你翻工最大壓力試過點？

之前做廚房成日比人催單
訓訓下教會有比人催單嘅幻覺，每日訓三，四個鐘就會扎醒，極度難受

身邊既人覺得我痴左線

多謝你

夜晚訓訓下起身柯嘔
身體差到入廠仲要俾人叫起身做野
老闆日日係到鬧

發夢都夢到做緊野 4點幾自動醒訓唔返
果期大家都忙到核爆
6點半已經收到公事電話

最後捱唔住quit
換左間明面9-5 但無打卡系統 你懂的既公司

訓訓下又半夜醒

試過當住全公司人面前喊到收唔到聲。就在5日前，被上司講左幾句，喊到收唔到聲。

覺得心口那住那住 透唔到氣
一晚醒幾次 無時無刻都諗起返工嘅嘢
遇到唔公平嘅嘢覺得好氣憤 但又無力解決

睇到大家嘅留言覺得好心痛
其實健康真係重要過一切
覺得自己身心準備崩潰果下真係要諗下
到底呢啲閪工繼續做落去值唔值

工作 錢 唔係人生嘅全部
真係捱唔住嘅就quit撚咗佢搵過份
千祈唔好咁傻去做傻事

啲瘡係好似好多粉刺啲閉合性暗瘡，生到密密麻麻無乜膿頭，好似响好底層發出嚟但又幾星期都唔會熟咗謝咗，就咁搽暗瘡膏都唔會好返

開頭睇浸會皮膚科食四環素，但太貴，上網爬文好似話副作用會食到牙永久發黃，但個醫生乜都無講，睇咗兩次無再睇佢，因為治標唔治本同埋勁貴，後尾上forum爬文，話旺角(好似旺中)有個姓陳既男醫生有得醫暗瘡，佢收費叫相對平好多，食A酸，有隻Roche同另一個平啲藥廠揀，我揀咗平嗰個食，逐粒藥計錢，仲按你體重去定個份量，要食哂成個療程，未食完已好咗一大半，但療程期間要做好防曬同擔遮，盡量唔好曬太陽，成年人先嚟生啲恐怖瘡，好返之後毛孔都好大，皮膚無以前咁鎖水，又油又乾

低人工開心+比親戚寸你冇出色冇車冇樓 VS 高人工壓力大但可以買車買樓寸返人。

你揀邊樣？

24小時on call ，有客打俾你，幾點都要出去
利申：試過凌晨3點幾返左去Cwb

已經學識咗返工唔好太上心
人工包返工嗰陣比腦細屌
收工理得佢

四五個月都六七點起身
長期諗住堆野

今日又上班翻工，琴日又收工通知話又調走我

壓力大到差d爆血管

Wfh當no pay leave

咁咪唔做

香港工作文化數一數二差

咁你有冇計過食藥食左幾錢？
同個e生㕵中幾多樓？

日日屌晒老母已經要裸辭啦

我睇嗰個係陳榮杰醫生，我早就唔記得個地址，啱啱goggle返，係响旺角中心一期808室，你可以上網揾下，好似要預約

我唔記得總共洗咗幾錢，只記得平藥廠每粒藥嗰時係1x蚊(因為正牌藥廠Roche仲貴要差唔多40蚊一粒藥)，我揀最平既功效差唔多既食，藥既份量係斷mg乘你個體重計你成個療程要食幾多，由低份量開始到高份量咁食，我由10mg開始食到60mg，我食咗近3至4個月，總共洗咗都近4千左右(實際銀碼唔記得)，你預每個月budget 1500蚊左右(而家我估要2000蚊+)，隔太耐價錢我唔太記得，但佢一定平過私家皮膚科，同埋個醫生每次都會同你影相記錄低食藥進度同皮膚狀况，每次覆診都會睇返上次既相去對比，私家醫院或診所啲皮膚科醫生趕鴨仔咁收完錢唔理你，如果我早啲識睇佢就唔洗哂冤枉錢同時間

我一開始係睇完浸會皮膚科兩次，轉咗睇過葉鵬舉，呢個係皮膚科醫生，但一直唔肯俾我食A酸，睇咗4至5次拖我症，浪費哂啲錢同時間，最後上網揾下料先揀咗陳榮杰，最後ko咗啲暗瘡，佢唔算係真係皮膚科出身，但佢真係幫到我

我洗既冤枉錢仲未計中間睇咗另外兩個垃圾醫生，陳醫生係我睇到第5個醫生先搞掂

食A酸都有副作用，你自己要上網google下，有人食完皮膚變薄或者變咗有濕疹，但我無，so far覺得A酸最快

仲有個男醫生舊同事話幾好，以前响觀塘廣場開診所，佢真係皮膚科醫生，會肯用BHA藥膏，呢個醫生以前收費都平同埋好用心，但而家發跡之後診所搬咗去港島，變咗收費都幾貴，試過同同事提起皮膚科都講起話佢幾好，個醫佢本身皮膚仲好過啲病人

但你醫好左暗瘡，返工壓力又大返唔唔會返發？

唉，好慘ga，個上司nitpicking同micro management，連send 個email都話file size太大，仲要覆返email話自己有錯，每日都會揾啲嘢話你，唔係疫情伏工太多的話，我一早裸辭咗，而家又被人搞到要睇醫生，總之黑仔