我上面兩隻直生,所以應該無問題
係下面兩隻橫生都露咗半隻出黎
上年六月尾右邊個隻開始生到頂到前面隻大牙好唔舒服
D牙肉腫咗成個禮拜真係頂唔順
決定上黎問下連登仔邊個牙醫好,始終佢地係首推鄧幹耀
再上網睇下佢評語,無乜特別負評,好多人都話佢手腳快
入到去照X光,佢話我有四隻智慧齒,要唔要一次過剝埋
我話下次痛先啦,四千幾剝一隻啊
佢d手勢係幾好,打麻醉針都唔會特別痛(之前跌爆個一次門牙,搵過一個牙醫打麻醉針都痛到仆街)
之後鋸開d牙肉,切開隻牙,其實過程係好快
姑娘就話其實過完麻醉可以正常食嘢(兩三個鐘左右)
但其實係食唔到架,我剝右下,想用左邊食嘢都想死
食咗兩日粥之後開始先慢慢食返飯
但我都係剝牙個位腫咗成個禮拜,瘀咗成個禮拜
兩個禮拜後拆線先叫正常,畢竟條脷成日會走去奶個剝牙位