古巴係一個長形嘅島國，離開咗巴拉德羅（Varadero）之後，我地就出發去中部城市千里達（Trinidad）。最初嘅計劃係一路向東，睇完東部大城聖地亞哥（Santiago De Cuba）再返首都夏灣拿（Havana），噉就可以望晒呢個神秘國家嘅東西兩面。
離開咗巴拉德羅冇幾耐，就由城市變成咗鄉下。開始有印象中加勒比嘅味道。
我地仲諗緊未Book千里達嘅住宿，落咗車之後應該去邊度搵，好快就發現自己擔心得太多。
一落車，就已經有好多Casa嘅屋主湧埋嚟拉客。
古巴上網極唔普及，雖然喺Booking.com呢啲大平台都會搵到地方Book，我地一開始為咗申請簽證拎個地方先都係靠佢。但有好多住宿都係冇靠網上平台宣傳。佢地會喺門口貼一個casa嘅藍色Logo，代表佢地係申請咗嘅合資格民宿。casa喺西班牙文係屋企嘅意思，當地人會介紹自己屋企做casa嚟邀請遊客去佢地度當酒店住。遊客見到呢啲Logo就可以直接敲門求入住，簡單直接。
近年古巴遊客唔少，casa都越嚟越多，始終對古巴人嚟講呢個行業收入係好高。我地去到古巴嘅時候，之前嗰對係伊朗識嘅澳門情侶啱啱早我地少少嚟到，據佢地所講預十幾美金一晚就住到，聽到有人開價差唔多我地就狗衝了
攞房之前去問吓走嘅車飛，預計吓留幾耐好。職員同我地講去聖地亞哥嘅車飛嚟緊幾日都冇晒。其實之前喺巴拉德羅買飛都遇上佢成個賣飛系統故障，要第二日再去先賣到
如果再等成個星期先去聖地亞哥，去到又唔知幾時先走到，隨時趕唔切返夏灣拿坐飛機。古巴嘅交通似乎好唔可靠，為免夜長夢多，我地直接買飛四日後去夏灣拿，無奈斬咗古巴東部嘅行程，就當喺比自己玩得悠閒少少。如果想去多幾個古巴城市，記得預長啲時間（至少要兩星期，甚至一個月），或者等佢遲啲網絡更加先進預早Book好交通
一返到房，老闆即刻落足嘴頭Sell佢個海鮮餐，話要今晚煮比我地食。心諗你哋古巴啲嘢食咁濕鳩，再加上出咗嚟行走江湖幾個月，知道越係落後嘅地方就越係伏味濃，都諗住唔會上當。但佢又龍蝦又大大渣果汁咁介紹，仲要開價CUC12，一百蚊港紙有龍蝦食
即刻心軟覺得要比佢伏吓先心息。
啲龍蝦係直接喺海邊捉返嚟煮，終極新鮮，味道一流
嗰渣鮮榨芒果汁應該有成兩公升我地飲足兩日
我地一致評價自從離開咗烏克蘭都冇食過咁抵咁正嘅嘢。可惜好景不常，食完冇耐就發生咗一件事——大停電。仲要係我沖涼沖到一半發生。估計係因為當晚行雷劈到啲發電嘅設施。冇熱水事小，黑晒睇唔到嘢先麻煩。我都係想小心啲洗我膝頭個仆街傷口姐
拿拿林淋完凍水出返去，發覺隔離屋啲𡃁仔已經衝晒出嚟玩，好似好鐘意停電噉。
應該係佢地嘅日常嚟。
有車經過就會光少少。
女神呢晚有啲唔舒服，反而好早瞓咗，仲瞓得好好冇醒過。可能係之前M痛仲要照顧埋我，太過辛苦
今晚你就好好休息一吓啦
我一路聽住出面啲雷雨聲，閂密晒啲窗但又忍唔住間中開門望下出面啲人點，一路喺度等佢有返電我就去補返個熱水涼。
結果成晚都等唔到啲電
啲屎水冇入傷口？同埋你唔係都有個first aids kit架咩？
而呢兩個女仔已經自己喺外國讀書讀咗幾年，再用學期之間嘅假期去遠行，做一啲我廿七歲先夠膽做嘅事。
而且用自己返工儲返嚟嘅錢旅行，會更加珍惜出嚟嘅機會，感覺非常踏實。
同平時食開嗰啲有怪味嘅古巴麵包係兩個級數。
兩個女仔去旅行小心啲都係好事，但我哋覺得自己爛身爛世，應該冇人會謀到我財，我哋先至係要搶人錢嗰個
好彩冇開天殺價，都係收返成本價幾蚊雞。
唔知我哋會唔會比係第四批呢
