第3集:旺角東上蓋酒店 - 超簡評
利申,呢間酒店只係去stay過兩次仲要係乜都冇包,所以淨係可以比到comment間房
其實果陣去呢間酒店都係因為要做愛做的事
因為呢間酒店最吸引人地方就係相對平之餘仲有浴缸!而且係有翻新過所以間房幾靚
一去check in,wow 排長龍(唔知而家係咪仲係咁因為我好耐冇去過)
上到房,我覺得如果一晚4/500來講呢間房嘅質素真係算唔錯,地方夠大又企理
呢個窗簾後邊就係一個正常size浴缸
望出去個景又夠開揚
最遠仲可以望到飛鵝山
其實係幾個月玩Marriott 之前,呢間同荃灣如心會係我個人嘅首選
因為交通方便,地理位置好,附近多嘢行,仲要可以浸浴
$4/500有呢啲質素都算係咁
至於餐廳就未有機會試到,但係聽呢度巴打講過好似佢哋嘅嘢食都算還好?
你問呢間酒店有冇咩靈異嘅事我就暫時未遇過,不過我想講條走廊真係好暗......會有機會令人諗起嗰啲嘢