韓國電影集中討論區 (11)

好傷感 星影匯都要轉手

香港會唔會上拯救我於惡？

deliver us from evil，今年冇戲上嘅情況之下唯一一套值得期待

懷疑有片商買咗但又冇放風

好耐之前睇唔記得晒啲情節，淨係記得智孝死得好撚慘套戲卡士真心癲，三個影帝級人馬再加個好題材

我覺得唔當佢係續集黎睇感覺會好少少

的確
反派冇魅力
劇本弱
明明套戲有成兩粒鐘 但個鋪排都可以做到咁差 人物刻劃又少 好難代入感情
成套戲劇情推進一味得個快字 搞到完全唔知睇緊乜咁
當佢係1咁睇應該會想打爆個mon
唯一可取就係有素緩個細路女

嗰場戲李政宰演得好好 睇咗好幾次之後發現智孝其實唔喺現場
兩個人應該係分開拍攝 然後靠剪接扮同一幕
但係李政宰個情緒都係好出

佢都就嚟五十歲啦五十代都真係好正
四十歲嗰啲感覺演技就差啲 除左孔劉 曹承佑有啲代表作 其他好似姜棟元趙寅成玄彬感覺都上唔到位

冇計呢堆都定型咗做偶像派btw數漏咗河正宇
數男演員幾隻手都數唔晒，相反好戲嘅女演員up唔到太多，韓國電影圈仲係陽盛陰衰（雖然改善緊）
全度妍、金惠秀唔駛講最top，再數落去孫藝珍、全智賢、金敏喜呢啲已經次一級

千禧年果期有咩推介？熱門果啲應該都睇晒

我本身好鍾意懸疑片，係睇咗韓國啲懸疑片先開始鍾意追韓片

金敏喜真係好可惜 我覺得佢值得上到全度妍個level 第一個韓國柏林銀熊獎
可惜有不倫戀應該以後都冇乜商業片揾佢了

其實我覺得新一代啲演員好似越嚟越醜以前叫正常普通人樣 依家某幾個真係樣衰 例如 柳俊烈 金高銀

冇咗洪常秀，金敏喜應該可以byebye
柳俊烈真係但佢演戲好有個人魅力新生代嚟講睇好佢

講起演員，想講下自己鍾意嘅一啲男綠葉/男配角

趙震雄：人稱肥仔雄，由配角做到主角，由肥仔做到瘦仔，影帝指日可待


吳達庶：綠葉王之一，人稱千萬妖精 (票房)，唔知而家有咩撈


柳海真：綠葉王之二，公認醜樣但亦公認好戲，礙於外貌，擔正嘅戲通常都係喜劇


李星民：北寒諜戰見識到演技有幾精湛，仲拎埋百想影帝


郭度沅：逆權大狀入面個仆街警察，哭聲入面個老竇，越做越有，做埋主角


馬東錫：韓版the rock，因為屍殺列車走紅，點知定型咗做一拳打撚死你嘅角色，都係鍾意佢做配角多啲


金義城：屍殺列車入面個仆街阿叔，但真人正氣凜然，上年仲幫香港發聲同到場聲援


裴晟佑：專做傻鳩同變態 演得入型入格，好有個人特色


陳善圭：犯罪都市開始嶄露頭角，到炸雞特工隊個馬仔開始為人熟悉，之後仲有機會擔正


李璟榮：韓國鄭子誠，自帶陰謀效果，有一期套套戲都有佢份


朴熙順：唔紅唔黑，早期都仲有主角做下，而家幾乎冇


朴聖雄：唔紅唔黑，間唔中有啲小品會擔正

其他

劉在明


成東日


孫賢周


高昌錫


金大明


鄭滿植

金相浩


鄭鎮榮


尹宰文


金成鈞


白潤植

呢啲都叫綠葉
師兄標準係咪有啲太高

屌搞錯咗 男配角先啱