03劇場版鋼鍊個結局高汁過09版bbq好多

牛媽想表達嘅就係唔好信奉等價交換
鍊金術士信奉等價交換追求真理, 以為自己咁就高人一等
其實只係俾真理撚

原作撚：總之我就唔覺啦，FA世界第一

痴撚線
鋼鍊未出動畫已經紅到仆街
03中段超過左漫畫進度已經注定冇運行
因為後面出嘅劇情已經同牛媽冇關係

09咪仲on9
喺父親大人分裂出嚟無中生有
咁賀恩漢同分幾個出嚟做任吖嘛
使乜自己行嚟行去

喺自己個靈魂切出嚟都叫無中生有?

其實我唔係咁睇
鍊金術唔係大曬，所以可以用鍊金術換其他更重要既野
=真理無處不在
=等價交換唔止存在喺鍊金術當中
其實無推翻過

最後一話雲妮一句說話就推翻左啦
之後艾爾個1+1理論都係為左推翻等價交換
如果你睇完成套鋼鍊之後仲覺得等價交換係正確嘅話你根本就睇唔明

你都切埋一份吖

09七宗罪終究只係人嘅性格
煉得出身體 擁有生命唔係無中生有？
當你父親大人人體煉成呢
又用咗代價？
唔係成日好中意講呼應架咩
真理有冇剝削到佢自由/所有野呀？

當佢真係分裂
咁咪無中生有囉

03黑暗同沉重好多
我個人都係比較鍾意

03好多位都好空洞
尤其係但丁同後期原創嗰啲人造人

其實係你睇唔明雲尼嗰句多啲
「我決定付出左幾多，唔等於我實際付出左幾多；因此我期望得到幾多，唔等於我實際得到幾多」
結局唔係推翻等價交換法則，只係推翻左鍊金術師眼中「可估量既等價交換法則」
只係真理答案既一個延續

我發現極少人討論森巴拉的征服者
我自己都真係未睇過

你真係要睇下#25 個解釋

fa版只係否定「人類以為自己能夠秤量付出同收獲」既傲慢
「真理」呢個存在本身就係世界既一把尺，但呢把尺係無論你付出幾多通行費都參透唔到，咁你不如放棄去參透，選擇順應天道，得失成敗自有其一套冥冥中既法則

但到底呢套法則係咩呢？牛媽只係借愛德把口叫你不如唔好諗咁多

要真係睇得明牛媽，就首先要知道佢擺左好多道家思想喺入面

解釋得好

咁賢石本身就係靈魂集合體，好似父親大人咁都係用賢石鍊成同賀恩漢一樣既身體，所以呢套野，只要有賢石可以話咩都得，因為賢石既設定係就無中生有

咁你又錯喇
賢石點會係無中生有
用一定嘅能量整出嚟就可以承受一定嘅消耗量
佢會消耗就唔係無中生有


何況我係問緊父親大人係憑何將性格分裂/煉成肉身且賦予靈魂

首先我完全唔明你噏乜
第2 #25個reply講嘅野都係有問題
成套野得燒瓶小人一個係想將真理據為己有
愛德艾爾目的想要返老母
師傅目的想要返個仔
馬斯丹想改革國家
而佢地認為可以利用鍊金術做到

真理給予嘅唔係佢地追求鍊金術嘅懲罰, 而係同鍊金術師以為可以透過鍊金術達到嘅目的相對
當鍊金術師人體鍊成失敗睇過部份真理之後
以為自己失敗係因為睇到嘅真理唔夠 ,先會繼續去追求真理, 然後愈追求失去得愈多
要攞返失去嘅就要放棄追求真理

人類以為自己能夠秤量付出同收獲喱句野都唔成立
鍊金術師先會計較等價交換
普通人好似雲妮咁唔會理, 想俾就俾
咁又何來人類以為

未出03版之前
香港漫畫鋪唔係間間入 入都唔多
04年尾間間入 有新一期會有排隊買

未出03版之前歐美無人識鋼鍊
出左之後風摩全球 一時無兩
03版動畫漫畫連歌碟出到不停加印

基本上03版出之前
得日本識咁滯 可以叫幾收得
但係唔係爆紅級
你可以查下銷量同排行 好直觀

日本漫畫基本上未行到動畫化個下
都係叫有潛力 動畫化之後
動漫畫既銷量 周邊既產品收益先係大頭

仲有⋯當年日本漫畫變成動畫
好多都係跟漫畫開頭到中段 之後自創結局
或者是但中間打個中boss就當告一段落
唔係依家咁一季季做
就算依家漫畫改編做一季季既動畫
只要一追到漫畫 就一係自創劇情鳩拖
一係就完季 之後起碼等返一年先再有

當時03版哩套選擇自創結局
唔係無啦啦自創
係由第一集動畫已經諗好晒大鋼同結局咁整
好明顯好整齊 首尾呼應晒
所以先咁神 未睇過漫畫版既
完全可以當03版係完整故事咁睇

最後⋯⋯套套漫畫改編既動畫
個作者都一定有份參與
俾資料俾人物故事結局
唔關作者事都講得出

套野無運行？
當年套野紅透半邊天 風摩全球叫無運行？
如果咁叫無運行
我諗套套動畫都想咁無運行法

我真心覺得你痴撚線
你講緊既野 完全無關fa版同03版既問題

用返邏輯去睇吖
同一話早廿頁紙，真理先同你講完答案正確，可以交換
廿頁紙後突然間無舖排下推翻真理既定案？
係雲尼先係真理定雲尼超越左真理定雲尼唔屬於一同全既循環入面
從叙事角度上根本就講唔撚通

真理既意思係，門唔止係門，包含你為呢度門付出同經歷既一切，統統都係代價既一部分

愛德話比一半既人生雲尼，某程度上係因為佢覺得佢前半生辜負左雲尼
但雲尼係唔係咁諗？對雲尼黎講，愛德係至親，係至愛，係佢成為技師既意義所在。係愛德既存在塑造左佢呢個「人」。所以「將全部給你也沒有所謂」，因為一早已經全部給你了

愛德發覺既係，佢同雲尼之間既關係，根本計算唔到，亦都無法計算。咁點樣等價，點樣交換，只有真理先會知。既然只有真理先知，而人類永不可能追逐真理，咁鍊金術就係on9, 鍊金術師就係on99

其實牛媽真正想講既係：「吾生也有涯，而知也無涯，以無涯隨有涯，殆矣」

03版出個時 漫畫出得兩年
你不如睇返出03版前
究竟漫畫版出到咩內容先再講啦

「要攞返失去嘅就要放棄追求真理」
咪就係等價交換

「普通人好似雲妮咁唔會理, 想俾就俾」
雲尼唔係求其一個人都比，當中都有私情

牛媽結局根本無肯定or否定等價交換法則
只係叫你唔好諗，唔好覺得自己掌握到佢

03版係咪去咗工業時代既歐洲嗰一套？
好撚多版好撚亂