[quote]個個post都有呢D on 9
姐係硬要將中國山水圖用西洋畫既標準黎理解
同樣問題係適用於鍊金術、密宗等等，
如果要用「文化背景」做藉口，
即係話套野本身就係可疑，
而唔係理直氣壯話係事實，話人無知。
當你地話我無知，其實你地係最自大。
再講一次，我從來無反對哲學詮釋，
我只係想要占卜有效背後既證明。
點解要證明佢係有效定冇效, 你用完覺得有效咪有效冇效咪冇效, 佢又唔是一套科學理論, 正如你讀佛經, 佢話用佢套方法可以得到解脫, 你覺得有效咪有效, 同樣佢亦都冇必要去證明佢既效用啊。
你現在係宣稱占卜客觀有效，
唔係講緊人生智慧。當初係你話我無知
既然我咁無知，我就請大師你證明原理有效
如果你自己都講唔到，咁唔好講到自己有絕對真理
我邊句話占卜有效? 你問我解釋風水原理我咪話係風水POST解釋左囉, 佢有冇效我差知, 咪睇用果個人覺得囉。查實你駛唔駛洗個面先啊, 同埋我幾時有話過我有絕對真理啊, 我一直講緊係你不通邏輯, 無知批評咋巴打。
「要做過xxx，先可以批評xxx」
邏輯不通好似係你，同埋思想實驗係哲學經常運用既方法
根據「要做過xxx，先可以批評xxx」既邏輯：
係咪要做廚藝大師，先可以批評人地煮得唔好？
係咪要做到足球先生，先可以批評踢波唔好？
係咪要做到 av大師，先可以批評 av 唔道德？
係咪要食過人，先可以批評食人族？
係咪要打過政府工，先可以批評政府？
係咪要做過恐怖分子，先可以批評恐怖分子？
如此類推.......
唔該請你引用我既句子PLS, 唔是你係度9UP就代表我有講, 我幾時講過要做過XXX先可以批評XXX? 唔該唔好係度9UP好嗎?
咁都唔叫「要做過xxx，先可以批評xxx」
btw要下結論首先你要了解果樣野本身, 你真係識既話就唔會講d咁無知既言論, 唔識既話你又憑咩去下結論呢?
睇你既言論, 好明顯你係一知半解然後就下定論啊, 正所謂little knowledge is a dangerous thing, 對於一件事或者一門學問, 未有通徹既見解都不宜妄下結論, 所以再了不起既科學家都唔會去否定神學, 再厲害既哲學家都唔會去否定科學, 呢個係同樣道理啊。
岩啊, 未有通徹見解的確係不宜妄下結論啊。問題係: 恐怖份子係學問嗎?AV係學問嗎?食人係學問嗎? 呢D問題你一題都冇過我啊, 剩係變態AV你走去引用本社會學既書黎做例子都顯得你幾無知啦, 要攻擊我既言論, 首先你需要證明你引用既例子係一唔係一門學問先啊巴打。
個本可能係我錯，我認。
我已經後來講左Foucault啦，
要舉，Bataille 同後現代都會將色情當成技藝。
夠未？唔夠我可以再舉。
依家問題就係你點證明：
占卜風水係一門學問，而其他就唔係。
食人族相信將人食落肚，可以吸收人地力量；
古人活人祭獻都係一樣，佢地認為係客觀有效。
現代有一部分仲信性交轉運係有效。
按照你咁講，只有有人宣稱係客觀有效，
我地就必須尊重，要去學習，
咁我地可能要食完人先有資格批評囉。
一係你就接受另一個結論：
即使我唔識亦唔信你個領域既野，
我都可以根據外部既客觀標準批評你。
你講果D例子我咪證同左囉, 正如印度愛經教你透過性愛令身心靈得到昇華, 我都覺得需要尊重啊, 我唔識就唔會去批評佢係岩定錯。
術數係一門學問, 我咪講左佢既道理囉, 但係唔包括佢係一定有效咋嗎。占卜風水係技藝, 至於呢套技藝既原理係源自易經, 呢個我係風水POST咪解釋左。
再至於食人族同埋性交轉運, 食人儀式唔是學問啊, 你應該講非洲巫術係學問, 至於非洲巫術我又唔識, 我當然尊重啦, 同埋我只能夠話佢不符合現代文明道德, 冇得去批評佢對錯架喎。
性交轉運佢既原理係咩, 性交轉運唔是學問啊, 佢根本邊門邊派既術數典藉有咁講?
好，你咁講尊重所有文化包括巫術，
唔需要求真理，亦唔需要講普世價值。
咁你地繼續圍爐啦，唔阻你地。
學問係學問, 文化係文化, 尊重唔等於認同, 所以我只能話佢唔符合現代文明道德, 而唔係評論對與錯。
另外真理, 咩叫真理? pls define, 冇既話又唔需要討論落去
