[長文慎入] 籃球教練 翁xx 希望有更多人同我一齊企出來指證呢個禽獸

相信翁xx 係球壇應該都出晒名，會打學生同爆粗鬧學生，無論係男定女，中學生定大學生，相信都有呢個情況，兜巴車人可以話係家常便飯。
例如：漢x中學、桂x山中學、香x大學。我諗呢d學校既球員，大把人都俾佢打過同辱罵過嫁啦，校方都一定有老師知道呢個問題既存在，但可能因為佢係球壇既地位高/係校方既職位高/d老師覺得打人呢套work，所以由以前都依家都會默許佢呢種行為。

翁xx曾經做過教練既英x女學校，就係因為佢對學生既行為而炒左佢，但可能詳細既原因同內幕冇咩人知，校方亦都冇搞大件事，所以依家都咁多學校搵佢教波。

咁除咗打之外，向女球員抽水亦都唔係新鮮既事，一直都有人傳架啦，但就係冇人踢爆佢呢種禽獸既行為。因為好多人都會覺得自己講完冇人信，亦都冇證據去證明佢有做過，所以覺得起唔到咩作用。其實我都知唔會有證據，唔會有料可以告到佢/報警拉佢，打呢篇野到最尾可能乜用都冇，亦都未必會影響到佢，但我都好想揭發佢曾經對女球員做過既行為俾所有人知，最好所有佢教既學校都知，唔好再俾佢教到女仔！！亦都希望有更多受害人可以企出黎指證/揭發佢。

我同其他受害者 分別曾經係漢x中學 桂x山中學 同香x大學既女學生，翁xx分別對女球員試過：
借d椅搭人膊頭、
用力將人攬埋佢到(膊頭/腰都試過)、
同埋練波嘅時候因為球員要著波衫，而波衫個窿都幾大，翁xx會成日，無論係其他球員面前/單獨既時候，去督/搣 女球員背部既副乳、
掂女球員胸側邊既位置，多數會藉由射波既動作唔正確，係指導女球員既過程中去觸碰其胸部既側面/下方，甚至有球員曾經被摸正胸部、
言語上既性騷擾(你個蘿友係點、你對腳係點、你條腰係點、你身型係點 等等...)

雖然有時大家都有好刻意咁彈開同行開d，同埋有女球員講過話唔好咁樣，但係佢會覺得係開玩笑，之後都會繼續咁做。而且佢好清楚每個球員既性格，大多數既抽水對象都係一啲比較‘內斂’ 唔識即刻企硬/反抗既人，大多都會收埋唔敢同其他人講，直到大家開始討論呢個問題，先至知原來有咁多受害者。而且有時會叫個別球員去第二邊半場作‘單獨指導’，然後就趁其他人冇為意既時候做出一啲抽水既行為。

有球員既情況係比上述既情況更嚴重、更過分。佢地依家未必肯企出黎發聲但我希望佢地睇到呢篇野之後 都可以鼓起勇氣出黎指證佢/揭發佢。希望佢地可以明白翁xx對球員帶黎既影響究竟有幾深，亦都要明白如果一直唔揭發呢啲事，只會有更多更多既受害者。即使佢依家地位好高，有家庭，有事業，但都唔代表佢唔需要為自己做過既行為而負責任。

雖然實有人會話點解依家先講出黎、點解當事唔反抗、點解乜乜乜個啲。但唔該咁多位，將心比心，屈佢有咩用呢，會出名啲？會搏到啲咩？知唔知佢每一個行為/言語，其實都對每一位球員既影響好大，有啲人會因為佢而驚左練波，有啲人甚至因為佢而選擇唔再打波。

所以我先更加想透過揭發佢呢啲行為，令更多人知道佢做過既野，引起各界既關注、更多受害人既共鳴、甚至令每間學校都可以重新審視應唔應該俾翁xx繼續做女子籃球隊既教練。

剩係覺得佢講波好垃圾

又多個教練搞女

佢好似無牌嫁喎

Lm

Lm

之前打對面成日見佢癲狗咁屌人

精神面貌?

點解佢講波可以忍到唔講粗口

勒邦傳比占士？

冇比佢教過，但做對隊個陣見到，佢真係會兜巴車落球員個睇到，無論男定女中學定大學生。都係照車

翁狗 不了

呢啲仆街應該要等天收！
唔止做教練衰呀，做佢嗰個SBC球會啲員工，啲人工得個雞碎咁多，佢攞九成攞一成出嚟派餅，仲要唔鳩想出糧，話你你去跟佢學嘢。
正宗冚家產

翁狗

佢地精神臉貌會唔會攪到好差？

條垃圾出哂同架

又一人渣教練 有老婆仔女就收斂下啦

唔知佢係咪咁
淨係知 佢個愛將係濕鳩曱甴

(突發)甲一玩具界 香港隊代表 稱手足為曱甴！打波勁 忠誠勇 (2)
https://lih.kg/2038786
- 分享自 LIHKG 討論區

翁xx 個心臟都幾大

推