有兩大前題要作者成立左先:
— 新作無新增幕後新角色
— 新作角色關係同舊作角色關係完全無關(即係重新洗牌)
第一點唔洗多講,有新角色作者點玩都得
第二點建基於作者話完全新作,初見都睇得唔洗理舊作,我理解呢句說話大概就係人物關係同舊作無關
鬼騙篇:
最後圭一係醫院比護士探病,見到護士係帶針筒黎,推斷新作都係有未知病,但暫時未見過有蟲蟲出現,個個都係得把口講蛆蟲病,當佢係精神病先
護士有問圭一「痕唔痕呀?」同過場時圭一有頸護圈帶,間醫院明顯係想救佢,但動機係黑係白暫時不明,否則理得佢死仲好
但間入江醫院係收檔定搬入,其實觀眾唔清楚,圭一同工作服既人(唔稱山狗住,未必同舊作一樣)對話中其實睇唔出
禮奈搬屋黎雛見澤前就可能已經有L3既症狀,即係新作動畫開始時已經內置L3症狀
殺梨花同沙都子既兇手單憑呢編推論不可,太少線索,唔可以一口咬定沙都子係兇手,雛向係沙都子但無確實線索
三四同富竹按道理都係走佬,但動機係黑定白亦都唔清楚,只知有緊要事要即刻做
棉騙篇:
呢篇觀點同你完全唔同,各人認為沙都子先係兇手,就如我既推理,沙都子同工作服既人有關係,圭一打唔到廁所門都係工作服既人鎖住左,雖然我咁講好似好無理,考慮到呢套野套路無咁簡單,最後圭一生還都講左句「咁未好似講到全部都係魅音一手做既?」我覺得呢句一定係作者想暗示觀眾無唸得咁簡單
出發點已經唔一樣,無咩好反駁,各執其詞睇下結果
祟騙篇:
首先,大石係呢篇一定有可疑,呢個一定係無可置疑。我覺得呢篇大石係「黑」,但唔會係主謀只係一個棋子,自己既計劃點會自己發埋病都有
沙都子扮嘔既機會非常大,但呢到有兩個分支。一個係沙都子同鐵平融洽相處,另一個係沙都子早已殺左鐵平,最後毆頭場面係圭一幻想出黎。兩條線都各有理據可以支持
沙都子殺左鐵平論:沙都子就係黑幕,唔係黑幕都肯定好大地位,假設小弟既綿騙篇推說成立,沙都子呢到係可以先殺左鐵平,然後可以想引圭一番屋企再趁機殺佢。但沙都子可能唸唔到圭一早已有病有幻覺幻聽,預料之外所以殺唔到圭一,結果就即刻轉胎番祭典搵人求救,結果撞到大石發緊癲,所以死埋
沙都子同鐵平和好相處論:大概同你一樣,只係打麻雀燕返果到可能係你唸多左姐,應該無太深意義
。之後就如我地睇到既所講,鐵平比圭一搞到激起把火就一野扑落去。
關於大石,呢個真係不解,我覺得以暫時線索其實推唔到啲乜,唯一只可以話有秘密唔比得主角群知,但係「白」係「黑」唔清楚。佢發病可以係自然發病,亦都可以係被利用發病