國安法生效後的幾點想法。
1. 戰爭狀態,放下無謂的道德觀,保命係最重要嘅。
2. 少說話,多做事,分享去邊做咗乜係最無謂的事,FBIG當然,TG也一樣。老佛爺擺喺個心用嚟尊重,唔係掛在口邊嘅。
3. 撕文宣唔係世界末日,本來就預咗會咁;就快中秋,有幾多人記得點解要食月餅?
4. 冇文宣冇連儂牆唔識分邊間係黃店?假如過咗咁耐,你個心都冇名單,咁就死啦。黃或者低調,藍,一定高調,點都聞到朕除,點會錯。
5. 講咩口號,貼咩海報,都唔係重點,大家都已經植根心中,灰色地帶太大,唔需要強出頭。
尤其係小店,附近一定大把藍店眼紅,篤灰就梗。幾位朋友都好擔心,因為根本唔知乜係錯;既然係咁,拆左先。拆,不等於投降,轉下思考模式先,不急。
有人提議貼白紙,有人話就咁貼memo,只要有創意,我愛蔡一智,香港人,識玩嘅!
6. 鬥長命,保鬥志,場仗有排打,利物浦等咗30年先再贏頂級聯賽冠軍,中間幾次擦身而過,YNWA從不放棄,所以千萬不要亂陣腳。
7. 經濟上的抗爭更重要。
8. 走同唔走,每個人想法唔同。申請冇壞,因為冇人知將來係點,保住火苗,不至無人海外發聲,同樣重要。我有老友會走,亦有好友會留,有人認為與其苟存,不如出走,我駁唔到。
9. 一直好鍾意讀中文中史,對文字獄批鬥等記載似近還遠,今日見到拆文宣同報寸電話,真係好似。