問: 完全冇玩過股票都冇咩買股票concept應唔應該玩美股開始？
答: 一開始由美股起手更加好，美股市場係最大同最流通，好多投資者最尾都係殊途同歸玩返美股。等於你學踢波會去足球學校定係是但公園同d阿叔踢?
問: 英文唔太好，比較少睇美國news都適合玩美股？
答: 英文唔需要好好，一般中學程度就可以。(小弟英文都唔係特別好) 當然如果你英文好會幫你消化得快D，我認為你可以邊投資邊順便學英文，因為大家知呢個時勢英文對香港人幾重要
問: 樓主建議儲蓄去到幾多，可以開始試下買股票？無乜經驗，唔想輸錢。
答: 有儲蓄就可以，1萬蚊都可以，因為美股最低可以買1股。但你要明白投資就係有風險，冇人可以唔輸錢，你見d投資頻道話自己日日贏錢係水你交報名費，算係智商稅既一種。就算你今日唔輸，將來都總有機會輸。如果一蚊都唔輸得既話建議你做定期/買ibond。(真的)
問: 好多人提及指數ETF，係咪低風險，基本上係買完擺係度等佢升?
答: 指數ETF唔係低風險，只係跟大市行。如果果年個市全年都跌輸錢唔出奇(E.G. 2008)，或者你買果陣已經係全年既大市高位。
問: 新手應該paper trade下先用真錢落場嗎?
答: 唔建議paper trade，直接用小本金落場。Paper trade同真錢落場係兩回事，真錢落場人類會因為貪婪同恐懼做出唔理性既交易，你必須要克服呢種心理先可以賺到錢。你用小本金，蝕既錢有限，唔需要擔心。
問: 技術分析同價值投資學邊種好，邊種勁D?
答: 其實兩種都要學，佢地係相輔相乘，如果只係偏執係某一邊好易會做錯決定。
問: 學巴菲特果種價值投資，計完個估值之後再買入/賣出係咪必win?
答: 估值有唔同既計法，計出黎既結果亦都未必相同。小弟建議唔好太執著於估值，你可以知道個大概，但事實上股市係有情緒唔係話計就計到，每隻股票我都唔會有咩意見叫人買定賣，只要你背後有原因support你自己就得，冇人知未來既走勢。
問: 明明我技術分析既技巧已經好熟練，點解股價走勢成日同我畫出黎既圖/分析有出入? 技術分析係咪呃人?
答: 技術分析只係一門參考過往價格走勢既學問，但問題係股市每日都變化緊，過往既走勢唔代表將來既走勢，技術分析可以幫你拎到少少優勢，但絕對唔係必勝方法。一個買賣涉及好多因素，任何人如果覺得自己既分析係90%、100%準既話，只係愚蠢既表現，或者因為一連串運氣好既連勝蒙蔽左自己雙眼。我地必須要接受，任何價格走勢都係有運氣、隨機既成份。
問: 你咁講咁我學投資仲有咩用?
答: 所以好多人輸左比市場之後會轉移去買指數ETF，至少跟市場同步。我個人亦都十分建議冇決心既人直接買ETF比較好(真的，大家無謂浪費咁多時間)。股市能持續穩定贏錢既人只係少數，贏家們著重既係保本、風險管理，多過去研究邊隻股票會爆升(因為無人會知)、或者點樣可以短期翻幾倍(風險與回報對等)。我曾經見過人玩期權本金唔多但一年賺到幾百萬，結果第2年倒輸返幾百萬仲要問銀行借錢過活
問: 如果我真係有決心想學好投資，有咩方法?
答: 睇書 + 多實戰練習，我INSTAGRAM最底個post有個投資既小書單，如果你覺得經典大作比較難消化既可以係書局買d中文書睇都得，最緊要個作者有權威性同實戰經驗
最後當然要補返:
有問題就下面問啦，答到就答
fans黎架ma