【誠信破產管理局】 一個以誠信評級主宰嘅城市 （結局篇）

呢個故事會唔會出書？我怕好快連呢類型嘅書都無得睇了

其實係少咗任何一個都唔得，包埋後面突然出現嗰幾百人

我又覺得唔算離題，個故一路都講緊極權底下嘅人生百態，有啲好似千代咁只係想回復正常生活去旅行嘅人；又有啲好似主角咁唔滿足於就咁恢復評級，不斷追尋自己破產嘅原因（其實係搵個制度嘅漏洞）；又有啲好似洋子咁默默幫助制度底下嘅受害者（破產年輕人）；更多嘅係好似阿妹（阿奸）咁意志唔堅定嘅人，一開始係受害者，但係一上咗位就變咗制度欺壓嘅一部分；付出最多嘅應該就係院長呢類犧牲嘅人。

咁樣去睇嘅話其實幾貼近一場抗爭。

幾鍾意呢個結局
以前睇其他故 覺得幾新奇寫得幾好
但好多結局都係估到曬
反而今次見到臨尾咁多人覺得幾有新意
同埋附合現實

題外話
織部係咪玩弄緊阿妹感情

終於睇晒成個故事，寫返少少感想。

故事係帶出到個主題嘅，人物刻劃深刻。但係我認同個結果係有啲突兀，如果鋪敍多少少會好啲。

至於其他故事情節，我覺得故事幾個人物嘅行為正好反映出誠信制度嘅不可取，因為你有幾相信一個人，絕對係主觀㗎，又點可以用來做一個城市嘅主制度呢？

院長呢個人物真係好諷刺，佢一直堅持大家一定要相信佢，同隊之間要互信，但偏偏佢一個人都唔信（可能除左織部啦)，不斷花好多時間去起人底，什至要同大家努力創造個假擔保計劃去做考驗，花左好多大家嘅精神時間心血，如果呢啲用作實行真計劃幾好呢？而且如果得織部一個知全盤計劃，如果織部喺實行前已經俾人被飾穿了咁點？ 再者對阿妹都好慘，用欺騙來換取信任？同樣係試探，洋子因比放棄了愛情，千代同主角卻覺得冇咩嘢，係因為太相信院長，定係因為絕望，所以想抓著那一點點光呢？

理想絲加油呀，呢個絕對係一個優質嘅故事，我希望有一日你會變成理想很近啦💪🏻

感謝理想巴

其實我覺得有隱喻無問題
只係做得唔夠好
顯得同主角眾嘅故事無太大關係
意思即係七郎 洋子 電藝師等
佢哋嘅故事對結局其實無太大影響

好好睇 gchi

幾令人反思既一個故，雖然麻麻鐘意睇開放結局既故，不過都要支持下尤其院長同主角被破產真係寫得幾好

俾我嘅感覺似係移動迷宮
第一集集中係逃脫（通過院長測試）
結尾話俾觀眾知有更大嘅格局，請入場睇第二集
不過我都覺得所謂嘅「破局」講得有啲含糊
如果係打仗/上街，得幾百人又好似太少
如果係做其他嘢，又唔知佢哋攞啲工具有咩用

又諗到個比喻
我靠返工儲到廿萬 加埋daddy畀嘅兩百萬去畀首期

我反而覺得似紅van電影

不過瑕不掩瑜
整體嚟講都好好睇

其他留言太長我quote呢個啦，不過全部留言都有睇的


記得你好早就留名，好多謝你一直睇到呢度，仲寫咗好長嘅意見俾我
唔知我有無理解錯，你覺得最大問題係前段角色們嘅小故事連結唔到去最後結局，我諗最大分野係你唔認同佢哋各自嘅故事同「反抗」有任何關係。
院長本身只係物色一啲意志堅定嘅人，再從小事見到有反抗嘅意志萌芽先選擇相信佢哋（邊啲小事故事已有就不再累贅）。呢幾條友嘅小故事，的確只係星星之火嘅冰山一角，但都係燎原必不可少嘅一點火光。

如果唔同意制度係主角，咁成個故事前面舖墊嘅99.9%我都明白你覺得離題。但希望唔好覺得結局嘅訊息係我「求其加啲現實隱喻」，因為成個故事由一開頭已經係用緊呢個隱喻包裝。

唔能夠睇得出係我功力未夠，呢點只好抱歉。希望下次可以令你睇得出同感受到故事當中嘅心機，而唔覺得係求求其其塞落去無用啦。

睇完了 多謝樓主寫咗個咁正嘅故
題材新穎 同埋一開始就已經好有共鳴
係最後埋尾有啲倉促 突然話其實一切都係院長嘅試探 原來織部係院長嘅人同埋阿妹唔合格
希望有機會有外傳睇到角色們之後嘅生活

萬事屋同筆試都好正 期待萬事屋出第二季

佢意思係 之前個幾月追緊嘅誠信破產管理局
同今日呢個結局 好似係兩個故事咁
同佢一路追緊嘅唔同哂

多謝理想巴又一次寫出一個咁好嘅故事
無諗過呢個結局會睇到眼濕濕


好似樓上有巴打咁講
唔知遲啲會唔會連呢啲書都買唔到了
希望今年7月可以買到呢本書

5201314

好坦白講
一開始我以為自己有呢種感覺係唔正常
原來大家都覺得嗰結局唔似結局

今日得閒 重新睇返次
院長講到明一定要係佢哋幾個
點解到最後會突然變咗幾百個
阿妹叛變應該係一個高潮位
點知道最後會變成咁
* 我仲以為成部嘢個主線係信任，原來係反抗
唔係唔好只係我覺得比起之前嘅章節結局冇咁好(主觀感覺)
我覺得聖鬥士星矢個結局同呢個結局可以一比

我都覺得埋尾有啲倉促
希望下次可以加多少少篇幅 留伏線講試探
可能因為之前洋子篇比較有鋪排
對比之下顯得院長個段太快 冇乜伏線

不過我都幾鐘意今次係開放式結局
起碼我覺得冇結局=仲有機會改寫歷史

最後多謝理想巴分享好故