03劇場版鋼鍊個結局高汁過09版bbq好多

我反而唔鍾意03
垃圾艾爾成日大愛撚上身拖劇情
打飛機結局,依個世界無艾爾咁我去另一個有艾爾嘅世界咪得囉
詳細唔係好記得淨係睇過一次

09嗰劇場版都幾廢嗰故九唔搭八 唔睇都唔影響

最近翻睇03
係好睇既

但最唔鍾意左膠艾爾
大愛撚結果個個都救唔到
仲有結局雲妮永遠冇辦法等到愛德

講到哩度我都想問，點解真理之門可以換到艾爾，係咪條友鐘意用咩換都得

題外話,其實愛德華同艾爾係咪比門焜左,由頭到尾佢哋都冇話要睇真理,其實一開復活老母嘅代價就只有艾爾靈魂？（因為上左老母身）

因為人體煉成只係將佢哋準備啲元素合成人體然後再放艾爾靈魂入去,咁即係話愛德隻腳同艾爾個身都比門焜左去睇真理,但係佢哋從冇話要睇

反而我覺得個鋪排係想推翻等價交換，至於師父用唔到煉金術換內臟，因為佢煉走道門就無得走，愛德走到係因為佢同細佬有連結可以煉走道門之後係細佬道門走

講故咪駁故啦,又要係到計條數對唔對等
聽上去合理咪得囉
咁愛德華無左細佬係源於煉金術,佢放棄煉金術(即係佢棟門)黎換返細佬,亦都符合個循環


總之死左ge野無辦法攞返黎,艾爾無死到,而係比理扣留左,所以除時拎得返
所以理論上如果師博放棄自己煉金術,都可能拎得返先己內臟

因為FA完得太好，無野需要劇情版補完

唔關事，故事到後期先有講人體鍊成係無辦法復活人，因為無辦法鍊成靈魂，而人體鍊成本身係打門嘅方法，只係佢兩兄弟(或者話全部鍊金術師)都唔知，當門打開術師見到真理，所以會收取過路費，而路費係有含意

等價交換，到價咪比你囉，基本上只要燒瓶中的小人（真理）個天秤衡量過係可以換，其實可以換咩都得。歡迎討論

其實用賢者之石一樣可以醫返，上校最後比馬可醫生用賢者之石醫返對眼

但係艾爾肉身無左就一定要入門用代價換

因為FA個結局已經好完滿冇咩好補充

我覺得09已經改得好好. 可能先入為主,我一直都覺得09多啲親切感.以前09一出真係好火,tvb好少黃金時間賣卡通廣告

理論上用腎石係換得返，但係兩兄弟唔想
同埋咩真理門換細佬唔等價？去到中間愛德挖返老母條屍後已經同師傅傾：練成死人係冇可能，所以失去咗嘅部分只係睇真理嘅過路費

咁其實佢第一日就拎出黎換就bbq

係如果佢知同有覺悟嘅話

之前就係，最後大決戰艾爾用靈魂換返愛德隻手，靈魂回到門入面嘅肉身度，賢者之石夠唔夠力拉出黎真係未知，話晒愛德用全部鍊金術做代價先換得返

其實都係還完返啱啱鍊成完老母個刻
人體鍊成完： 愛德冇咗隻腳、艾爾冇咗全身
之後愛德用手換艾爾個靈魂 《 最終戰只係還原呢一步

同埋我覺得用紅石修補返嘅果d部位唔係當初被拎走嘅部位黎，而係新嘅內臟etc

即係如果用紅石鍊返艾爾出黎，果個都唔會係艾爾原本嘅身體

同意,只係復制品

03臨尾有啲悶 主要講兩兄弟 但單調左啲 加上艾爾成日左膠累死人
FA劇情緊湊啲 個個角色都有啲戲 約定之日幾熱血 最尾係大團圓結局係行左啲 但叫做圓滿

09版其實有冇解釋到賀因漢點解可以生到仔？
好似到最尾都冇解釋到

我覺得03嘅高汁位係中途嘅小插曲,例如愛德比屠夫巴利追殺果集真係睇到我O左,係果一刻先發現其愛德都仲係果細路

點解生唔到?