我男朋友大約係今晚7點40分冇心跳呼吸，醫生確認時間係9點零鐘
呢個月黎好多謝連登巴絲幫佢打氣，搵好多資料同方法幫佢，雖然最後結果未如人意，但全靠你地佢先捱到今日，呢個亦係佢意願黎，無論幾辛苦佢都想捱到最後一刻，佢係我見過最堅強勇敢嘅人
呢個po對佢意義好大，令佢覺得自己唔係廢人，就算訓係病床咩都做唔到，佢都可以做到件有意義嘅事，將正能量傳比你地，留低罕見病嘅訊息，呢d 都係佢開po 嘅宗旨
追左好耐po 嘅巴絲唔洗太傷心，只要你地將佢嘅正能量延續，就係對佢最大嘅祝福，唔止佢，我地見到佢感染到咁多人去正面諗野都覺得好神奇好恩慰
我相信我男朋友下一世會有一個健康快樂嘅人生，我地一定會再相遇
