我岩岩30歲,fg時出嚟1萬左右,家用都要比6k,返工食飯車費另計,勝在無燒錢嗜好,頭幾年儲唔到咩錢。
到上年,人工去到28k左右。但一take白表單人抽中居屋,買左個開放式單位,算係上咗車。當時首期只係20幾萬,另加3萬幾印花稅+7k律師費,全屋裝修around 30萬有找,total 55萬左右。
儲錢時期,開支主要都係家用6k+車費飯錢雜費,計埋哂都係8-9k有找,其餘儲起哂,無買任何保險同投資,靠公司醫保。
依家每月供樓+管理費開支1萬有找,家用3000,生活費預計4-5k,銀行利息有收入每月1200左右,每月剩低1萬左右,儲起佢,有需要時再洗,打算到時岩價賣左佢,再上私樓。
其實買樓真係要有儲蓄計劃,你唔儲既話,神仙都幫唔到你。
我信奉世界不是距離自己那麼遠,願意踏出第一步,就接近成功多一步