三聯幫牟中三
2017-05-09 15:28:26
「呢啲國術淨係識紙上談兵,嘥氣。」雷曉秋說,
「條友屎咋!我識個詠春師傅不知幾神呀!」另一個網友說,
雷曉秋停下腳步,轉頭望向我們眾人,嚇得我心頭一震。
「如果你哋識得咩高手,歡迎你帶我去切磋下,我都好想知道,所謂嘅國術究竟有幾神奇,定係好似李小龍咁,只係一堆街頭傳說。」雷曉秋說,
此言一出,所有人同時臉上變色,李小龍不但是功夫電影傳奇,更是綜合格鬥(MMA)的精神領袖,雷曉秋的大言不慚同時觸動眾人某條隱藏的大中華神經,好幾個馬上拿出電話來打,誓要找到高手把他挫下。
「秋......秋哥.....你係咪MMA拳手嚟?」我戰戰兢兢問道,
「哈哈,係呀我參加過唔少比賽,仲成日聽到啲老嘢話技擊格鬥違背武術宗旨乜乜柒柒,所以想見識下呢啲武林正宗有幾巴閉啫。」雷曉秋大手拍向我肩膀,
三聯幫牟中三
2017-05-09 15:28:53
「人外有人,出便一定有高手可以打贏你!」國術撚氣急敗壞道,
「唔緊要,搵出嚟打過再講。」雷曉秋不以為然答道,
我不期然想起王家衛一代宗師的對白,「功夫兩個字,一橫一直,錯嘅瞓低囉,企得番喺度嗰個先啱晒,係咪咁話?」。
梁朝偉的臉容與眼前粗豪壯漢重疊在一起,難道傳統的武學當真已成傳說,或是被電影過份神化?
未其,一人拿著電話喜形於色。
「原來今日有個國術交流會,好多唔同門派嘅師父都有去。」那人說,
「睇過……南北交流會喎,咩武當、華山派都有,屌決戰光明頂咁款!」
「嘩咁咪出奇蛋一次過滿足哂所有願望!」
眾人一陣歡呼,單一門派可能不是雷曉秋的對手,可是南北各派俱在,就沒可能被他全滅了吧。
一群人同往會場的地址而去,國術撚笑容滿面,彷彿雷曉秋被殺敗已是肯定的事實,但看本人倒沒放在心上,只神情坦然昂首闊步。