[帶住班人自由行]9日關東關西跳板之旅

食松屋會傳染

今次晚餐都輸俾松屋

Day 7

呢一日係成個旅程既壓軸
因為終於有新既景點喇
之前嗰6日行程除左橫濱之外
其他全部都去過，悶到我呢
我係關西既足跡終於由大阪西移到姬路
而家當然唔止啦，差沖繩
點解會揀左姬路黎去？
因為姑姐碌FB睇到姬路城好靚，問我去唔去到
咁就梗係去到啦，順便放埋神戶落去
結果就中左大伏，遲下會講

去姬路都幾遠，要好早起身去搭車
前一晚食完飯諗住問下佢地食乜早餐好
----------------------------------------------------------
：我地大約8點就要出發，食乜早餐好
媽：呢度咁多野食，我地自己搞掂得啦
爸：老婆話點就點啦
姐：咁早起身，細佬幫我去便利店買野上車食
姑姐：我食なか卯得喇，好多野未食
：咁記住食飽啲喎，可能好夜先有飯食
----------------------------------------------------------
我就松屋打手，姑姐就做左なか卯打手
佢愛上左個饅魚飯，晚晚食一次

前一日冇食松屋唔安樂
今日就食爆佢，早餐就食full set
本身諗住剩係食蔥鹽燒豚肉飯 + 半熟玉子就算
但又好似唔夠，所以就望下有冇其他野叫
原來佢有豚汁+玉子set或者沙律+玉子set
豚汁就未就過，所以就要左嗰個set
蔥鹽燒豚肉飯都係一樣水準咁好味
而且個份量好似大左
唔信睇番#150 https://lih.kg/seGwuEX
豚汁超級足料，除左有腩片之外仲有勁多菜
雖然都幾濃味，但係超香，可encore
點都好過飲隨餐附送嗰碗味噌湯



食完野就行去買野俾家姐食
酒店隔離間Lawson唔係普通便利店咁簡單
佢係勇者鬥惡龍主題便利店
除左一般便利店有既野之外
仲有個corner賣週邊
同舖面一樣，9成都係史萊姆


大阪去姬路搭鐵有3個方法
第一個就係搭關西最長私鐵網絡
由近鉄日本橋駅搭去尼崎駅
之後轉直通特急就可以直接到山陽姫路駅
即使中間經過3間私鐵路段 (近鉄，阪神電鉄，山陽電鉄)
中間都完全唔駛出閘，車費最平又行最少路
但係就算夾啱時間搭都要成2粒鐘先到目的地

第二個就係搭鐵去梅田駅
之後行去JR大阪駅轉乘新快速列車去姫路駅
大阪駅至姫路駅呢段路線屬JR神戶線
屬於京阪神交通系統其中一條大動脈
新快速係呢段路段入面特急以外停最少站既車種
固定15分鐘1班，88公里路程只停8個大站，1個鐘就到
同特急差唔多快但唔駛加特急料金，性價比都幾高
計埋酒店出發要個半鐘，但只係貴第一個方法少少
但我地出發個時間未必有位坐

既然今次咁多長輩第一次黎日本
費事佢地企位咁辛苦，姬路城有排你地行
所以今次就揀左最快最舒服既方法 - 新幹線
前一日去完奈良就係走左去買飛
車費最貴，但車程只係半個鐘
夾好時間由難波出發，其實1個鐘就到
又係搭番每日都會搭既御堂筋線去新大阪站
Day 4搭去酒店，Day 5搭去梅田轉阪急
Day 6搭去淀屋橋轉京阪電車
但係今次就碌柒，出錯左出口去左南改札
好彩跟番人行向後屈番去新幹線站

冇pass都新幹線

你死喇

之前國鐵民營化分拆講左東京駅品川駅既故事
今次就講新大阪駅
國鐵民營化分拆之後成條山陽新幹線就歸左JR西日本
新大阪駅係東海道新幹線同山陽新幹線既分界點
所以JR東海又過黎爭地盤
呢個站設計外觀睇係-|-|-型
西邊南北向"|"就係地鐵御堂筋線月台 (1樓)
東邊南北向"|"係JR西日本在來線月台 (地下)
中間橫跨既東西向"---"就係新幹線月台 (4樓)
下面起左在來線同新幹線車站大堂 (3樓)
雖然名義上JR東海可以獲得新幹線佔有既地段
姐係東西向站體既上下延伸
但西面既地鐵本身係大阪市公營機構，冇得同政府爭
而東邊既地面已經俾JR西日本在來線月台路軌霸左
所以今次JR東海只可以擁有4樓全部新幹線月台路軌
同埋地鐵站在來線之間地下至3樓既管理權
紫色線東邊既大堂同在來線就全部歸JR西日本
好明顯JR東海又係大贏家
接近7成新大阪駅樓面面積都係歸佢


呢張圖係12日獨遊關西嗰時影
企左係JR東海收費區範圍內
閘機對面就係JR西日本在來線大堂
地下嗰條斜線就係上面圖紫色條線
JR東海同JR西日本既管理分界線


因為新幹線部分完全係JR東海管理
所以大細超到唔關佢事既山陽新幹線得1塊報時板
自己既東海道新幹線就有2塊，1塊專俾のぞみ
不過又冇錯既，東海道新幹線班次密咁多


新幹線月台路軌都係JR東海管理
所以用番橙線白底站牌
而唔係JR西日本用開既藍白底站牌


新大阪駅係東海道新幹線既終點
同時係山陽新幹線既起點
不過佢都係一個中途站
大部分班次都會直通運轉
由東京開出最遠去到山陽新幹線終點博多
更厲害既係博多既角色同呢度一樣
係九州新幹線起點 + 直通運轉
由新大阪開出最遠去到九州新幹線終點鹿兒島中央
但係呢度既直通運轉唔會一次打通哂3條線
而係分番開東海道・山陽新幹線同埋山陽・九州新幹線

可能大家會有個問題，既然都駁埋一齊
咁點解唔溝埋佢做東海道山陽九州新幹線
係東京開到去鹿兒島中央呢？
一般而言日本有個說法叫做4小時之壁理論
如果新幹線去目的地既交通時間少過4個鐘
旅客就會揀新幹線，反之就揀搭飛機
例如東京去博多搭のぞみ最快都差唔多5個鐘
但羽田去褔岡機程就唔駛1個鐘
計埋安檢，機場搭車去市區都唔駛2個鐘
交通費又平過你，快又快過你
邊個會咁on9全程搭新幹線
會咁搭既一係就鐵膠
一係就我呢啲精打細算既JR Pass交通魔童
既然冇人會搭足全程
咁就冇必要開架咁長車程既車
係清潔，列車保養黎講都冇咁辛苦



新大阪去姬路都幾多車
但係如果要揀就一定揀JR西日本既車黎搭
今次我就搭由新大阪開出既さくら
因為佢既指定席座位係2-2編成
JR東海啲車係3-2編成，個位會窄啲
張飛特急料金貴過本身車費

認真問，有冇邊間快餐特別好食先
なか卯係差啲既，不過真係平

唔開東京直去鹿兒島嘅車應該都關編成事
JR東海道新幹線唔比16卡以外嘅車入
九州新幹線嘅客量又support唔到16卡
月台都係得8卡

可能我打錯機場編號睇錯左sor
但HND去FUK啲班次咁密咁多公司競爭
我又唔怕佢地搶唔到平飛既
早禁同遲禁都各自有特別優惠


頭先睇埋如果搭天馬航空
最平8600yen


如果係新幹線正常book就得單一價錢
俾盡你用埋折得最勁既EX早特21都要15890yen
一係去大黑屋望下有冇人平放啲回數券或者株主優待券
但都應該唔會去到平機票個數



論時間，機程2個鐘，新幹線5個鐘
雖然東京駅同博多駅係市區中心
但羽田同褔岡機場都係好近市區
東京去羽田機場半個鐘
褔岡機場去博多5分鐘地鐵
計埋你過安檢俾盡你3個半鐘

論價錢，機票有時可能會貴過新幹線
但機票平起上黎仲平過你用外國人優惠
不過除左golden week之外都好少機會發生
羽田同褔岡機場都係好近市區，車費都好平

所以點樣計都好時間差咁遠，價錢又平啲
咁梗係搭飛機慳番好多時間啦

東海道新幹線客量而家都仲係長期飽和狀態
疫情前繁忙時間3分鐘一班都會班班爆滿
仲要好多通勤客，客源好穩定
如果佢俾8卡車入去真係睇少佢

九州新幹線開16卡既話就蝕撚死佢
我有次係熊本5點幾搭去博多
6両編成既800系つばめ自由席由頭到尾都係包車
所以我好理解佐賀點解唔想起西九州線


所以點解JR東海仲要起多條中央新幹線打自己
除左因為怕海嘯地震整斷左東海道新幹線
都仲有多1條補番數之外
因為佢覺得起多條線佢都仲有錢賺

巴打睇黎鍾意食和式定食唔鍾意食丼飯

唔駛半個鐘就到左姬路駅
大堂仲放左500系TYPE EVA新幹線宣傳
而家變左Hello Kitty，不了


係角落放左個屋台係度
睇落似係祭典嗰陣會用


日本城係規劃既時候都係用棋盤既格局
唔係香港嗰間，講緊日本古代既城市
如果係有戰略作用既城市就會有天守
而天守下面有人住同做生意既地方就係城下町
而天守既位置會係城下町既中軸位置
一黎中軸嗰條路會特別闊，方便運送物資去城入面
二黎因為天守係高處，容易監視周圍一舉一動
有仇家過黎想打鳩城主既時候可以盡早行動

到左現代，因為城市發展既關係
啲樓越起越高，啲路同街區越黎越不規則
好多城市都唔再係以前既佈局
基本上都好難係地面遠處望到個天守
但姬路呢度保持得好好
最起碼冇乜高樓大廈，中軸嗰條路仲係度
姬路駅北口設計到對正佢中路
清清楚楚望到宏偉既姬路城天守
天守同有錢佬別墅一樣
起得靚可以威俾人睇


姬路係一個好舒服既地方
交通方便呢樣野之前都講過
去神戶大阪岡山都係一小時內
車站附近有唔少百貨公司同商場
生活機能好全面，又唔迫
所以之後獨遊關西同帶住父母去旅行都揀番住呢度
酒店房有幾大可以睇呢度

[腳痛勝景美食團]用12日獨遊關西#247
https://lih.kg/paiKmKX

唔好以為見到個城就好快行到
入左佢中路成10分鐘先行到佢外圍條護城河
但同天守個距離都唔係少好多




如果睇過我前幾次遊記既話
應該知道我已經去齊國寶五城
姐係姬路城 松本城 犬山城 彥根城 松江城
今次黎姬路城就係我第一個黎既城
號稱國寶之首既日本三大名城之一

之前食過松屋都見到佢地整燒肉定食
都係未解凍就咁係塊鐵板煎所以燶哂
但松屋個價位都冇得要求咁多
佢個蔥鹽燒豚肉飯 + 半熟玉子真係世界級
https://lih.kg/paiKunX

新幹線

嗰時仲讀緊書冇乜錢駛
又冇問老豆老母拎錢，全部自己出哂
伙食唔夠在所難免
出黎做野先開始豪少少
所以獨遊之後食既野明顯地upgrade左唔少

踏入櫻門橋代表正式進入姬路城範圍



姬路城既正門大手門門頂有幾個五七桐既圖案
其實就係豐臣家既家紋
係織田信長當政時期
豐臣秀吉係佢其中一員猛將
當年佢未賜姓豐臣，原名叫羽柴秀吉
當時佢受命攻打中國地方反信長既勢力
中國地方係指姬路以西既本州地區
唔係嗰個國家，唔好拉我
姬路城代黑田孝高自願將個城獻俾秀吉做根據地
同時大規模改建內城去到而家呢個規模
所以姬路城好多磚瓦都留有呢個家紋
代表住呢度曾經係秀吉既地盤


姬路城有另一個名叫白鷺城，因為佢真係好白
同佢成對比既就係熊本城，因為佢真係好黑
熊本熊既黑色就係取自熊本城
兩者既共通點都係採用左獨特既設計
令到個城極難被敵軍攻陷
因為呢一張poster令我萌生去熊本城既念頭
誤打誤撞下去左一個趕到仆街既旅行
想知既請留意唔知幾時之後會寫既遊記
[極限挑戰前傳]3.5日快閃北九州廣島


明治時期廢城令出台，好多天守被商人買左
之後當爛銅爛鐵咁逐塊磚逐塊瓦拆黎賣
而日本城面積一般都比較大，仲要係正市中心
政府睇準呢點就將啲地分配俾軍隊
用黎做軍營，後勤工廠同埋訓練場
幾百個天守同城就咁拆剩60幾座
先唔講啲木造天守好易火燭燒爛哂
大坂城文獻記載都燒過最少4次
燒到最後冇錢起，去到近代先用鋼筋水泥起番
之後二戰盟軍空襲轟炸日本本土
目標自然係軍事設施，天守自然受波及
所以去到而家承傳落黎既天守得番12座
最大最靚嗰啲都做哂國寶

姬路城呢度都唔例外
本身俾商家買左，但輾轉俾左陸軍
大手門後面呢一片大到仆街既空地
就俾佢地用左黎起學校同埋軍事設施
仲籌到錢修葺天守閣
二戰既時候姬路大空襲
成個城下町俾美軍當據點炸爛哂
但奇跡既係最有價值既天守閣居然乜事都冇
事後搵到有炸彈，但全部都冇爆炸可能用左國產
戰後50年揸轟炸機個機師黎左姬路訪問
有記者問佢點解剩係唔炸個天守閣
個機師話根本就唔知呢度有城堡，冇專登避開唔炸
睇黎有神秘力量保護住個城
因為姬路城係日本造城技術最高傑作之一
陸戰打唔入，空戰都打唔爆
現存木造天守歷史超過400年
如果計埋第一代城奠基既時間就有差唔多700年歷史
名正言順成為日本第一個世界文化遺產




千姬係德川家康個仔秀忠個女
7歲就嫁左俾豐臣秀吉個仔秀賴 (???)
但偏偏家康要統一天下迫害豐臣家
搞到佢20歲未到就要守寡 (???)
想知豐臣家發生乜事就睇呢度

2014夏 - [處男親善訪日之旅]7天京阪鴨仔團
#102
https://lih.kg/qziBMqX

之後係家人安排下改嫁本多忠刻
忠刻阿爺就係股壇必勝法本多終勝戰國名將本多忠勝
佢老豆係姬路城主，所以嫁左過黎
2017年就係佢地400周年結婚紀念
所以整左個紙牌俾情侶影
老豆老母當然唔執輸啦


但係touch wood講句，千姬係出哂名邪神
除左秀賴之外 (結婚12年後兵敗自殺，享年21歲)
忠刻都係早死 (結婚10年後病死，享年30歲)
唔止湯豬凳，仲剋後代
長子幸千代2年後夭折
德川家光側室老來得子不祥，交左俾千姬收養
但個仔都係34歲時都無故過身
比較好既算係佢既長女勝姫，冇病冇痛過埋下半世
不過勝姫既後代就係德川幕府末代將軍慶喜
千姬既血脈最終剋埋個政權，令日本走向現代化之路

姬路城白到反光
要帶黑超睇

衰仔出賣加姐

やよい軒 真係平價之選