冇得去旅行特約：2020-202? 香港酒店staycation紀行

如果出佐既集數可以加埋#幾多 方便追好多

好奇樓主搵緊幾多 可以成日去

第12.7集：灣仔深紅酒店（St Regis) - 潤午餐簡評

其實呢次午餐主要係叫咗佢哋嘅唔同點心
嗌之前都冇話特別去做research
純粹係睇吓Menu入邊有咩想食就叫

呢個擺盤
放咗個好紅嘅口罩套係中間
有少少揮春嘅感覺

服務員喺入咗嗰陣就送咗你一杯茶，我都唔記得咗係咩

首先係嚟咗三款點心

第一款係翡翠蘆筍帶子餃
個人覺得呢款係三款入邊最好食
帶子嘅鮮味同蘆筍嘅配搭恰到好處
唔會話互相搶咗都各自嘅味道

第二款就係三文魚籽蟹肉菜苗餃
味道係唔錯嘅但係
食落去蟹肉唔多見
唔知係咪我個口有啲問題

第三款就係筍尖蝦餃
最普通一定係佢，感覺同出邊高級少少嘅酒樓冇乜分別

第四款就係瑤柱帶子燒賣，
個人認為呢款就係加分在瑤柱上邊


而跟住落嚟呢一個黑椒和牛酥
食落去嗰陣真係有少少辣口
差啲就整親條脷
但係食落去都啖啖肉嘅

但係蝦春卷......
食完之後發現同早餐嗰個基本上係一模一樣
早知就唔嘥錢叫呢個

呢一點就係黑豚肉叉燒腸粉
個人覺得冇得同天龍軒或者龍景軒嗰啲比
食落去嗰陣個叉燒唔算大
同埋腸粉皮偏厚

主菜嘅最後一個就叫咗乾炒和牛炒烏冬
感覺有啲油膩，不過好彩佢份量唔算太多都叫做頂得順

呢一碟甜品就係潤自己送嘅

而我哋另外叫咗一碟黑糖糕
食落去都還好```



食完呢度餐個人覺得同龍景軒同天龍軒比仲有啲距離

尤其是職員嘅服務態度感覺可以再親切啲
呢樣野真係被比下去

但你話食物質素同埋環境我覺得都對得住一歲

下一集，講埋佢嘅法國菜

見到個潤字已經冇胃口
一諗就諗到華潤

真係咁解

我知阿
想扮唔知都唔得