我個人睇法係有得print 相係攝影科技進步嘅體現。
在於即影即有嘅特性, 我會分兩個層面去比較:
1. 享受真係即影即係有得睇嘅攝影體驗
2. 享受影完相有實物相紙嘅滿足感
對於第一點,新型嘅即影即有相機係無改變過攝影體驗,用家一樣可以直接print out;而對於第二點,重點係如何用即影即有相紙作為創作媒介,一路都有人用中底/ 大底改接instant back 去表現舊鏡嘅特性。有得print 相就可以突破原生相機嘅限制,方便去創作以前即影即有相機做唔到嘅效果 eg print out 400mm 長焦距影嘅相,用tilt shift 鏡影建築,1/25600 快門影sport 等等。當然成品像素仍然係受相紙所限, 但係係題材上就多咗發揮空間。
所以我覺得重點從來都唔係機體特性,我地作為用家應該係花時間去思考如何去運用工具去創作攝影作品,因為機體特性只會不斷咁擴張同埋會將唔同功能數碼化 & 合而為一。正如菲林 vs 數碼,數碼相機係功能上一定係屌打菲林,但係菲林攝影仍佔一席位係因為作品嘅表現力同拍攝體驗係兩種截然不同嘅風格。