300日浪遊到南極，直到世界盡頭（III）

Sorly 2020-06-27 11:44:54

推推

絵梨奈 2020-06-27 21:32:30

又潛水

ジス 2020-07-10 09:20:00

老鼠記者 2020-07-13 07:51:35

推到出文

諗吓人生有咩意義 2020-07-13 23:48:23

推

澎湃的螺絲批 2020-07-16 22:06:37

千奴 2020-07-17 00:25:16

去墨西哥就係為咗睇金字塔，而Mérida就係最接近遺跡嘅大城市，自然會路過。拉丁美洲嘅城市充斥住呢啲大大隻彩虹色嘅大Logo畀人影相，幾乎每個城市都會有，好滿足旅客嘅集郵心態。即使旅行咗好幾個月，都忍唔住到此一遊。

自從Cancún女神生日奶咗嘢，我計劃行程嘅時候都無謂太進取，傾向悠閒一啲，最緊要玩得舒服

於是喺Mérida呢度，先輕輕鬆鬆留返兩三日，順便睇下呢個猶加敦半島上面嘅人嘅生活。

要了解一啲完全唔熟嘅歷史，除咗睇維基百科，最好就係去博物館。鐘意睇字就睇字，睇展品就睇展品。我地喺出發Chichén Itzá之前，都去咗一個專講瑪雅文明嘅博物館，睇睇呢段以前讀書從來冇讀過嘅歷史插曲。

瑪雅文明係一個沒落咗嘅文明，唔計啲刻意保存嘅旅遊景點，今時今日已經幾乎喺地球上消失。雖然聽個名好似講緊啲好遠古嘅嘢，但其實佢嘅消失只係發生喺四五百年前，即係東方嘅明朝期間。同古巴一樣，因為西班牙人當時先進嘅航海技術令到歐洲人同瑪雅人有機會接觸。相傳當時有西班牙嘅船去到瑪雅嗰邊遇難，好彩上咗岸之後就比瑪雅人捉咗去做活祭品

之後就發生一連串嘅衝突，最後滅咗族

當歐洲經歷文藝復興，無論科學同藝術上都有革命性嘅改變嘅時候，瑪雅人嘅生活仲依然停留喺石器時代咁上下，可以話係幾落後。但瑪雅文明發展得最厲害嘅，係佢地嘅曆法系統。好多建築，包括之後會睇嘅奇琴伊察在內，都有利用佢地嘅曆法做咗好多計算。

瑪雅文字亦係目前唯一被完整破解嘅中美洲文字，屬於象形文字，一粒粒好似一隻隻怪獸噉好得意。

雖然漢字都有好多係象形文字，但瑪雅文唔同嘅地方係佢地啲公仔好多都用嚟表音，即係話畫出嚟純粹係用嚟拼音，譬如老虎頭就係B音，蛇尾就係D音噉樣，然後佢地拼埋一粒字就係一個音，類似韓文嘅諺文。噉樣寫應該好唔方便，所以現代即使仲有人用瑪雅文，都會用返拉丁字母嚟寫

當時嘅瑪雅部落（墨西哥東部＋伯利茲＋危地馬拉）仲有好多未城市化嘅地方冇受到西班牙文化嘅清洗，而保留咗瑪雅嘅語言，所以幾百年嚟仍然有以瑪雅語為母語嘅人存在。而隨住殖民潮流嘅終結，呢度嘅墨西哥人都傾向保育呢種語言同相關嘅文化。就好似呢個博物館就係西英瑪三語翻譯﹐呢件事相信五百年前被屠殺嘅瑪雅人都冇諗過會發生。