03劇場版鋼鍊個結局高汁過09版bbq好多

做乜摑自己兩巴咁失威呀

仲要夜深時段播,真係嚇到仆街

艾爾唔係死咗 係被帶走

其實你兩篇野都好撚偏頗，好明顯係記憶模糊美化出黎既效果

首先03版後段既人氣係回落，討論熱度亦都下降，直到09版出先再帶起熱潮同洗各大網站既評分，直到現在踏入第11個年頭都仲係國內外唔少動漫迷心目中第一神作，講緊既係09版，因為佢有一個完美既收官，而呢個結局，亦係好多人捧佢既原因，唔難搵到評論拎呢套野個結構，結局黎同其他動漫比較，黎得出點樣為之好故事既結論，而03版，好少俾人拎出黎當教科書咁講，就係呢個分別，而fa版長紅個熱度已經第11年，如果係03版，係絕對唔會俾人討論到現在，你講既03版一開始就成神，只係你對神作既定義比較要求低，而大家包括03版fans對03版既強烈印象只係一開始既劇情，大哥哥等等，同氣氛渲染，bgm勁，對每一part既故事不論記憶還是描述都係粗粗帶過，特別03版後半既劇情，冇乜邊個可以做到fa版咁成個情節拎出黎討論，fa版係時至今日11年都可以俾人拎出黎完全講返發生左咩事，點解，鋪得有幾好，同其他動漫比又有邊度出彩之處，呢下係最難能可貴，但03版我係好少見有人講得出後半既細節，講黎講去都係原作部份既精彩，後半記憶冇咁深刻亦都係由於少左原作支持，缺乏好嚴謹既設定同埋橋段開始loop，劇情上既激化係為左令本身扭到30集就好盡既內容含量要扭到有50集，當中冇咩來自編劇既主體思想


我唔係踩03版，03版絕對係佳作，佢既氣氛渣染非常好，改篇都可以話自圓其說，音樂極出色，係非常強既一套娛樂作品，但只流於娛樂作品，真正可以俾人記得橋段細節而長久流傳落去，甚至成為好多人面對價值觀既幫助，係fa/原作漫畫，呢點就係點解我覺得兩者高度唔同

03版我睇左3次，相信呢度大部份人冇我咁記得劇情，而fa只睇左兩次，兩套戲對原作部份其實都有改篇，甚至我覺得03版前半部係改篇得比fa更好，牛媽+水島其實超勁，水島改編前半到可以令實質只有10集既原作劇情去到23集，當年本來大作一定要做年番，未有季番概念，水島個任務就係要將原作10集+改編收成2x集再自創2x集落去，佢對設定上既補完大家都好清楚，係可以自圈其說，就好似鍊金術個能量來源其實係現實世界人既靈魂，門既通往異世界設定等，但內容真係少，所以後半橋段會好loop，老母人造人打幾次，同款挫敗出現幾次，到最後地底城市大決戰係有種，終於loop完要行既感覺

而係佢基於原作改編，而又冇牛媽一般既意圖，難免響故事可以進行落去既同時同原作理念有所衝突，就好似鍊金術既能量來源係人既靈魂，但係豆丁燒屋出走既決意係跟返原作，唔犧牲任何人去拎返細佬同自己既身體，即係話由一開始佢地用鍊金術整收音機，已經犧牲緊他人，自己個旅行去到底，就係一個不可能成全自己決意既笑話，每用一次鍊金術都係消耗他人，越旅行越同人造人衝突就越同佢理念相阻，豆丁係果種寧願犧牲自己都唔消耗他人既性格，所以去到後尾豆丁知道真相點解仲會用鍊金術係同佢性格相當衝突，而艾爾更加連賢者之石都用埋

當然故事上亦都有帶過，後期豆丁個行為動力係事已至此，悲劇已鑄，但都要向前行收拾但丁呢個爛灘子，但係過程中係冇決意冇性格轉變既橋段黎合理化佢，就好似原作中後段馬斯坦用賢者之石係有一個決意響度，被制成賢者之石既靈魂已無法回頭，消耗呢d人去換取復明，佢後半生就用黎服務人民，係有角色轉變既描寫，但係原創版既豆丁就冇了，所以故事結構上係有勃論，艾爾都用左賢者之石了，豆丁都明知但一直消耗人既靈魂進行鍊成，咁直接用賢者之石黎鍊成自己身體，攞返豆丁手腳，就可以直接ko拉斯，再快速攪掂但丁，咁就少好多無謂既打鬥同鍊成，而佢地兄弟亦可以用返個決意前行，用有用之身保護世界同為人民服務，達到03版所表現既負罪前行理念，更合乎佢地兄弟盡量唔消耗他人，同smart既個性，呢個勃論其實係當時03版就快結局果陣俾人笑過，但真係唔怪得水島精二，如果早早用賢者之石攪掂件事，劇情會更短更做唔到51話


當劇情上有犯駁之處俾唔到人邏輯上既合理解法，人對佢既記憶就會變淺，呢個係無可反駁既現實

就算現在03版普通公認既人物塑造更立體，亦都係來自於原作同原作改編部份，因為03版改得最好就係前半部加深左每個角色既描寫黎增長篇幅，呢個操作真係唔易，動畫處理上真係比fa好，fa前面劇情預你有睇原作同03版，相對撩草，好似修茲揮手，艾爾抱住哥哥拍溫莉門呢兩段都屈機，改篇鍊金術考試好有趣，呢d都係03版衝人氣衝得咁勁既成功橋段，但講真不論撐03版還是普通觀眾，有幾多個會拎但丁呢d後期原創但相當重要既角色黎講?但丁就只係一個狡詐既幕後黑手，雖然前面大量悲劇都入佢數但佢角色形象非常普通，同瓶中小人既來歷，經歷，同老豆個角色做足對比，幾百年各自所做既事互相對應係得出制約結果係冇得比，呢d就係後半部水島冇左原作支持要憑佢去作一個基於他人設計所延伸既故事時所出現既硬傷，佢唔知邊d野係為左最終boss鋪既，佢唔知邊d角色可以同後其反派角色做對比，所以後半既人物同橋段只係相當普通，同前面d邊際角色同劇情伏筆冇連結，做唔到原作果種經典出黎

而有d人會話，冇03既成功，唔會有fa既動畫版，但唔好忘記，鍊金術，兄弟出征，呢d03版帶動熱潮既原素，原作一早有，動畫商甚至睇左原作前面少少故事就急不及待出動畫，係因為原作真係有咁既成功誘因同魅力，所以原作係一定會被動畫化同帶動熱潮，時至今日03版最為人津津樂道既始終係佢前半既原作同原作改編部份

最後，你地可能會認為我響度踩03版
但我再講多次，03版係佳作，佢做到冇fa咁好既地方係非戰之罪，本來響他人故事作延伸就係難，如果你認為我講得唔啱，不妨反論返我講03做得唔好既地方，大家拎劇情出黎討論，但我相信唔少撐03版既人反而對03版既橋段唔會好深刻，呢個亦係只響娛樂方面出色既作品有既特色，渲染勁，感受深，會記得隻feel，實質橋段並非太優質

Pliskin 巴打
我發現原來以前quote親都係quote你啲文
你可唔可以貼返你講主流文化載體同埋講七原罪篇文比我back up

你睇個時幾歲左右？
哩個po入面好似真係年齡偏細
Tbb版都05先播

無睇過tbb版 唔知cut成點其實
我懷疑tbb版cut左唔少
加上唔少人睇tbb版個時年紀較細
所以對03版印象無fa版咁直觀

Fa版無咩要cut 電視可以播得足
個時又已經人手一部電腦 想點睇返都得
漫畫又出晒 可以勁到同步完
個勢無03版要由零開始咁辛苦
動畫去製作個邊有足晒時間 資料去做
其實都無咩特別⋯跟漫畫做就得⋯一步到位 無野煩
Fa版做得好 真係唔太關製作組事
同03版做個時 無得比較⋯

Btw⋯⋯
大 哥 哥 哩part無咩驚唔驚
我睇個時淨係好心痛

咁03好睇啲，記得好似最後同溫尼分隔兩個世界，好撚sad

我一年大大話話按興趣使然出幾百篇呢d野，點記得咁多

最好笑嘅係個post title直接話09係垃圾
09 supporters 出嚟defence就話返人踩03轉頭
再唔係就一句得小朋友先鍾意09

我比較鍾意03版
但我無踩過fa 我一樣買齊漫畫同fa版碟
一樣有讚fa版做得好

一套成功漫畫動畫化係必然
但係鋼鍊第一次動畫化成功大賣 真係唔係必然⋯
你睇下幾多漫畫超成功既作品 出動畫就中撚晒伏
佢地選擇邊間做 點做法 已經好大影響
你可以查下03版前後 鋼鍊既全方位升幅對比幾大
未有03版動畫出 鋼鍊根本未有全世界市場⋯
一出全世界都識 咁都唔神？
可以拎套漫畫無負擔舒服作到最後
（編輯出版周邊等等都舒服 唔使壓迫作者）
再一口氣靚靚仔仔再出返個fa版
你覺得其實無03版既功勞？

如果第一次就要以fa版去做 你十年先睇到64話喎⋯⋯
每年平均7話？定每年拖4-5話無謂野出黎？
中間如果同動畫個邊傾唔落去 或者有次唔收得
又轉第二間整 畫風做法會突變 你覺得無影響？
漫畫一路出 動畫跟貼每季做
對一套動畫既風險有幾大 你地應該見識唔少掛⋯
咁個問題就出黎啦
要fa版咁完整既 你一係每年得7話咁出
一係就09年先第一次動畫化⋯
哩兩個選擇 相比起出左03版先
你會點選？

我唔知你話我咩樣偏頗⋯⋯
我覆返之前亂踩03版既人only
同埋我睇人講03版結得正 多過讚前半段好多喎⋯⋯

唔知你講咩淨算係娛樂作品個段係點
有特色，渲染勁，感受深，會記得隻feel
咁仲唔夠好⋯？

大哥哥個段係有一段經過先咁sad
人體鍊成會製造人造人個幕
兩兄弟傷晒咁搵雲妮
國家鋼金術士既考核方法
每集集頭一定提既讀白
結尾一野打爆既「真理-等價交換」
為自己錯誤去「彌補」 而要付出既「代價」

哩堆十七年後既今日都大部分人記得喎⋯⋯
我諗睇過都輕易講得出啦
唔係場場點打都要記得先叫神作掛
你心目中 除左fa版鋼鍊 仲有無第二套神作介紹下先⋯

講真 鋼鍊就完先出既fa版
係有足漫畫資料9成照去
中間內容要讚 都係讚漫畫好
其實fa版既製作組相對上唔係咁關鍵⋯
而且用fa版本講返03版 對於原著漫畫既不足⋯
有D事後孔明feel⋯⋯
03版既老師一開始係無出樣 唔知邊個
大總統就唔知佢係反派Boss
Fa版係一野就出晒面
因為大家都知晒劇情咁重溫漫畫內容⋯
咁係鋪排上面 兩套做法又點比呢⋯
03版前半段其實唔少唔同原著⋯
講兩兄弟點一步一步成長
考試個度改左好多添⋯
個著墨點都唔同⋯
入面好多講生命既話題著重左
溫妮父母既死 休斯個囡出世 大哥哥個段
一步步係兩兄弟 係我地面前講緊

我係純讚緊03版做得好既地方
其實仲有唔少 不過已經好q長篇⋯
再講多次 我無踩過fa版
無話過鍾意fa版係小朋友
各人有各人喜好
Happy/bad ending都好 合理又好睇就得
我入嚟留言 係純粹見到堆無腦踩03版 忍不住出聲only

Btw...
我睇過套日本災難電影
主角個班人 大海嘯大地震 竟然一個都無死到
臨尾點諗個主角都一定死q緊
點知佢斷腳都可以自己係地底上返地面
印象中係係地下推開上面d石屎⋯
（好似仲係帶多個人上添仲）
達成主角身邊十人左右都0死亡完結
Happy end

我同人傾話 都痴鳩線 咁都無人死完結
之後俾人屌話：
唔通一定要死晒人 bad end先叫好睇咩
同哩個post某幾個留言一樣⋯
人地明明講緊有傷亡好似感覺合理d明明⋯
好啦
我應該唔會再覆

大家身體健康 有時間陪多d屋企人

以無涯隨有涯...笑

本身見個po咁耐之前冇諗過覆
但見到你個reply內容，其他唔理，睇到「其實fa版嘅製作組相對上唔係咁關鍵」真係忍唔到住想DLLM

唔係咁關鍵？？？一句fa可以對照漫畫劇情廢撚咗成個製作組嘅努力。
你知唔知一套漫畫要轉做有顏色有聲有動作嘅動畫當中要考慮幾多嘢？？
考慮刪減幾多情節去令動畫整體緊湊，自己要加咩情節細節令動畫圓滿
考慮每集嘅劇情量同整體節奏去牽引觀眾
考慮原畫分鏡令畫面張弛有道唔單一，動作打鬥流暢精彩
考慮背景咩畫法呈現咩材質睇咗唔悶
考慮背景音樂音效增加臨場感同牽引情緒
考慮每個oped去配合每段劇情
仲有好多好多唔同嘅考慮
正因為動畫化呈現嘅嘢比漫畫立體好多，愈好嘅作品，愈考驗製作組嘅功力，而唔係單單跟足漫畫劇情去做
你自己都識講好多好嘅作品，動畫化會被毀，好似一拳超人第一同第二季比較吓，就可以證明一套整動畫唔係淨係跟劇情咁簡單。

點解fa會被稱為神作，係因為動畫組落即足心力諗到面面俱全，唔只係劇情，視覺聽覺都令人喺有好高質嘅享受，佢嘅全部oped係配合相應嘅劇情情緒去作，所有方面夾埋先令fa成為一套好完美嘅動畫。甚至對fa嘅鍾意超過咗漫畫少少，因為佢帶咗比我好完整嘅體驗。

唔想踩03，雖然自己唔鍾意，但必須承認的確佢果陣超過漫畫劇情之下，自己作到個可以自圓其說，可以帶比果代人震撼嘅劇情係好勁。（同時都係因為原作提供咗好好嘅背景同基底，加上製作組實力先作到，唔可以喺03抹殺原作功勞。）

但你唔可以咁就將fa製作組嘅功勞抹殺，03嘅成功係製作組功勞，fa嘅製作組就唔撚緊要？？？講乜撚嘢，完全係侮辱動畫製作組DLLM。而且事實係兩版都係同一個製作組整，點解可以咁撚雙標