相信一路都有爸打試過做mirror shine失敗會有一撻地方硬係刷唔令
症狀係一落水抹落去,其他地方可以推兩推就令;但果度好似越索越霉咁,塊皮索晒水
乾左會好似有啲粉係面咁
好多時再重覆mirror shine都會繼續出現同樣情況
我之前自己試過一兩次,簡單講都係話刷左佢,重新上cream,薄薄地唔好急等等
好似有啲抽象
到今日屎忽痕又再賴左一次野,試左一個方法救得返
盡量嘗試文字表達出黎比大家參考下(因為賴野果刻都係有啲淆,無逐個step影相)
老實講解決方法可以有好多,唔啱使既屌細力啲
先講個簡單結論(個人認為)
成因係水太多,皮既油脂(佢自己Or上面既蠟)唔夠擋住啲水滲入去皮就會出現
解決方法係先用大量蠟(每次量少,但次/層數多)不停buff表面,初頭唔好用水
等表面既蠟夠擋住水唔滲落皮,再慢慢以正常mirror shine手法buff上去
呢個情況係本身已經mirror shine左既鞋應該少啲發生
但係新鞋,或者比較乾既鞋會易啲中招
事緣之前減價買左對foster & sons既Brogue
買返黎見佢都好令身幾靚仔,拎左去打頭鐵返黎一路都未著過無搞佢
今日見搞開對黑鞋順便搞埋
自問都係敗家仔落補品永遠都係重手
一上cream推兩野個面都乾晒證明啲皮其實都幾乾
buff完即上wax推,一落水就出事
其中一撻索晒水,之前試過同樣情況,決定等佢乾刷走表面再重新上cream,wax
結果當然都係失敗
把心一橫,唔落任何水既情況之下齋用mirror gloss wax乾捽
雖然做唔到mirror,但都見到正常上完cream拋光後既效果
一時心急用返平時mirror shine既水量,又再一次賴野
不過上面既方向感覺上啱
結論黎講有下面既steps
1. 等索左水既皮乾
2. 用刷/布好似平時拋光咁輕刷走乾左係面既剩餘物
3. 用乾布點蠟(鏡面,高亮,whatever)搽上去(以「拋光」或者重少少未到「上cream」既力度)
*力度黎講,「拋光」最輕係表面高速來回,「上cream」有少少按壓
4. keep住捽直至蠟既霧面消失(如果有少少油漬類似拉絲咁既感覺,但overall都係令面既都OK)
5. 補蠟,重覆3-5幾次
6. 布包住兩隻手指,一隻點*一滴水*,另一隻補蠟(真係唔好多水)
7. 先係無受影響,其他鏡面既地方試,確保唔會太多水(太多水準則同一般mirror shine一樣)
8. 先用點蠟果隻手指捽,慢慢再加埋點水隻手指捽
呢個時候會有兩個情況
a) 慢慢開始令返,代表水無滲入皮,鏡面蠟可以拋到光
b) 依然有滲水跡象:淺色皮的話某一忽會深色左,深色皮的話有一忽特別啞色
如果係b 既,重新再黎過以上步驟
3-5步驟重覆次數多啲,確保上夠蠟等水唔會滲到入皮
如果係a既
唔使多講就跟返平時mirror shine步驟,總之都係唔好太多水啦
補張圖,祝大家成功