［26］考緊26？你問我答！(13)

果500幾係路票費用
強制試都係路試，所以要買路票

路票，你當係考試費啦，運輸署收嘅，筆試/強制/路試加埋收一次架者

即係遲啲排路試就唔使再畀錢運輸署？

咁你唔夠位過就一定要停架啦

係啊，唔駛

放係朋友到先

無知一問

我見Q&A話強制試只可以係駕駛學院嘅場地考

咁如果我跟街師傅學 強制試嘅練習會係邊度？普通街上面？

拎學牌前唔可以係公眾道路學車
所以強制要補鐘都係要同駕院買鐘

強制係一定要跟駕院學, 無所謂跟街師傅學呢樣野, 街師傅都只係幫你代辦駕院

咁咪好似好on9 ... 係駕院學左陣又轉返出去跟街師傅學

有咩咁on9? 強制同路試兩樣野黎, 練嘅野都唔同
總之強制試係駕院學同考
跟住你強制試合格, 先可以出學牌係真實路面上練路試
路試呢part就可以揀跟駕院, 抑或跟街師傅

完全明白 感謝ching
但依家運輸署仲未有得排考試 有排先考到

停車，因為你都算係佔用人地條行車線 對頭車有道路優先使用權

如果你路試唔係考學院咪又係遲早要買頭盔

但無論如何真係唔建議你借學院頭盔，你可以試下頂唔頂得順既

自咖個plan有一堂係for強制試，佢解釋係加強強制堂既不足，例如新手上完第一至三堂後都未掌握到開車停車轉波啲基本野時會再幫手執一執，可能係理論性多

改期三次 決定學牌出車

師兄諗住出咩車

沙駕練緊斜八，但唔熟
想問下上斜轉右灣果下洗唔洗踩少少腳制？同埋有時候望遠個時機捉唔準，搞到容易跌

細cc啲既舊車
Cb150r r15 cb300r之類

放膽d,夾實個油缸就唔會跌車落腳
踩同唔踩都得,睇返你上斜個時個車速快唔快,踩brake係因為你要控制個車速,唔快既就咁擰落去都得

明白 Thx

「強制試」同「路試」學同考嘅嘢唔同。

強制試嘅目標︰要你識得控制架車——著車、轉波、直行、轉彎、急停、推車。

路試嘅目標︰要你應付到路面嘅狀況——燈位、cut線、睇倒後鏡、留意其他車輛並作出相應反應、過死車、安全意識。

所以佢個安排係強制合格咗，証明你真係控制到架車，先至發個學牌俾你出路面。一日強制未合格，一日都唔可以渣出街害人。

同考4個轆唔同，無師傅跟車提你、有事無人幫到你煞車、跌車要識得執返起，全部要自已搞掂佢。