屋企人好似俾人洗左腦....

就係單純先易信人

有朋友都試過其他傳銷呀
俾$買貨
之後仲要上d洗腦堂
講到將來會賺好多$回報屋企人
如果現在屋企人阻止
只係佢地唔明白你

入面好似d教會咁
做到大家會「互相扶持」
好似一家人咁


最緊要真係唔好俾佢借到財仔
否則泥足深陷呀
要灌輸佢知財仔d息有幾高
正常投資冇人會借財仔嚟投

其實好簡單一個道理，如果正正常常賣生活用品點解唔開百貨公司賣要揾人散咁奇怪？再唔係你開網店都得架？

同埋話咩用佢地啲產品覺得唔好用，就算用咗差唔多一半，都可以全數退錢。

我去果度係家樂坊

有冇人講下捷斯？
佢哋d marketing做得好好 產品有咁大吹咁大
搵極都搵唔到負面新聞，除左幾個大陸網有屌下

我識人食緊佢哋嘅產品（reservatol）上網都話未有研究証明有效 但現實又話識人生瘤食左無事 又吹到食完連坐輪椅都唔洗坐 平時傷風感冒發燒都要食佢 食完就好返

又消炎又醫心臟病又治癌又抗衰老乜乜77

好撚煩 生粒暗瘡/喉嚨痛/淥到手就叫我買佢d精華搽
咁神奇咁洗乜有醫生？食完長生不老添啦

好想呢間公司快啲仆街 利用人嘅虛榮心賺錢 仲有呃好多有病嘅人

美樂家呀嘛？

有....細個個陣老豆老母就係比個親戚厄左入去尼啲公司，偷小便宜，以為冇做啲咩又賺到錢，然後又會氹你借錢買佢地嘅product，好彩最尾都識醒，但都借左幾十萬債，個陣我仲細咩都唔知，但知道生活差左好多，成日冇錢，還到我大個左先還得清，總之就好慘
樓豬唔好比屋企人去

啱啊 咁賺錢點解唔自己賺哂？要比人賺

開間野個名啦

係連登打‘傳銷’會搵到好多個po講緊

不費吹灰之力鞋

我比同學拉我做過 不過我係扮瓢蟲同小朋友玩
佢就做sale屎

黎緊應該越黎越多人瀨野

佢會話佢用緊MLM銷售形式
唔用廣告 靠口碑方式人傳人
會拎ice bucket challenge做例子

佢地會話你自己賺錢之餘 又幫到人
自己又賺更多
賣好多希望比你
話你係度會識到好多人 大家teamwork 賺揾賺
得閒會book下船P 開下party 周圍玩

會話你想孝順屋企人就比心機係度揾錢
可以比到好多家用

間野叫Francine 前身亮碧思
一google就大把野睇
連CCTVB十年前都有放蛇 條片係Youtube

*錢揾錢

識人做左捷斯幾年 搵唔搵到錢我就唔知啦
住緊公屋 唔似有穩定收入
成日有「公司旅行」，事實要自己出機票錢
唔知食宿有無包埋 但係比到假象人搵好多 同保險一撚樣 表面風光

天真
你估俾完佢唔出去借咩
佢到時明知呃人都會借 唔係點翻身

屌三十幾萬攞去投資好過啦 隨時借返嚟㗎啦？ 咁仲衰過借錢炒股

我老母係我小四個陣走左去做亮碧思
買到成屋濕鳩紅酒同香薰油
我都大學畢業幾年了
都仲未賣得出堆酒同油

老母個陣係搵到少少，
但同所有親戚反哂面

最近幾年又中左間金融傳銷伏
蝕左十幾萬

蠢人中得一次就有第二次
樓主睇路

傳銷都可以做得好成功架，係唔係洗腦睇自己啦！

我覺得係畀人呃咗去做傳銷

仲有冇聯絡?

屌 亮碧思
之前比個fd叫左去話想傾生意，
一入到去全部都係檯就知唔對路，
之後兩個fd夾我坐中間又介紹佢leader有幾勁。
個時諗既然黎左，就睇下佢地有幾戇鳩，
一坐企拎部ipad講講講，之後話入黎一齊做生意啦！
我不停問佢問題，佢又兜圈唔答我。
我一句：係咪即係搵下線，呃鳩人地入會買貨錢？
佢唔敢答，轉話題就拎張Form比我填叫我比$5000 。
我話再諗下，就逼我入去聽talk，聽啲人吹水自己搵幾多都算！
之後再逼我去聽成功人士分享！入邊啲人做足晒戲咁話你地就好啦！佢好勁架你地有福啦？
總之過程都係個啲啦～講之前點，依家搵好西多錢，快啲入黎！但又不停好隱晦唔敢講點搵錢。係咁叫人問問題，我見冇人敢問，我咪去問佢地：係咪即係搵人入會？
之後佢地班人黑晒面答我：我唔會點答你點搵錢，因為你冇付出過。言下之意就係叫你比$5000過程浪費左我6個鐘！

我好細心留意啲新人，有部分人真係覺得執到寶咁好想快啲比錢入會而且佢地有部分sales真係覺得真心幫到人真係好難救到佢地，只可以等佢地負債累累先會醒。

仲有一點，佢地好鐘意聽完每一個分享開小組會，講有咩得著，令你覺得佢地講咩都係岩，金石良言咁樣。

最後我兩個朋友好似都借左至少六、七皮野升上唔知乜野伯爵一身債搵唔到下線先脫離到。

佢輸個陣記得唔好心軟比錢佢
咁大個人要自己負責
就係要睇住佢死
佢輸到咁上下會自己醒