我認為傳銷係一種銷售手法，大家都係想賣件貨出去姐，但如果個主要收入來源唔係嚟自賣貨，而係去咗拉人頭度就唔同講法，嗰啲叫層壓式推銷。因為成件事，貨品只係一個煙幕等比人judge嘅時候可話自己有實際交易。
唔係話傳銷唔可以賣高質嘢，如果賣垃圾又吹到天花龍鳳扮有認證有檢測呃呃氹氹，其實分分鐘可以去報海關話你違返商品說明條例。而事實上過往案例都有好多係傳銷賣保健品但實際效果成疑嘅。
傳銷個概念其實本質係好嘅，口耳相傳嘅宣傳說服力大而且符合分工嘅經濟原則。但講緊係你真係了解件產品，真係覺得好用，用完介紹比朋友。一切都好烏托邦好理想主義，因為傳銷個模式令到參與者對件商品嘅comment變得唔中肯，無人可以百分百肯定條友係因為想賺錢先話件貨好用定真係好用，因為條友宣傳之後自己會有得益。同業配文嘅概念相似，只係收咗錢先做嘢定做完嘢先有錢收
咁當然後者動力大啲啦，因為已經掉咗金錢成本同時間成本落去啦嗎
。另外再講到傳銷參與者，所謂中間嘅代理定唔知叫經銷商啦下，購買貨品嘅時候都唔一定係因為比件貨吸引先買，而係比後面嘅行銷架構吸引先買，咁呢種參與者嘅比例多定少我諗當局者都好清楚啦。
btw 問一句，見大家咁激烈討論，請教下，1. 假設我係一個傳銷嘅代理商，係我宣傳件產品嘅時候作出咗不實陳述，或者係個消費者用完我件貨之後有咩敏感作出追討索償，負法律責任嘅會係我定係公司？
2. 傳銷個架構係，我做上線搵幾個下線幫我手sell貨，但其實我個下線都係搵一堆下下線嚟幫我sell貨，下下線嘅收入就係下線嘅收入，下線嘅收入就係我嘅收入，咁即係其實係塔低嘅人養緊塔頂嘅人。下線們賣嘅貨係用嚟賣比下下線。咁，最終嘅消費者係邊度？ 我去七仔買嘢，我買咗杯雪糕，我就會係消費者，七仔只係經銷商。咁究竟傳銷嘅消費者係邊個？
diu
