03劇場版鋼鍊個結局高汁過09版bbq好多

03前段唔想咁快追過漫畫搞到節奏慢
到真係過左漫畫進度變自創先快返
但係就直接話等價交換係假嘅結左喱條線
轉左去探討人造人嘅倫理關係
但係個個睇完好似睇完DC英雄片咁好dark好沉重好正
講唔出啲太深層嘅野
後期啲鍊成又冇晒邏輯, 好多位都係就咁揸落去跟住爆炸
人造人人設更加大改
加兩個原作冇出過嘅人, 大總統個設定改埋
每個人造人又硬加個人類身份俾佢, 同7罪嘅意義脫鈎
但丁個角色又虛

如果你單獨話03好睇, 冇問題
但係拍埋09去比個框架差太多

03 同fa個中心思想都相近
只係一個負面一個正面
一個斬釘截鐵否定一個叫你唔好追求啲你掌握唔到既野

有缺憾既結果深刻D

笨死了

突然間爆一句話就話係中心思想
同一話廿頁前真理同愛德既對話就無視

以前都覺得真理門換艾爾兒戲，因為千辛萬苦原來就係咁就解決，但宜家諗番就覺得幾正
愛德華最後終於想通用自己一直最重要最相信的錬金術換，而且可能佢唔一直透過冒險經險係換唔到艾爾，呢個係bbp的情況相當合理

我都唔知你唔明人地邊一段

得「鍊金術師先會計較等價交換
普通人好似雲妮咁唔會理, 想俾就俾
咁又何來人類以為」

普通人唔計較得失？
你俾十牌蚊買一樽十蚊既野飲
點知對方俾得半樽你 你計唔計較先

套野既鍊金術師係超級知識份子
數學物理化學超級大師
佢地樣樣都計
係佢地眼中 樣樣野都係成份加公式
所以佢地既鍊金術成功個時
就好似真係做到等價交換咁
你先覺得 得佢地先計較姐

正常人就係樣樣都計
你鍾意一個人 為佢付出
唔通真係諗住零回報？
自欺欺人就得

單獨睇真理/單獨睇雲尼都係無意思
真理+雲尼先構成故事既中心思想
死揸住雲尼嗰句就話呢個先係作者意思真係唔知做乜鳩

係 最後一集過左去個套
唔計電影版
其實應該係得03版同fa版
Fa版=漫畫倒模版/happy ending
03版係半原創版/黑暗真實系

所以咪有艾爾個+1理論
你收人10分嘅恩惠
唔好剩係還10分出去
要加上自己嘅1, 以11分嘅價值去傳俾下一個人
咁先會令個世界更幸福
就算你唔同意都好
喱個先至係牛媽喺鋼鍊真正想表達嘅野

真理就係話你聽
等價交換追嚟冇撚用

同班鬥黃撚一鳩樣
兩個都好唔撚得嘅
係要踩一邊捧一邊

唔好追求
同
否定
係兩回事黎wor
我咪一路講緊唔好追求

+1 然後令世界更美好，咪就係一種等價交換囉
由真理同雲尼把口所完成既等價交換原理，就係講緊唔止係兩件事物之間獨立既因果關係，乎應返一即是全，講緊因果係網狀結構
點樣否定左等價交換

因為唔係冚家產結局攪到好多人條氣唔順

但班中二病係唔會明，覺得bbq=tvb=編劇放棄思考

實質上要寫出一個好既bbq，係難過冚家產好撚多

你不如講下lust邊忽lust
Wrath個性格一開始幾咁平和

兩邊都神
打和啦super

你都幾撚萌塞
要講共業就去大隻佬post度講

前面係正常成長鋪路
直到岩岩中段 休斯死先大變
節奏即刻緊湊又緊張 咁唔係好既改進？

套野入面
所有人都以為岩既係真理既「等價交換」
直到最後兩集 先發現原來有問題
咁都叫直接完條線？
哩個先係核心喎大佬
正常人 有努力過做一樣野
而又得唔到理想結果既話
都會諗 點解結果咁啦⋯⋯
03版不停不停咁建設「等價交代」係真理
到最後清楚講明「等價交換」先唔合理
咁都唔震撼？你覺得好是但帶過？
50集既辛苦鋪排呀大佬⋯⋯

03版人造人其實係講
每個人曾經為某種原因
犯下既一個不能面對既過錯
哩種每個人都必然犯過既過錯
當要你正面面對既時間 係幾痛苦難受

成套03版 講緊「面對現實」
努力做好自己
就算個世界無公平都好
就算唔係一分耕耘 一分收穫都好
都要好好爭取合理訴求

同fa版根本個核心都唔同

邊忽空洞
憤怒係師傅個仔 懶惰係兩兄弟鍊成既
空洞得過懶惰係個好快又好懶既大隻佬？
03憤怒變成比師傅養 懶惰比愛德直接面對過錯 09懶惰最後jump式咁比人打低
仲話講03空洞

https://youtu.be/HMXWPVPbpCE

三個版本之不同，有助討論

03絕對係令套野爆紅
全球我唔知 當年個個細路都等星期六晚播鋼鍊 唱若被傷害夠
連你老豆老母果輩都會識 tvb直頭為佢個最終話特登整條廣告
對當年tvb動畫黎講係前所未有
直頭拍得上龍珠

都算係既
個中心思想方面

Fa版叫人唔好諗住自己可以做「神」
掌握到「真理」
好好做人啦

03版講做人要面對既負面野
做人無咁理想

其實兩套都幾好
不過自己覺得03版貼地d 所以比較鍾意

賢者之石就係人類嘅靈魂
佢將自己認為唔需要嘅部份切出嚟變到7粒賢者之石
因為神係唔會有罪

然後用7粒賢者之石做核心透過其他賢者之石去鍊成身體
燒瓶小人騎劫左真理之後亦都試過分返以前國家啲人嘅靈魂出嚟再鍊成身體
就算賢者之石都唔係無中生有, 只係以靈魂嘅能量去取代質量嘅需求

佢1開8都好, 靈魂嘅總量依然冇變
全套鋼鍊惟一真係講緊由冇到有以至創造生命嘅只有雲妮去拜師嗰陣個女人生仔嘅情節

咁賢石既能量係消石既靈魂，點定義對消耗幾多賢石能量換到幾多野？咁賢石消耗既同出黎既產物係咪對等？你點衡量到佢係對等？如果唔對等咁不平等既一邊點變到出黎？咁係咪叫無中生有？事實上賢石就係不對等交換，而不對等既一邊就係無中生有，當然另一個角度講，如果冇賢石，就唔可以無中生有，但咁就變成邏輯性問題。

然後賢石就係不對等情況下，姐係佢可以練成到任何野，包括太陽，人造人既肉身黎自賢石，靈魂練成/分割都唔係咩新野，以前係冇賢石下，可以用到賀恩漢既血造到第一個人造人（霍爾蒙克斯），估計靈魂既練成對於克塞爾克塞斯黎講，係不嬲有研究，只係直至毁滅後先冇曬，而霍爾蒙克斯一早就學識曬，加上佢本身就係賢石，可以補償失去既部分，
利申：唔撚識9up