300日浪遊到南極，直到世界盡頭（III）

留名繼續支持

Lm

喺瑞士逗留一日，馬上就要離開。

巴塞爾係一座邊境城市，Urs做導遊嘅時候經常會指住遠處嘅風景同我地講，左邊就係法國，右邊就係德國，佢地成日都會跨境拍拖。我地就即刻話我地係唔鐘意跨境去地獄鬼国拍拖好彩我地今次都可以享受吓北上嘅喜悅，由瑞士北上去法國嘅Strasbourg

唔知大家仲記唔記得喺上一個Post提過，女神出發前比咗三個地方叫我帶佢去，我應承佢先跟我出發最重要當然係南極，亦係呢個旅程嘅精華。而另外兩個，一個係克羅地亞嘅分手博物館，一個係潛落水底睇冰島歐亞版塊嗰條罅。去啲咁型棍嘅地方潛水我都明，但一個博物館點解可以同南極齊名呢？

喺進入法國之前，我決定回一回帶，講返呢個三大checkpoint之一


好唔老黎嘅博物館名，但仍然有唔少嘅遊客排隊等住入。


呢個博物館嘅玩法就係從前有條友向世界各地嘅人收集一啲關於失戀分手嘅物件，然後將嗰段經歷講返出嚟。例如有個女仔着住對鬼火咁靚嘅鞋去舞會比鬼仔食咗之後分手，佢就將呢對鞋show出嚟講佢嘅分手故事簡單嚟講就係連登感情台當中有啲故係好似連登啲post咁戇鳩，但亦都有啲係生離死別噉好沉重。甚至有啲唔係淨係講男女朋友嘅感情，而係親人離別。


睇完之後就開始有啲唔舒服，講緊唔係個心，而係個頭有啲暈暈地。但應該唔關個博物館事。於是我之後嗰日全日都喺間同屋主share嘅Airbnb度休息。只記得當時嘅Zagreb成三十幾度，屋主話因為大部份時間都偏凍，屋企連冷氣都冇裝，我都分唔到係我自己發燒定係間屋太熱。男屋主見我地全日都無無聊聊，就叫我地陪佢練琴。


原來佢屋企地底係有個地下室，專門放佢部鋼琴，陰涼嘅溫度令鋼琴嘅弦線保持住最佳狀態佢問我地香港啲人係咪好有錢，好多人會好似佢咁。我只能夠講，我地就冇

其實係成個旅程入面，我地兩個都會不斷卡住卡住噉病。女神喺蒙古有皮膚病之後，就到我喺俄羅斯嘅貝加爾湖感冒，之後到伊朗又輪到佢中暑，今次又到返我發燒。好彩嘅係，永遠其中一個病咗另一個就精神，好似自動自覺識得幫對方頂住噉。有時都會喺度諗，如果當初去嘅係自己一個，病咗都唔知點算，容乜易比人捉咗落去啲架部賣屎忽

或者睇分手博物館嘅意義就在於，睇完之後就更加要好好珍惜身邊嘅人

嘩 想當年我去南極之前睇你阿爺出果個post, 而家去完南極之後都過左兩年幾

你阿爺仲安好ma?

屌你樓主追你個post追撚咗就嚟3年你都未寫完

好撚威

支持樓主繼續寫 希望三年內埋到尾

入黎留名G持

樓主生性唔好爛尾
我專登由頭睇一次

有啲印象，估唔到大家仲未離開連登

離開克羅地亞，我地經斯洛文尼亞同意大利先入到瑞士。時間所限，我地喺意大利就嚟咗個十日精華遊，去嘅都係最大路嘅旅遊景點。雖然係大路，但有啲地方仍然帶比我極大嘅震撼。就算完晒成個Trip，都會覺得意大利特別係羅馬真係值得咁多遊客拜訪，抵佢迫爆。只係冇諗過三年後嘅今日，佢會成為咗武漢肺炎下最嚴重嘅災區希望幾十年後世人唔會當咗隻毒真係喺意大利傳出嚟


當時好討厭嘅威尼斯人潮




貓貓都不能幸免嘅武漢肺炎



只記得當日好早就由Mestre坐車出發，走嘅時候已經係黃昏，足足行咗一日。當時落住毛毛細雨，我地兩個人一把遮喺呢個好細個就已經聽過嘅威尼斯水鄉入面漫步，而家諗返都覺得好夢幻

有時同女神傾返呢啲旅行嘅畫面，都好有回憶不過我地記得嘅嘢通常都唔同，我多數會記住喺邊個地方做過咩事，同埋搭咩車去；而佢多數會記得食過啲咩

總覺得世事好奇妙，好似冥冥中安排我喺呢段期間重新開始紀錄返旅程中嘅事，先係Urs同Regula，然後到意大利。希望我回憶完呢一段，疫情就會過去。或者下次再去威尼斯，佢已經恢復返生機，再次變返我腦海入面充滿色彩嘅意大利

啲相黑白？

終於收到Urs同Regula覆機

好人一生平安

其實我哋仲有嘗試聯絡伊朗嘅Masoud，但佢就好耐冇覆我哋我哋淨係得fb可以搵到佢，希望佢只係一時翻唔到牆而唔係中咗肺炎

疫情過咗先變返彩色

Lm

竟然日日都出

南極幾多度？要穿幾多件衫？

因為夏天先有船，如果好天都有五至十度，其實幾暖。
如果陰天加埋有風就零度到負幾度，唔算好凍。

對我嚟講最凍係喺雪地上面行，啲凍氣由地下傳上腳掌，有雪靴都冇用。

我當時就着咗heat tech+fleece+羽絨+防風外套，下身就heat tech leggings+雪褲，兩對羊毛襪，厚手套，頭巾包埋耳仔，就好夠了雪褲嗰啲我都係去到先租，或者唔想租就預早一日喺Ushuaia 慢慢買都得

但啱啱南極郵輪都有武漢肺炎了

https://edition.cnn.com/2020/04/07/americas/greg-mortimer-cruise-ship-coronavirus-intl-hnk/index.html

Passengers to be evacuated from Antarctic cruise ship after almost 60% test positive for coronavirus

希望企鵝唔好有事

樓豬洗左幾多錢啊

南極嗰程船就三萬幾，成個旅程每人十五萬左右
多有多玩少有少玩，識有人去一年可以五六萬搞掂，使幾十萬嘅亦大有人在，睇到自己想睇嘅嘢就得啦

講起一個地方有咩好去有咩要睇，我好少用「必去」呢兩個字。每個人鐘意睇興趣同步伐都唔一樣，我嘅「必去」又唔等於你嘅「必去」。但羅馬，係成個旅程好少數我會用到呢兩個字嘅地方

意大利作為全世界最多遊客嘅國家之一，羅馬自然係數一數二最多人到訪嘅城市，喺高手雲集嘅連登旅遊台亦都被提及過無數次羅馬有咩咁勁都唔使多介紹，淨係鬥獸場同梵蒂岡博物館兩個世界級景點已經夠晒做。唔講入面，淨係出面排隊條龍已經極為震撼。我地去嘅時候適逢七月，係旺季中嘅旺季，買飛閒閒地排兩三個鐘頭。加上天氣炎熱，親眼睇住有阿婆排到中暑上咗白車


咁多人就唔整黑白相了話說排咗三粒鐘去到買飛入場之際，售票處可能為咗方便管理起見，淨係接受信用卡比錢，唔收現金，呢幾個排喺我地前面嘅蒙古人全部都冇卡，要我地幫手比錢先入到場。入到去我地就一齊行咗一陣，有咗呢張合照。

講起信用卡，就要講埋提款卡。喺羅馬發生咗一段小插曲。一直以嚟我地對於帶幾多現金喺身係好審慎嘅。因為有好多地方，譬如伊朗噉，入咗境係㩒唔到錢，一定要喺入去之前拎定多啲美金喺入面唱，如果唔係就隨時要揸住本特衰護照去中国大使館吔蕉了由於我地太小心，所以幾個月嚟都未試過出現錢銀方面嘅問題。但嚟到意大利，諗住喺先進地方，就放下咗戒心，一唔小心喺威尼斯使晒啲歐羅，入到羅馬銀包就乾咗塘。有幾個鐘我地連搭車同去廁所嘅現金都冇至於點解會出現呢個情況？就係因為我地用咗銀聯卡雖然銀聯喺中国啲網係吹到自己好撚勁，但無論佢話自己覆蓋率幾高都好，事實上好多ATM都用唔到。有時呢部機得，轉角另一部機又唔得。我地行咗好耐先喺某個好多名店嘅地區都㩒到錢。


其實我地都預咗會有呢個情況，所以臨出發前都申請咗一張Plus卡。我因為用恒生戶口，直情冇得申請好彩女神個HSBC嗰時仲可以申請到。但我地就衰戇鳩冇開通到個海外提款。經過呢日我地決定離開歐洲前一定要開通咗佢


梵蒂岡重量級景點——聖彼得大教堂



邊個會諗到梵蒂岡博物館都有閂門嘅一日

羅馬許願池

唔記得咗係咩

你女朋友對波咁撚細 , 同佢去咁遠把撚 晒錢晒時間

樓上條撚樣 blocked
樓主請繼續打好睇