對我黎講一定係古迦
首先單騎但有好多種形態,戰鬥畫面又夠真實,火燒教堂同電單車追逐戰都拍得好型兼用心(電單車戲全部都係由著名花式電單車選手成田亮出演,根本冇幾套拉打會拍)。仲有直升機上面拍,宜家真係好難見到。
https://www.youtube.com/watch?v=_ZLmOUpZVWU
呢段係車戰片段,雖然去到中間好似粵劇兩個人舞黎舞去。
古迦入面全部戰鬥方式都係五代自己一步一步搵出黎,有集係佢自己去公園練習跳起轉身飛踢棵樹,雖然幾好笑但好真實,因為唔係一戴左條腰帶就識打怪。 唯一缺點就係結尾唔知點解快到嘔,突然就完左。同埋五代性格太完美,變左勵志劇。
之後唔關拉打事,連反派都有自己語言同自己文化,分唔同堂口同埋仲有階級歧視,仲有每隻都有自己性格,有隻中意渣火車,有隻專係渣電單車。
btw,聽講古迦究極形態係全部拉打入面最勁,各位有冇聽過?
(雖然555都真係好型,我記得細個落公園玩有個細路帶住呢條腰帶,其他人當佢神咁拜