[突發]參加武術台網聚, 點知變左去踢館

一拳打爆佢啦

三哥我要！仲會唔會有文

三哥既文有冇整理合集？
有時追漏左跟唔切d人物
或者可唔可以講邊d書有合集

三哥

出現了

睇黎真係識出內功

Lm

文員仔閃過一絲疑惑﹐不過雷曉秋轉瞬已收拾心情再度出招﹐總算碰上能讓他一圓心願的對象﹐他自當不放過機會。

兩人拳來腳往﹐文員仔反應稍不及雷曉秋﹐但招式使得有板有眼﹐一時亦沒被壓下。對上廿多招後﹐文員仔腰間露出空隙﹐雷曉秋馬上攔腰抱住了他﹐準備使出其熟練的寢技。

只見文員仔雙腿微蹲﹐整個人紋風不動站立原地﹐比文員仔粗壯不少的雷曉秋竟推不倒他。

此消彼長﹐這次反變成雷曉秋背門盡露在文員仔面前﹐文員仔雙手挾住雷曉秋腰肋間﹐竟將他整個人頭朝地般舉了起來。

雷曉秋知道不妙﹐連忙雙手抱頭護住腦袋，同時彎起腰欲掙脫束縛，文員仔將他抽離地面後便放手把雷曉秋扔了出去，而非是想像般使出摔角選手慣用的倒頭椿，但也已足讓雷曉秋一陣狼狽了。

「喂，亂七八糟咩嚟架？」陸老伯皺眉頭問，

「John Cena呀師父！」文員仔笑著回頭，

「咩周秀娜話？」陸老伯呆道，

「我冇講過周秀娜喎師父。」文員仔說，

雷曉秋好不容易重新站好，與適才獨力面對所謂的各大門派時氣勢截然不同，他竟罕有地一副落在下風的模樣，教我看得好不訝異，最古怪的是，雷曉秋臉上表情卻甚是歡喜。

「好！咁先似樣嘛！！」雷曉秋雙目發光，「你仲有咩內功呀神功呀快啲一次過出哂啦！！」

文員仔聞言面露為難，然後望向站在後方的陸老伯。

「原來傻嘅，快手搞掂去飲茶算啦。」陸老伯搖頭輕嘆道，

得到師父首肯，文員仔臉露喜色，他煞有其事地雙掌放於丹田位置，但與場內時不同，雷曉秋和我都不敢完全看輕眼前其貌不揚的文員仔。

「我嚟啦！！」

雷曉秋一聲提示後全力出手，拳風呼呼作響，直取文員仔正身而立的胸口處。

「嘭！」

文員仔不閃不避，拳頭甫觸及他的身體，他雙目圓瞪精光乍現，被打的紋風不動，施拳者卻反被震飛數丈，剩餘奇響在橫巷中迴蕩。

雷曉秋像喝醉酒般退後好幾步，腳步踉蹌之餘更臉泛痛苦之色。

「點解……咁熱……」他左手緊握右拳，一臉不解說道，

「小心嘞！」文員仔低喝一聲，

雖然未搞得懂發生何事，但雷曉秋只能出手抵禦，文員仔運勁一拳擊出，毫無任何技巧可言，純粹是最簡單的直線箭拳，雷曉秋卻如臨大敵，急忙雙手護住頭及咽喉的位置。

「轟！」

我不知道哪裡的拳頭會發出「轟」的巨響，但卻是真正親眼目睹事情發生，璞實無華的一拳撞上雷曉秋護頭雙臂，巨響的同時他整個人如斷線風箏般飛向街尾，簡直有如被小型貨車撞中一樣。

留名支持

雷曉秋在地上打了幾個滾才停下，他渾身掙扎不已，神情更痛苦不堪。

「秋哥你見點呀？！」我急忙搶前問道，

「俾火燒咁呀……！！」他五官扭作一團說，

「你大字型瞓喺度唔好郁，等啲內勁散咗就無事嘞。」文員仔說，

我呆然望向文員仔，聽上去荒謬絕倫，基本上與場館內那堆武林高手沒兩樣，但此時我已知道他並沒誇張，原來內功竟然仍真實存在！

雷曉秋依其言躺了片刻，果然痛苦之色減退不少。

「哈哈……哈哈哈哈………」雷曉秋突然莫名笑了起來，

「秋哥你撞壞個腦呀？」我駭然問道，

「哈哈……高手……高手真係在民間呀……」雷曉秋笑得眼泛淚光，

「嗱都話傻架啦，行啦，去飲茶呀。」陸老伯搖頭說，

我隨即意會，雷曉秋只是為了找到真正武術喜極而泣罷了，說到底，他不過是個對武學極為執著的武痴。想到此處，我竟也覺得眼框有點酸。

「先生……先生……請問你點稱呼？學嘅係咩功夫？」雷曉秋從地上爬起，向正轉身離開的文員仔問道，

「我叫黃輝雄，祖傳一套內功，招式就係跟師父陸伯學嘅。」文員仔回答道，

「招周秀娜唔係我教架。」陸伯搖頭說﹐

「果然……果然同嗰班淨係諗住用功夫搵錢嘅老千唔同，係真正嘅高手……」雷曉秋輕聲喃喃自語，

黃輝雄走了過來，從懷中遞了一張卡片給我們。

「鎮遠鏢局？！」我拿著卡片訝然叫道，

「係呀，我哋專門承接保鏢或者貴重物品運送服務，Like我哋Facebook仲可以有八折添！」黃輝雄笑容滿臉說，

雷曉秋和我再也說不出話來，一臉呆滯目送二人的背影離開。

「山長水遠走嚟賣廣告！老人家唔行得架嘛！」

「難得出場呀嘛，新嘢冇人識，有機會梗係Sell下嘛，師父通融下啦！」

廣告手法層出不窮，切勿獨留兒童家中。

＝＝＝＝＝＝＝＝＝＝＝＝＝＝＝＝＝＝

鎮遠鏢局特別（廣告）篇完結，多謝支持
今年書展將會推出鎮遠鏢局第一期，無論新舊讀者都請射住射住

明年我打算嘗試係兩個系列間做一個大事件，希望我會有時間寫得切啦
如果想留意下最新消息，可以去我facebook睇睇
http://www.facebook.com/threeformthree/

完

＝＝＝＝＝＝＝＝＝＝＝＝＝＝＝＝＝

好好笑

lm

我屌呀 我都覺得奇怪架啦抽到咁行咁快

咁就完左
無得睇以後點算

黃輝雄係咪屋企有本秘訣果個？
人名太正常反而記唔到