【ViuTV】《ERROR自肥企画》(78) 無制限OT編集団x ERROR 回歸喇【後續討論】

想發表下少少個人意見

Error自肥基本上係我呢十幾年少數會留下深刻印象嘅電視綜藝節目，我本身唔多好呢D嘢，但我竟然會由佢第一集追到結局， 最後嗰段真心係發人深省，重新思考返娛樂，電視綜藝嘅意義
雖然個節目好似9下9下，玩下遊戲射下死亡行星咁又一集， 但如果呢個節目淨係得呢啲元素嘅話係唔會有咁大迴響， 難聽啲講句其實整蠱節目已經畀無線拍到濫曬， 如果個方針係得整蠱啲artist嘅話係唔會個回響咁大， 個節目搵到佢嘅自身定位所以咁成功。

呢個節目癲嘅程度同埋佢嘅衝擊性某程度上不亞於viu記啱啱開台嗰陣播嘅真pk，其實未必個個接受到， 但老頂頂住咗觀眾壓力畀佢繼續播， 節目組亦都冇辜負到老細嘅信任，繼續認真咁做癲嘢，如果冇一個好老細頂住呢D壓力畀個節目繼續run，又或者冇呢班痴線佬畀後輩留低呢D咁特別嘅實驗成果，今日viu未必拍到Error自肥企劃呢D咁特別嘅節目。果實要結果需要良好的土壤同適當嘅施肥先可以成事，而viu開放自由嘅創作環境(土壤)同製作團隊嘅認真鳩(施肥)，再加埋班artist(種子)先可以結出今日嘅果實。

另外，呢個節目之所以咁成功仲要歸功於節目組同D演員嘅真性情流露，由接受死亡行星懲罰嘅扭曲表情，到Error四子自肥企劃嘅感言，畀觀眾嘅感覺就係「真」，唔會因為顧慮電視尺度而自行過濾對白同扮大/細反應，唔會迴避黨台粉嘅無理指控直線抽擊；另一方面，製作組瘋狂入鏡介入劇情，甚至直接出一集bts講返套嘢點樣拍， 將個生仔過程直接話畀觀眾知，令個節目更加立體。 我諗呢個節目應該係少數節目呢係會知埋個製作組係乜人。

跟住就係一個靈魂拷問，點解viu可以拍得出呢啲節目而無線做唔到？

首先，大家嘅方針唔同，無線一直以嚟嘅方針係諗點樣可以重振昔日嘅綜藝輝煌，拍出可以電視撈飯嘅綜藝節目，其實佢哋唔係唔做嘢，佢哋都曾經嘗試回應viu嘅出現進行改革，但係，佢哋嘅問題喺佢哋嘅主旋律其實一直冇變過，就係迎合觀眾期望拍出佢哋會受落嘅節目，用另一個講法就係複製成功嘅方程式，人地拍乜自己就拍乜，或者永續自己嘅王牌節目，例如獎門人同歡樂今宵之類嘅作品。呢種模式喺七十至一六年之前其實係幾成功。
一、當時電視台選擇唔多，31台係一四年之後之出現，而且當時資源唔夠都係翻炒節目同魚樂無窮為主，基本上冇乜人睇。亞視……每次都爛出新高度嘅電視台講經咩？
二、娛樂選擇唔多，當時社交網絡、串流影視未普及，D人冇乜娛樂都係要焗住要打開部電視睇。
三、觀眾要求唔高，好似當年歡樂今宵嘅宣傳話齋，觀眾其實只係一日工作完想休息開心下，對節目質素要求唔係咁高(當然啦，要求低唔代表真係拍乜都冇所謂，太破格嘅節目佢哋唔會受)。
結果日復一日到咗2016，viutv橫空出世，對無線一直以嚟節目拍攝方針拉響咗警鐘，因為佢哋已經唔再係唯一一個電視台，觀眾已經唔係一定要睇無線，而佢哋點樣回應呢一個衝擊呢？
由於篇幅所限，容我下文述之。

屌

無線其實有嘗試過掙扎，唔係眼白白咁睇住viu逐漸動搖佢哋嘅領導地位。
但係，佢哋嘅回應方法就係進一步痴迷於以往嘅成功方程式，希望可以留住觀眾。
一、複製他台成功方程式，仲記得當年viu拍完「跟住2047特首上學去」之後好似都冇一個月都冇，佢哋又拍一套極度相似嘅節目，結果除咗嗰句「有樓有高潮」我已經唔記得佢拍咗D乜。
二、喺黃金時段播中國劇企圖挽救收視， 可能佢哋諗住呢啲劇喺大陸都有好好嘅click rate係香港收視都應該唔會太差， 但佢哋冇諗過幾個要素：
1. 中國網絡水軍王國同飯圈效應大，Click rate嘅水分可以好大
2. 爛片一樣可以好多人討論
3.D人喺中國D影視網睇完其實可以唔駛喺無線睇
4.佢播中國劇起碼幾個月jetlag
而且，佢買返嚟D片喺中國本身評價都係中至中下水平，有D劇真係老尷到不得了唔舉例子了，舉咗例子我應該會瘋狂引伸然後偏離主題
三、翻炒昔日成功嘅方程式， 將EYT嘅模式不斷複製；重用離巢舊將， 嘗試以佢哋嘅知名度吸引公眾眼球， 但佢哋冇諗過觀眾其實都會成長，佢哋以前舞得掂嘅嘢唔代表而家都一樣， 結果雙方嘅鴻溝越拉越大無線嘅計劃自然就會失敗

對無線嘅致命傷，恐怕係19年嘅反送中。

佢哋徹徹底底咁喪失咗一個階層嘅支持，呢個對於任何產業嚟講其實都係致命傷，但佢哋老細好明顯wfc.

之後佢哋都嘗試開拓新客源以填補失去年輕人客群嘅損失：開拓廣東嘅大灣區市場。
但係，佢哋嘅如意算盤打唔響，佢哋將喺香港嘅失敗喺廣東完全一致咁重演。

另外，無線嘅仇青味越來越濃，由愛回家到其他佢哋D劇嘅後生基本上就係一班玩世不恭嘅死仔同二世祖，講白啲就係呈現班老人家眼中嘅後生仔，說教味濃到令人反胃，真係唔講仲以為某屈姓婦人入咗去做

最後講下少少個人感受，呢幾年無線畀我嘅感覺就係一個失去羅盤嘅郵輪喺大海上飄流；而viu就係一架航運船喺大霧下航行，前面等緊佢哋嘅嘢其實係未知，不過佢哋唔會因為驚大霧後面嘅嘢而停步不前，留喺大霧入面，永遠唔會有出路，但肯去試肯去博，前面等緊佢哋嘅可能係一個載滿金銀嘅寶藏島。

不積跬步，無以致千里；
不積小流，無以成江海，所有嘅成功都係一步一步嘅嘗試累積，今日Error自肥企劃嘅表現方式或者唔係個個接受到，或者有待改進， 但每一次嘅嘗試其實都係為下一次嘅節目提供咗參考，無論是好是壞。

如果覺得我講得好嘅歡迎forward，不過記得credit返我

打你咩

如果193 飲醉左.....

原本諗住都係買返gatsby
但係最後決定支持下肥仔
又真係幾好用

唔飲醉都會。。。

有無味

淨係知一定爆筆直
香港爆應該好貴

呢隻有少少，但係唔係話好重味
同埋我覺得都算係乾爽
用完之後，$14算係咁

呢個牌子比gatsby 貴好多

ERROR流忍者ERROR流傷者 梁業


https://instagram.com/stories/ahgigiha/2579012986224052663?utm_medium=copy_link

笑死

同一個人嚟
I love both

啱啱重睇見到客串有強尼個名 但醒唔起佢喺邊集出現過

抹面會唔會那

無人關心肥仔嘅傷勢

但好用過gatsby
未sponsor已經用緊
不過用黎抺面先捨得
手都係用返cheap嘢

自肥完左 呢個究竟係咩世界

跪求tg新link