" mode 先會work. 我淨係知佢地fix 緊呢個問題, fix 完可以用番"split tunnel" mode

用佢隻dns encryption 係咪真係等於 ISP 睇唔到你上咩網？

唔知點解用左adguard pro 連登app都周不時會有廣告出現

冇更新adguard?

只有用vpn 先會做到isp 睇唔到你做咩. 而且要你用個間vpn 係識一駁上去就自動幫你轉埋DNS. 我用既Nordvpn 係咁運作.

Thx bro lm

想問andriod嘅luna vpn是咪流流地
我ios用嘅luna vpn block youtube app廣告冇問題，但android 版就唔得，定係同佢等級有關

唔好用luna vpn, 佢比apple ban 左就係因為佢偷你資料

似係twitter ad 冇block

冇事

呢幾日見返連登啲ad 係咪要加rules?

adguard pro最新版經常會重新啟動防護係咩事
iphone一直連緊wifi，冇換過網絡

me2

me3
呢排好唔掂

me4

開咗vpn上網