[帶住班人自由行]9日關東關西跳板之旅

7點40分準時到達新大阪駅
但因為架のぞみ停2分鐘就開車，影唔切
拎隔離月台JR西日本嗰架頂住當先
大家都係N700A，不用分得那麼細
長輩們十分興奮，係度影左成15分鐘
又solo影又群體影又send上朋友圈，十足十鐵膠

呢抽係N700 8000番台嚟 唔係N700A

我睇左兩篇文講點解2邊關係咁差
https://news.livedoor.com/article/detail/13914109/
https://style.nikkei.com/article/DGXNASFK1503S_W4A110C1000000?page=4

其中一個原因就係新幹線利益不均
分拆JR嗰陣東海道新幹線行左20幾年，回左本兼賺錢
但係上越東北新幹線仲起緊落東京，仲欠緊債
但係國鐵就俾左賺嗰條線JR東海
仲包埋車站同鐵路沿線既發展權
其他起緊蝕緊既就俾左要佢硬食
所以JR東日本就嬲左

另一個原因就係起品川駅
一黎可以分流東京駅既乘客，個站唔駛咁逼
二黎東京駅有乜野事，東京既新幹線服務唔受影響
三黎改善同擴建側線，車廠可以出車直接駛去品川駅
係長假期加班再提高班次數目
四黎塊地又可以起樓起商場，又賺番筆
JR東海係呢件事上百利而無一害
JR東日本條氣唔順就想借呢個機會算帳
雖然大家都係J字頭，但其實冇面俾
品川嗰塊地始終都係JR東日本
佢唔肯賣其實JR東海都吹佢唔漲
但因為拖太耐會影響成個關東地區既交通
最後迫到運輸相要出手調停先搞掂件事
但站體面積少左4成，側線都少左一半
個站細左好多之餘又改善唔到列車調配
個站既功用打左好大折扣，今次就輪到JR東海嬲左
所以中央新幹線佢索性起個站係地底剃JR東日本眼眉
JR東海：品川冇地？我自己做出黎唔駛問你

自膠，N700A得東海車先有

西日本車都有N700A/a (4000/5000番台)

我仲以為得東海車改裝哂

呢間酒店住過一次不了
執房勁hea成條叉電線俾張床夾住
對面街間hotel Hillarys好好多

我去嗰陣咁啱新開就冇乜野
因為東京住得貴變左呢度要就番平

我住過日本橋sarasa 果陣又係新開 好抵住
但最恐怖係試過玩完返去發現道門無鎖 應該係打掃完無lock 門 即刻投訴完第二日都係咁 無下次

Day 5

朝早起身梗係即刻開電視睇天氣
電視有個靚靚女主播的確好極
剩番呢幾日關西天氣極好


轉酒店係一件痛苦既事
2個人冇乜所謂，我地8個就真係煩
所以關西呢邊就住係同一間酒店算
寧願每日早啲出門搭車
今日就去嵐山同京都市區
嗰度除左巴士之外，仲有3種交通工具選擇
分別係JR，嵐電同阪急
今次就揀阪急黎搭，因為未搭過

大阪呢度既鐵路交通同東京比都不惶多讓
最近我地既地鐵站係日本橋駅
可以透過直通運轉同閘內轉乘去到嵐山
--------------------------------------------------
日本橋
V (Osaka Metro堺筋線/阪急千里線直通運轉)
淡路
V (阪急京都線)
桂
V (阪急嵐山線)
嵐山
--------------------------------------------------

不過大阪朝早繁忙時間都係出名多人
新橋去江之島嗰次都話一程車就落車
但今次上左車之後要係淡路駅落車轉車
上唔到車事少，等下架咪得
落唔到車就仆街喇
日本呢邊搭回頭車要十分之小心
我就話會留意總站同車種姐，長輩們點識睇
分分鐘搭錯車都唔知邊度搵番佢地
所以我就去難波駅搭地鐵去梅田
之後行去阪急京都線總站大阪梅田駅
起碼有位坐又唔駛逼上車
--------------------------------------------------
なんば
V (Osaka Metro御堂筋線)
梅田
| (出閘，行路10分鐘)
大阪梅田
V (阪急京都線)
桂
V (阪急嵐山線)
嵐山
--------------------------------------------------




阪急嵐山駅係嵐山地區既南面
嵐電嵐山駅出面先係旺區
行番過去大約10分鐘

行去渡月橋中途都冇人
可能因為真係冇乜人係度行過去嵐山



呢日天氣好到不得了
每張相都可以做wallpaper



呢度係渡月橋，嵐山其中一個風景
雖然望落好似用木造，但其實係全鋼筋水泥做
因為呢條橋得雙線，每當星期六日多人黎必定塞車
今次平日早黎就冇事



河邊好多學生妹
唔知點解每次去日本都最少撞到一次修學旅行

放大學生妹

樓主去既嵐山咁少人既
幾點到？

留名

朝早9點幾
可能因為啲人搭JR同埋小火車
所以係哂竹林入面

除左河邊有學生妹之外
竹林原來仲多，全部都行緊出黎



雖然只係朝早9點幾
但係成條竹林之道已經開始逼逼地
個個都搵位影相同自拍，所以交通非常擠塞



當中最著名既打卡位就係呢度
大河內山莊同竹林之道之間既T字路口
因為呢個位影竹林係最開揚
除左JK之外呢度都有JD




呢度轉右再行前就係トロッコ嵐山駅
姐係我第一次黎日本搭過既嵯峨野小火車
上次落完大雨去就睇保津峽就得黃泥水
今日睇一定勁靚，可惜就冇plan到
一黎上網book飛又煩，到時落雨就喊出黎
二黎walkin買即場飛又要預早好多到
所以影一影相就折返渡月橋嗰邊

下一站就搭嵐電去錦市場食飯
不過未有車，就出番渡月橋鳩行


祥雲出現了，本人晴天娃娃屬性從此覺醒
自此之後我夏天去日本都變左太陽之子
10日獨遊半個日本：1日落雨
12日獨遊關西：1日落雨
12日橫越日本列島：1個鐘落雨



嵐電嵐山駅係總站，所以一定有位坐
條線中間會經過東映既太秦映畫村
銀魂真人版萬事屋同出面條街就係嗰度取景
嗰時差唔多上畫，自然就係嵐電賣廣告





嵐電總站係四条大宮駅
去錦市場既話就要轉阪急去河原町駅
落左車個站就係對面，十分方便

嵐山真係好靚好舒服
人多但冇清水寺個d咁恐怖（竹林除外）

朝早9點幾已經咁多人

錦市場係京都人既廚房，自然多野食
黎到12點幾啱啱食飯時間
所以就團友自由時間鐘意做乜就做乜
我同家姐又賴低佢地自己行
行程本身諗住行去清水寺，要行大斜路上去
不過老豆話腳痛，咁唔好搞佢喇
橫掂嗰度仲整修緊，觀賞程度大打折扣
手信舖呢度都好多，唔駛專登走上去
所以逗留時間由1個鐘變成2個半鐘



2年冇黎，舖頭感覺上冇乜變
但人真係多左好多，尤其係遊客
尤其係同胞同香港人，講野好大聲
黎到呢度又係掃街時間
首先去番上次去過既精肉店鳥清
繼續食番單骨炸雞翼
香口乾身得黎肉又多汁，正


カリカリ博士既章魚丸都係其中一樣
我上次食過，評價一般
今次我家姐叫，佢唔食沙律醬唔食燒汁
於是就叫左個走醬既抹茶鹽蔥章魚丸
個樣就真係麻麻地，好有田園氣息
我食左一舊，又冇想像中咁差既
起碼冇醬都食唔到粉味
抹茶鹽令個章魚丸食落冇咁齋
總括黎講就唔係難食既，只係食感奇怪
又一pat pat又鹹鹹地又盛


呢度有間Snoopy Cafe
有隻大Snoopy公仔坐左係張凳度
好多大朋友小朋友都攬實黎影相
不過隻野應該好耐冇沖涼，要掂佢不了
見到有小朋友玩到fing左佢落地


食完野見口乾，就去左杉養蜂園買左杯柚子蜂蜜
味道真係唔錯，一黎凍飲好爽
二黎柚子味好香，飲落有少少蜂蜜既甜味
以日本人既standard呢杯野可能啱啱好
但對我黎講有啲甜，之後加番水飲都OK


食完行完之後間老母去左邊
佢地話行完條街先搵野食
而家排完隊入左拉麵舖食飯
睇黎有排都未出發，所以就周圍鳩行
京都丸井上年執左，RIP


鴨川河畔同以往一樣平靜
好多都係冇野做既毒撚或者情侶坐係度散心

見到有空位剩都算少人架喇
行番出去嗰陣已經好似新年羅湖過關咁，出面啲人湧入黎
出到大路仲見到一團團旅遊巴客準備入竹林之道

見到有空位剩都算少人架喇
行番出去嗰陣已經好似新年羅湖過關咁，出面啲人湧入黎
出到大路仲見到一團團旅遊巴客準備入竹林之道

食燒章魚丸竟然走沙律醬同燒汁！
我平時食佢主要係想食個醬！

下一站就係去伏見稻荷大社
係呢度出發就只有京阪本線去到
係河原町行過鴨川對面就係祇園四条駅
係嗰度搭準急/普通車先去到伏見稲荷駅
唔駛10分鐘就到
如果你冇留意搭左特急既話會去左丹波橋



第一次黎就多雲，第二次黎就落雨
第三次黎終於係天晴


作為Tripadvisor日本景點排行榜第一既景點
呢度既外國遊客明顯地多過其他景點好多
影完相佢地好守規矩行去手水舍淨手



之前兩次黎都係朝早到，當時人唔算多
但係今日遲黎就人頭湧湧
除左遊客之外仲有一班中學生過黎參觀
結果行去奧社都用左成5分鐘
個個都想榜住一邊影相，搞到條路好窄




帶住成班長輩黎，我就唔行上去喇
希望遲啲再黎可以上到頂

之後就搭番京阪本線轉地鐵返難波
呢晚家姐book左食全蟹宴
大阪呢度最出名既就一定係蟹道樂
佢間本店係舖道頓堀心齋橋交界
有隻超大識郁既大蟹係舖面
Lunch黎講呢度既價位同蟹道樂差唔多
但係夜晚就差好遠，蟹道樂貴唔少
所以就揀左之前杜如風節目介紹過既蟹しぐれ
位置係BIC CAM隔離


因為我地係網上面訂左位
所以一去到confirm booking就可以入座
間舖頭好大好多位，包箱都唔少
我地就分開左兩枱係同一個包箱入面
所以唔會好嘈，私隱度都好高


大部分人黎呢度食野都會叫course
因為唔駛傷腦筋之餘又多唔同款既野食
我地就叫左最平既餐，每人未連稅3000yen
計番每人200幾蚊，有8樣野，都幾多
如果唔夠既話都可以單點
點菜十分簡單，對住個店員指住個menu就得


枱面除左有個爐同餐具之外
仲有一支專俾你係殼挑蟹肉既蟹針
不過日本人食野就好企理既，支野好少用
食蟹就絕對唔會好似食大閘蟹咁
又要自己拆殼挑內臟整到成手都係咁
上菜既時候基本上已經處理好哂
最多都係俾把較剪你剪殼挑肉


不過有樣野我唔太like既就係上菜次序
set menu好著重每道菜既配合
淡味既沙律做前菜，濃味既肉做主菜
咁樣味道會慢慢提升同昇華
呢度上既第一道菜係排第三既蟹腳刺身
廚房已經切哂殼，所以一啖啜落去就食得
蟹肉好新鮮，啲肉完全唔腥
食落有類似食甜蝦咁有海鮮既鮮甜味
唔似得醬油蟹嗰啲肉又梅又鹹又核突
不過一人得一隻腳，少左啲


之後就上理應係第一道菜既蟹肉芡茶碗蒸
份量仲細過一個便利店既布甸
所以一啖就食左一半
蒸蛋好滑，蟹肉芡好有鮮味



之後就係蟹肉沙律，呢個就冇乜特別
只係凱撒沙律唔落麵包粒同芝士，剩係落左蟹肉


呢個就係主菜 - 蟹鍋
有菇有菜有大蔥，蟹就每人分到1隻腳1隻鉗
啲菜索哂蟹味，超級鮮甜
蟹肉就唔算多，但勝在易拆肉同埋大舊肉
肉質都好彈牙，食得出新鮮野


蟹肉雜錦天婦羅除左蟹腳之外
仲有杏鮑菇同南瓜
上枱既時候熱辣辣，炸漿薄得黎咬落去又脆
蟹肉咬落去仲有汁標出黎，一啲都唔乾
如果唔夠味仲可以點抹茶鹽，但唔點都ok


醬油牛油烤帆立貝就比想像中驚喜
上碟既時候個賣相好似香港食蒸扇貝咁
又有豉油又有啲蔥係上面點綴下
但係啲貝又好似即食干貝零食咁細粒
我以為煮得太熟搞到縮哂水咁
但食落係帶子彈牙既口感，完全唔鞋
醬油同牛油超夾，鹹得黎又香口
但係啲裙邊去哂邊？做哂下酒菜？



食到最尾就上左一大碟飯，兩隻蛋同蟹膏蟹肉
唔講仲以為準備整炒飯，其實就唔係
頭先食完個蟹鍋剩番一鍋湯
呢啲湯包含豐富既蟹肉同蔬菜既精華
將呢啲野倒哂落去煮就成為雜炊



香港食開絲苗米窄長
吸左水就好易溶哂變漿
所以用多左水煮飯會變爛飯
用飯加水黎煲好快就變粥
珍珠米本身就比較圓同大粒
所以吸到好多水，好易煮出al dente既飯
就算落多左水煮都係發大而唔變漿
與其話煲野係粥，倒不如話似糊仔多啲
食落都仲feel到啲飯一粒粒咁
因為煮既時候已經蒸發左啲水份
所以碗雜炊甜到不得了，係蟹同菜既天然甜味
再加埋蟹膏同蛋，食落好香口好綿滑
雖然食到塊碎蟹殼，但味道的確一流
但係嘌呤爆錶，老豆食完第二日又話腳痛



甜品係紅豆羊羹，因為食左先記得未影相
唔算太甜，都幾好食
總括黎講以呢個價錢黎講算物超所值
而且又食得飽，想食蟹可以試下呢間

好似好撚正