首先,我唔覺得神奇女俠好睇過Mos,佢只係一套好正常嘅起源超級英雄片。
淨係見到你講點解唔救老豆,基本上後面已經全廢話,若果比我寫超人,我都一樣寫佢唔救老豆。
你根本冇設身處地係一個人物嘅角度上諗,唔係,應該係你根本冇認真思考啲劇情。
超人,一個天上跌落嚟嘅人,好似神嘅化身一樣存在係地球,比一對夫妻執咗嚟養,呢段期間呢對夫妻都知到呢個BB係唔屬於地球,但既然執得佢,佢地選擇養佢長大成人,係佢成長過程中根本呢對夫妻或者超人本人,都唔知將來會點,將來會發生啲乜野,但呢對夫妻都盡做父母嘅責任。
教佢正面嘅人生觀,但到超人開始長大,佢自己都開始發現有超能力,對呢對夫妻嚟講都係一個好大嘅挑戰,佢地都好清楚超人嘅能力帶來嘅破壞性。
於是超人老豆一直都教佢唔好打人,超人都好聽話,呢對夫妻好知道人類嘅醜陋同恐懼,慢一超人被世人知道,會帶來成個星球,甚至乎人類會竭盡所能去阻止超人,所以佢地根本係保護緊超人。
點解老豆唔比超人救佢?係因為保護佢,若果超人救咗佢,世人就會睇到原來有一個咁強大嘅人存在,咁樣情況會令到超人好危險,世界各地都會針對佢,佢只係盡一個爸爸嘅責任去保護自己嘅孩子,有乜撚野錯啊?
跟住General Zod出現,超人媽媽開始知道紙包唔住火,超人都開始去尋求自己嘅來歷,要面對General Zod嘅迫切性,超人嘅能力已經比General Zod揭露咗,世人已經知道有更強大嘅超人類,仲要有無窮嘅破壞性,人類被氪星人搞到束手無策,根本冇可能同氪星人一戰,於是一直受地球教育嘅超人,就要肩負起救世主嘅使命,救媽媽,救人類,要一同面對General Zod。
最後超人選擇咗救人類唔同General Zod同一陣線,係人類面前殺咗一個最後同自己同物種嘅人,但超人咁辛苦救人類,佢最後得到啲乜撚野? 到最後咪就係出現咗呢對養大超人嘅夫妻一直以嚟擔心嘅野囉。
超人嘅秘密係地球揭露咗結果呢對夫妻擔心超人嘅野咪出現哂係BVS到囉,有啲人心術不正想搞鳩超人「lex luthor」,世界各地嘅政治都討論緊超人抹黑超人,連蝙蝠俠都針對超人想殺撚咗佢,世界唔接納佢,由MOS到BVS個中心思想都係講緊一樣野,人類討厭同恐懼佢地唔認知嘅野,但超人一心係想幫人,但到頭嚟人類點撚樣對佢? 連蝙蝠俠都咁樣對佢。
你幻想吓現實世界突然有個神跌落嚟話比人類聽得係神我做到人類做唔到嘅野,人類會恐懼係一件好正常嘅事,比著自己都會驚佢慢一殺哂全世界咪仆街