試過返一份新工因為唔適應大公司工作環境、日日心不在焉做錯野,做錯野令到自己愈黎愈冇自信,亦都愈黎愈憎份工
,日日都諗辭職,結果個腦就不停loop呢d負面野,做野時好時差,同上司關係亦愈黎愈多矛盾。
果段時間成日入廁格比自己冷靜下, 食飯盡量自己食唔想同人接觸,一有時間就上網search辭職、返工做錯野、份工唔適合自己、性格、情緒病、甚至自殺呢一類字眼,我諗果陣係想睇下究竟係自己問題定其實好多人都有相同經歷,同埋男人呢種動物係比較少同人講自己嘅問題同比人睇到自己脆弱嘅一面,所有野收收埋埋,結果就係鬱係心入面。