認真問剝橫生智慧齒

分開兩次局面麻醉 兩邊下面隻牙都要開刀鋸開嚟剝 剝完咬咗15分鐘紗布先叫止到血 流血流到頭都暈埋
隔一個星期第二次去除咗剝埋另一邊仲要拆線 反而冇咁驚 仲識叫佢比多啲止痛藥同紗布再隔多個星期拆埋線就搞掂晒

其實唔太痛
係腫到含住乒乓波咁

同埋要勤清潔傷口，我驚佢爆線唔敢郁佢，結果傷口發炎

醫生分析過，一次過做唔駛痛兩鑊嘛
同埋瞓著咗，feel 唔到個過程係好事

傷害到神經線好平常
因為口腔附近太密集

我四隻智慧齒，底下兩隻橫生
係瑪麗醫院做局部麻醉分2次剝

過程大約一個鐘左右，痛就唔痛
不過剝嘅過程都幾驚下，見住醫生用乜工具放入個口度
我底下橫生嗰隻好難攪，醫生足足剝咗45mins，
上面嗰隻就5mins攪掂

剝完之後用無剝嗰邊食嘢
我麻醉過咗係好撚痛
第一晚食雪糕當晚餐算9數
btw記得攞sick leave，有5日病假休息下

我exactly喺菲分兩次脫，我覺得分兩次都ok，係脫咗第一次，覺得要去第二次好煩同需要多次勇氣

過來人 一次全身麻醉剝晒去啦 佢地肯同你瑪麗剝已經幫你慳左幾萬蚊係私家搞
瞓醒一覺 後生仔好快冇事
我十幾年前剝 幾乎唔使點等

之前左下隻智障齒打橫生（成隻打橫，不見天日），之後又頂到好痛忍唔住去剝。

個次我牙肉麻醉，剝個陣feel到有力，但唔痛。牙醫有同我講會將隻牙𠝹開兩截，再剝出嚟。由於唔夠位剝定唔知點，牙醫有幫我𠝹走少少牙骨定前面隻大牙（太多年唔係好記得）。聯埋線係麻醉藥藥力過前食止痛藥，同食雪糕。左邊因為𠝹走左d 骨定牙，所以有少少鬆，牙醫唔建議個幾日刷左下嘅牙。

傷口聯左針會有d 蹦緊feel，拆左線就無事。
不過同一時間剝同一邊嘅牙應該會好d，起碼仲有另一邊可以食嘢。唔想咁腫可以試下半躺臥咁訓，我個次都唔算太腫。

我下面兩隻都打橫生
牙醫話一直唔痛就唔洗理佢
照X光發現到依家三年了 係唔知幾時生 生咗我都唔知
諗住一直唔理......

頂我都要剝4隻智慧齒
不過我仲濕滯
我仲要剝埋多生齒....
醫生話一炮過剝哂佢
所以我係book咗做全身麻醉剝5隻
我而家驚到瀨屎

上次做檢查我都覺得學生做得好細心 問左好多野好詳細
冇係經驗呢到驚d 不過平就冇計

食足2 3個星期好難頂 如果有返工咪好大影響

我以家都驚佢會頂爛 因為已經貼曬
聽講杜牙根仲痛撚過剝
都係早剝早着

其實佢鋸緊係咪冇乜感覺

橫生多數都會叫你剝 驚你食野zip落去又清唔乾淨
會搞到蛀牙
我就係蛀左嘅例子（仲要冇位生）

頂我個醫生冇特別推薦邊個方式啱我d 要我自己揀
所以先走左黎開po

其實智慧牙係唔會褪向前只不過叫做有個位俾佢gut個頭出嚟都冇咀嚼功能，因為佢"矮得得"唔可能掂到上/下面嘅牙。

其實之前追po睇人話食雪糕都諗緊 雪糕又甜野又凍個傷口會唔會好刺激然後痛 個問題好似好on9 係瑪麗做係轉介定排家屬隊

痛過一次再諗到要痛多次 即刻想quit life
師兄個陣腫左幾日 剝左耐唔耐 覺得手勢如何

橫生一隻一次剝哂 麻醉開刀俾牙醫鋤
3000蚊

聽到聲同feel 到有血標出嚟 彈到個口其他位 剝左邊嘅話會有舊膠比你咬住右邊 咁樣舒服啲

我都係不見天日咁濟 其實平時都好小心咁清潔佢 最尾都係迫唔過蛀牙

今日個醫生都講左類似嘅野
話剝完前面個大牙會鬆鬆下咁鬆幾日 之後就冇事

通常一直唔理 然後到要理個陣多數都係大件事
呢個牙係智障都唔難夠形容 早剝早着 回頭是岸啊巴打

5隻絲打排左幾時剝 祝左你好運先