三聯幫牟中三
2017-05-11 15:30:13
我們離開場館踏進了橫巷﹐雷曉秋仍憤憤不平﹐顯是對國術界失望透頂。
「......師父﹐前面轉彎就到啦!」
一老一少迎面而來﹐老者長得矮小﹐身穿一襲唐裝﹐年輕的則與我年齡相約﹐卻是普通文員打扮﹐兩人走在一起的畫面甚是不協調。
「有乜好睇呀﹐呢啲多數冇乜真材實學。」老者說﹐
「師父﹐我哋話哂洪拳正宗嘛!同人交流下等我學多幾招都好呀!」年輕的笑說﹐
雷曉秋聞得「洪拳正宗」四字頓時停下腳步﹐雙目更惡狠狠地盯向二人。
「你哋又係去咩交流會嘅?」雷曉秋問道﹐
「咦?係呀﹐Ching你點知架?」那年輕人奇道﹐
「全真定古墓派呀?」雷曉秋續問道﹐
「我師父係陸家洪拳後人﹐小姓黃﹐師兄咩門派?」年輕人雙手抱拳﹐
三聯幫牟中三
2017-05-11 15:30:47
那人的動作有如火上加油﹐雷曉秋額角青筋暴現﹐拳頭更握得勒勒作響。
「傻仔﹐人哋成身殺氣散亂﹐好明顯係想撩事鬥非。」陸姓老者說﹐
「吓?師父你有咩仇家呀?講個名都喊打喊殺?」年輕人冤枉道﹐
「你哋呢啲假武術家﹐係我面前消失!」雷曉秋低喝道﹐
「嗱﹐去睇人耍套拳不如實戰下好過啦﹐輝雄你唔準運內功﹐同佢過兩招練下反應。」陸老伯說﹐
「仲講內功!!」
理性盡失的雷曉秋霍然衝上﹐文員仔還未反應過來﹐雷曉秋的大腳已朝文員仔腰間踢去。文員仔不避開﹐反是搶步衝進雷曉秋懷內﹐在腿勢未去盡時以肩膀撞上他胸口。
雷曉秋失重心向後跌﹐文員仔止衝勢猛地補上一記短拳﹐打得雷曉秋差點沒成滾地葫蘆。雷曉秋勉強站穩地上﹐臉上又是訝異又是驚喜﹐當然只有我能理解他的情緒變化。