其實美國如果你作為一個本地學生+讀本州公立大學 個學費都只係貴過香港少少. 而且以你講到要有生活質素, 香港小朋友大學之前要讀好嘅學校, 不論學費定之前要準備嘅課外活動費用 "供書教學" 都已經一筆. 你直接跳去大學嚟講都真係偏頗咗.
相反如果你都講到個巴打咁有能力, 喺美國選擇好嘅校區讀公立學校 ( 都唔講要去抽 charter school 或者讀私校呢D等同香港去考去抽名校嘅選擇) , 供書教學嘅開支係減低左. 如果你話校區貴供樓都係"供書教學"一部分, 難道香港又唔係?
正如我自己上面留言講, 一切好視乎你移居去美國嘅邊度做邊行. 而正好你所suggest 嗰位係做IT, 喺tech hub city 搵番同樣甚至以上嘅收入(稅後)其實都唔難. 我都幾有信心佢喺美國除左無廉價女傭. 會有同樣嘅生活質素. 有咁嘅收入, 生活質素,
我認同追求D乜, 文化差異都係一個要諗嘅問題. 但如果係咁你上面建議嘅瑞士北歐都一樣有文化差異. 所以我只係執住你三個字詞. 其他例如 四通八達, 香港嘅文化或者巴打本身已經有嘅優越條件 呢D我都無異議.