[帶住班人自由行]9日關東關西跳板之旅

難波好多餐廳menu都有中文

食完飯就行下街
有個idol group仮面女子過左黎表演
都有班fans拎住支call棍打call


心齋橋既地標glica廣告版就唔駛多講啦


道頓堀呢度有間安德魯餅店
由安德魯係澳門開業
賣萄撻賣到出哂名，開到過黎日本
佢老婆離左婚之後拎左個配方改良左少少
自立門戶開左間瑪嘉烈餅店
之後佢仲賣左個秘方俾KFC
所以想食既去屋企附近間KFC買就得
兩間野既萄撻最大分別係焦糖同酥皮
瑪嘉烈個撻奶味濃啲同冇咁甜，皮就林啲
安德魯個撻就脆啲同埋甜啲，個面燶啲
以日本人嗜甜既程度，應該安德魯完勝
所以都幾多日本妹人排隊買黎食
兩隻我都係澳門食過，安德魯的確係好食啲既


呢間就係蟹道樂，睇到隻蟹就認到


行行下見到有架美食車超多人排隊
間野叫「世界で 2 番めにおいしい焼きたてメロンパンアイス」
中文名就係世界第二好味既雪糕蜜瓜包
源自石川縣金澤市既佢因為上左電視被名人推介
所以好似珍珠奶茶熱潮咁短期內間左好多間舖
世界第一係邊呢？間舖話係佢師父
咁我地當然唔執輸排埋一份啦
佢既做法其實冇乜特別
就係拎個包打橫切開一半
之後係個雪糕盒𢳂一球雪糕夾係個包度就完成
仲有一個蜜瓜包+雪糕+罐頭菠蘿既組合
日本人對甜品既想像力簡直係災難級
日本麵包舖整既蜜瓜包通常比較白淨未焗透咁
因為個皮會keep住吸左下層麵包既水氣
所以唔係新鮮出爐既話就唔好食
呢度就比坊間焗得脆同燶，而且係熱既
所以有少少似香港既菠蘿包咁皮脆鬆化
雪糕就係一般呍呢嗱雪糕冇乜特別
加埋一齊食有冷熱既冰火口感
但味道又真係唔係太出眾
400yen一個雖然唔係話好貴但唔值
如果你問我食菠蘿油定食佢，我就一定揀菠蘿油
所以呢間野紅左一陣就收哂皮
最多試過有40間分店，而家得番5間

喺京都都買咗個蜜瓜飽嚟食
不過太吝嗇所以揀咗無饀
偏冧身又唔夠脆皮唔太好食

佢未紅之前喺金澤本店食過一次
完全唔好食 舊雪糕又cheap

反而真。蜜瓜包 呢間好食 入面有蜜瓜餡
『銀座 木村屋』の「銀座クリームメロン」

lm
睇過2019年帶2老做鐵膠個po

kfc萄撻個配方背景第一次聽
估唔到原來同澳門果間有關

樓主終於返黎

雪糕蜜瓜包
玄米茶味好食D

好想去

Day 06

黎到關西既第二日依然係向京都方向進發
京都市區我地行完，今次就去近郊 - 宇治
今次就唔係搭阪急，係搭京阪電鉄
同前一日一樣，為左上到車同有位坐
所以又行去難波駅搭地鐵去淀屋橋駅
之後行去京阪本線總站淀屋橋駅
去到中書島駅就轉車去宇治駅
--------------------------------------------------
なんば
V (Osaka Metro御堂筋線)
淀屋橋
| (出閘，行路3分鐘)
淀屋橋
V (京阪本線)
中書島
V (京阪宇治線)
宇治
--------------------------------------------------
京阪本線作為直通京都大阪3條鐵路其中一條
另外兩條係JR京都線同埋阪急京都線，唔計新幹線
主要服務淀川東岸，宇治同鴨川東岸
為左同另外兩條競爭，所以出名多特急
每10分鐘就會有一班
由淀屋橋去中書島有28個站，特急6個站就到
但可惜佢條走線唔直，架車又快
所以食飽早餐真係唔好搭，𠺘到仆街




JR同京阪各自都有一個宇治駅
京阪嗰個係宇治川東岸
要經過宇治橋先行番去市區嗰邊
今日天氣好，所以宇治川風景都好正
一啲都唔輸蝕嵐山



宇治係抹茶之鄉，出產既茶係上貢俾皇室
所以歷史上都係一個留名既地方
本身都好多景點同野食
不過因為今日要去埋奈良
所以帶佢地去平等院就算
食埋飯？不了，8個人食飯等2個鐘都唔知有冇枱


今次雖然冇時間食飯，但抹茶唔可以唔食
上次黎就去左中村藤吉本店食飯
今次就去中村藤吉平等院店
雖然都有堂食，但我係門市買軟雪糕
うじきんソフト抹茶＆ほうじ茶 (400yen)
呢個係抹茶焙茶兩溝，有紅豆同團子
放大張圖睇你會睇到有啲茶粉係度
絕對唔係坊間綠茶雪糕得個顏色而冇茶味
呢個雪糕有奶香得黎好重茶味
正好中和番紅豆既甜味，加埋一齊超級夾
所以食極都唔會滯



日本啲Starbucks好多都好有特色
平等院呢間就有個園景係門口
好有京都既特色
又咁啱佢新出左杯抹茶Frappuccino
同呢度既氣氛好一致

京阪線得個平字,最慢係佢

之後就係去今日其中一個重點景點 - 平等院
上一次同朋友黎過嗰陣就又凍又濕又落雨
感覺麻麻，好彩有紅葉搭救
歷史嗰啲野之前個post有講，我就唔重覆喇

[紅葉。基友。京阪奈]兩個小生去日本7天團
#116, 120, 122
https://lihkg.com/thread/2232918/page/5

今次黎就藍天白雲，仲要正值中午
所以影相冇乜陰影，個鳳凰堂影出黎好靚
不過因為天氣好，都幾多人過黎
當中唔少專登俾多300yen行入本殿
但我又唔係虔誠既教徒，唔入去了



鳳凰堂對出個石地完全冇野遮擋
所以企一陣就已經曬到出哂汁
難得霸到個中心點，梗係影番張靚相
但有個阿姐擔住把遮遮鳩住我
仲要同fd子企係度傾計死都唔肯走
呢幅圖好完美，除左個阿姐把遮
但因為熱到就中暑，所以就夾硬影左張相就行
為呢個完美角度帶來一點瑕疵
其實係我唔敢叫人地企開啲


行過少少終於就到個角度影唔到個阿姐
斜斜地影好似比正面影更加有霸氣



行前少少就係鳳翔館
係平等院附屬既博物館
入面有唔少國寶同重要文化財
但係唔俾影相，想知就自己去睇
不過大部分人包括長輩們都冇乜興趣
只係當呢度好似商場咁可以嘆冷氣


行完平等院就行出宇治川望一望
其中一套我最愛既動畫吹響吧！上低音號
唔少故事既情節都發生係宇治川兩岸
所以我對呢度都情有獨鍾，好想係度hea陣
之後獨遊就完左夢
去たま木亭買麵包坐係河邊食

[腳痛勝景美食團]用12日獨遊關西 (山陰‧琴平‧天橋立‧京阪)
#556
https://lihkg.com/thread/1964209/page/23

睇相都覺得曬

仲要夏天

大阪，宇治同奈良地理上呈直角三角形
一日玩哂其實都十分方便，唔駛行回頭路
上次去宇治嗰日要轉酒店
要返京都攞行李先去大阪
仲要落雨，搞到好狼狽
大阪去宇治就搭京阪本線+京阪宇治線 (紅色線)
宇治去奈良就搭JR奈良線 (啡色線)
JR奈良線雖然連接京都同奈良兩大城市
但因為條鐵已經起好超過100年
大部分區域都係單線雙程行車
就算想擴建都極度麻煩，因為附近已經發展好
於是為安全起見班次唔可以密，10分鐘先一班車
當中由京都直通奈良既みやこ路快速飛站車
一個鐘得2班，但半個鐘就可以由宇治去奈良
同佢競爭既近鉄奈良線就唔同，全程雙線
班次又密，所以京都去奈良大部分人都搭嗰條線
最衰佢唔經宇治


呢段路線望出窗好舒服，因為好鄉下



黎到奈良只係為左一個目的，撚鹿
而奈良呢度有2個奈良站
近鉄嗰個奈良駅先係近撚鹿既奈良公園
JR既奈良駅就係近鉄奈良駅東南面500m
所以要行番一段大直路過去



我地經三条通行左10分鐘就去到中谷堂
呢間野好出名，有幾個阿叔會用光速手打麻糬
今日可能遲黎，所以睇唔到啲阿叔
之前食過係幾好食，好軟好香，值得一試


呢日既lunch係食元喜神
雖然我地過哂食飯時間2點先到
但入面都仲係唔少人用餐
一見到咁多人就知我地係遊客
店員好醒目地拎左張英文餐牌俾我地睇
呢度最出名就係雞白湯沾麵
一場黎到就試一試


呢個餐望落好似好簡單咁
有麵，有沾湯，有鰹魚粉，有隻生蛋
但我最surprise既係佢仲有碗飯
根據擺係枱面嗰張食用說明書
首先就落鰹魚粉，之後落個麵去湯度沾黎食



沾麵既拉麵同一般拉麵唔同
沾麵麵條通常係比較粗，而且係凍既
原意係食麵條過左冷河嗰種彈牙既口感
又因為麵條浸湯太耐會淋，失去彈牙感
要好似食冷麵咁沾一沾湯就食
如果用番湯拉麵個湯，麵條會索唔切湯就會淡
所以沾麵個湯會專登整濃啲
就算浸湯時間短，味道都會夠，麵條都唔會淋
而濃湯通常都會鹹，有啲仲鹹到腎病
所以啲舖頭都會有麵湯俾你稀釋

元喜神個沾麵湯就係一煲杰杰地既雞湯
濃到有層油浮係面，但濃而不鹹
入面有筍乾同肉，索哂雞湯味，超正
鰹魚粉既味就唔係好覺
麵條就同普通湯拉麵一樣，極度索湯
食起上黎都仲有彈牙既感覺
唔會因為麵條唔粗，浸一浸就淋哂


食完沾麵個湯通常都因為沾完麵而凍哂
但個湯底煲得咁辛苦，留番係度好可惜
所以店家通常都會叫你倒麵湯落去稀釋
等個湯熱番同冇咁鹹之後飲哂佢
元喜神就玩大佢，沾完麵既湯用黎整雜炊
枱隔離有個電磁爐俾你加熱個湯
滾左之後落飯同蛋攪勻佢就食得
論味道同香濃程度元喜神呢度略高一籌
前幾日蟹宴就用食完蟹鍋既湯做雜炊
嗰陣因為湯多，所以整到好似潮州粥咁
今次因為個湯又杰水又少，所以就似risotto
好似食緊fusion菜咁
二黎雞湯同雞蛋本身就係絕配
煮完出黎有種蒸水蛋既口感，又滑又香


點單既時候仲叫左炸雞同炸蝦
但味道正常，冇乜特別
點解啲炸蝦炸到好似桃哈多咁

元喜神睇落好正
深夜見搞到好肚餓

中谷堂班阿叔打麻曙出哂名

好想食沾面

食完飯都3點幾，係時候去撚鹿
但係乜咁快就黃昏既
屌，行快啲先得


係近鉄奈良駅行去東大寺路上
無論係車路行人路定旁邊空地都肯定有一堆鹿
啲鹿好耐之前已經係度落地生根
所以當正呢度係自己屋企
再加上好多遊客黎，完全唔驚人
就算佢係我面前痾尿佢都係一副毫不在乎既樣子
鹿：歡迎歡迎，隨便影




東大寺出面係佢地其中一個聚居地
除左因為空地又大樹又高，熱或者哂既時候可以消暑
仲因為呢度多遊客，啲鹿知道可以食到肥肥白白
但呢度啲鹿比其他地方有攻擊性，好似收陀地咁
點解會搞成咁？主要係因為啲遊客仆街所造成
冇話一定係同胞，眼見華人外國人日本人都係咁
啲遊客餵鹿餅並唔係見到鹿就伸塊餅出黎俾佢地食就算
為左影靚相打卡，啲遊客好多時都撚鳩啲鹿
啲鹿黎到就拎高塊餅，要識點頭先肯俾
有啲仲仆街，買左幾塊鹿餅引鹿影相
影完就走唔俾在場啲鹿食

啲鹿就好似小朋友咁，都會有脾氣既
你唔俾佢食就用角頂撚死你
通常啲遊客受驚就會俾餅食
咁啲鹿就錯誤認知以為佢咁樣做就一定有野食
所以見到人就追，同佢玩唔俾餅食就頂鳩你
久而久之就變到成班黑社會咁
例如舔人地啲袋，咬爛擺野食既膠袋
仲有用角撩女女啲裙，搞到佢地wewa鬼叫
睇完仲識鞠躬，都幾有禮貌好gentlemen
我睇到，但冇圖



但我好好奇點解明明有咁多食野攤檔
啲鹿最多都係望下望下但唔會去偷食
尤其係賣鹿餅個檔，根本就係糧倉
但偏偏啲鹿都係要打劫啲遊客


東大寺南大門同裡面既大佛殿係日本國寶
兩者都係世界上最大型同最有歷史既木造建築之一
歷史超過800年，都叫做keep得好好
據說因為啲鹿食左甜野之後係柱邊痾尿
搞到木柱底腐蝕十分嚴重
行去入面都有唔少鹿，不過都係休息居多




本來想入去大佛殿睇睇
但係唔係中間入，而係要兜個大圈去西邊入
橫掂長輩們撚鹿咁開心，就係度留陣算

D檔攤呀婆會打鳩d鹿
咪唔敢搶

香港人中年家族真係嘈到仆街，唔係講笑

我同家姐全程都有提醒班長輩既
必要時都有殊佢哋，都還好
不過係奈良聽到人大叫多數都係因為俾鹿追
或者好似我個fd上次咁俾佢哋咬爛左個膠袋食左盒中谷堂麻糬

宮島鹿真係馴好多

撚完鹿就返歸，行番去近鉄奈良駅
搭既就係來往大阪奈良既皇牌路線 - 近鉄奈良線
姐係圖中既橙色路線
搭最快既快速急行由近鉄奈良駅
去到我地酒店附近既近鉄日本橋唔駛40分鐘
另一條同佢競爭既路線就係JR既大和路線
由頭先既JR奈良駅去天王寺駅都只係34分鐘
所以去奈良既話住大阪南部會方便啲


因為頭先遲食飯，大家都仲未肚餓
到左近鉄日本橋駅我就叫家姐送長輩返酒店休息陣
我就搭多個站去大阪難波駅
之後行過去JR難波駅買第二日既車飛
返酒店途中口痕就去左Lawson買雪糕
誤打誤撞買左個望落係紅豆雪糕
但其實係紅豆+雪糕+煉奶冰
啲紅豆偏硬，可能未解哂凍
但係等啲紅豆解凍我咪得番煉奶水
中間有一球細細地既雪糕
Exactly係明治煉奶雪條嗰隻味
甜得黎又好香煉奶味
煉奶冰既味就來自雪糕溶出黎味
食落就唔係太特別



呢日行左好多路
費事帶佢地去道頓堀排隊食飯
快快趣係附近啲快餐店食就算
第一日黎大阪夜晚就食左松屋
本身諗住食酒店隔離間なか卯就算
點知長輩們話有時會自己去左嗰度買宵夜
睇完我示範一次買松屋
佢地已經學識哂自己買飯食，仲識外賣
我就費事佢地成日重覆唔揀呢間
咁啱見到酒店斜對面有間東京チカラめし
橫掂未食過就試下佢

因為呢間野出名食燒牛肉丼
一入去間舖就充滿油煙，勁香牛油味
呢度同一般快餐店一樣
都係禁完食券之後坐低等店員送餐
家姐叫左黃芝丼芝士燒牛肉丼
一睇圖就覺得飽，所以佢俾左一半我食
啲芝士半溶，牛肉唔係食牛丼嗰啲薄過紙咁
而真係一塊塊有厚度既牛肉
而且用燒肉汁調過味，溝埋一齊又香口又惹味
不過就真係比較滯比較油
牛肉燒到有啲鞋，好在冇筋唔駛𡁻好耐


我就叫左個蔥蒜牛肉飯加溫泉玉子
啲蔥好似唔駛錢咁鋪滿飯面
蔥蒜既味道係完勝芝士，又冇咁油
蔥既清新令到啲牛肉加食落冇咁滯
蒜味又香口，撈埋蛋食味道啱啱好
不過同松屋既蔥鹽燒豚肉飯比都係有啲距離
因為啲牛肉都係燒到有啲鞋