睇完<<建豐二年>>後諗,究竟近代中國歷史上有幾多個命運轉折既可能?

分封制只係令一個文明容易啲「擺脫專制」

袁世凱根本唔夠威望，人地拿破崙都講緊幾乎打贏哂成個歐洲先稱帝，袁只係一個軍閥之間既共主

當年北洋軍隊實力係堅揪，打到孫文一仆一碌，但係佢又冇完全控制全國

北洋軍同全野其他部隊比高一班一件事
袁只係北洋既頭，但佢本人係靠政治投機同練兵上位，講戰績其實冇乜，所以先話佢威望唔夠

同埋依家立法院議員人數
唔計不分區立委同埋金馬果邊既區立委
人數出奇咁同已凍結既台灣省議會既人數一樣
點解

有冇手足熟孫文的史料？我之前覺得佢搞的革命冇成功過，武昌起義佢完全冇主導過。

我仲打算寫一篇講孫文點樣由和理非轉型為勇武抗爭來投稿

其實根本自崖山之後中華民族已經冇得救，宋之後既所有所謂『命運轉折』全部都係偽命題，崖山一役民族精英消耗殆盡，有良知學識嘅跳海殉國形成斷層(類似文化大革命) ，剩低嘅一係奴化一係變得消極，係中華民族奮鬥精神殞落嘅開端，自此中國人再冇捨生取義嘅精神，再冇『骨氣』可言，有奶便是娘，邊個做皇帝都冇所謂只要佢做得好就得

所以其實命運轉捩點只得一個，就係南宋滅亡，冇亡國嘅話今日中國就唔會咁垃圾

我睇返當時各國環境
可能共和制屬於少數（美國同法國第三共和）
大部分列強國家都係君主制度（英日德俄奧）
以由清廷保守作風遺留到民國官場既風氣
宮保咁做可能想打安全牌

用現代做比喻

蒙古 = 美國
金國 = 中共
南宋 = 香港

據我理解民初歷史應為1912-1927，因為黨軍北伐成功後五色旗退場換為青天白日紅，標誌中國正式進入國民政府時代。
1924年廣州商團事變
如果商團打得贏孫中山政府就可以令陳炯明重新回歸政治舞台，繼續推動中國行美式共和制、聯省自治、粵人治粵
1927年馬日事變
如果許克祥冇係長沙秘密清共，湖南就會赤化，唐生智都唔會背叛武漢政府，更唔會有寧漢清共，陳獨秀下台導致之後毛澤東上位
1927年龍潭戰役
孫傳芳打得贏小諸葛，國民政府就會全線收皮，北方馮玉祥閻錫山唔會支持國民政府，新歸附既浙、閩、贑、皖、江會重回孫傳芳之手，唐生智繼續搞局燒國民政府後欄
1913年宋教仁之死
如果宋教仁冇死孫中山就冇可能將國民黨改組成蘇式政黨，更無聯俄容共，亦無民初一聯串政治事件，民初歷史將會完全改寫
1925年北京政變
冇馮玉祥係第二次直奉戰爭倒戈推翻直系曹琨政府同驅逐清室，日本係滿州事變後唔會成立到滿洲國，迫住要好似管理台灣咁直接殖民，一定會引起更大國際壓力，可能甚至要被迫將滿洲還畀國府。
1927年皇姑屯事變
眾說紛紜既歷史事件，究竟係日本定蘇聯殺左張作霖呢？張作霖唔死東北唔會易幟，918一定唔會發生，黨軍必定需以武力征服東北，到時東北就會再掀起一場代理戰爭，日本既擴張亦會拖慢，二戰亞洲戰場歷史會改寫。
其實仲有好多決定民初歷史走向既事件例如洪憲帝制、徐樹錚率軍入侵蒙古、412清共、李大釗之死等等，但寫住先，見到有民初歷史討論好開心

嗰個年代根本啲人就唔想再要皇帝，好似話袁世凱有做過民調，但係佢大仔成日拎fake news呃佢，搞到佢以為真係有好多人想要皇帝

有同好

嘩巴打對民初歷史好熟
以前讀書民初真係好少講 好多史實都要鑽研入去先發現真相

民初歷史亂得黎但好引人入勝，個人認為係中國歷史長河入面最精彩既一段歷史，所以讀書個時花好多時間自己研究

六國破滅，非兵不利 ，戰不善，弊在賂秦。賂秦而力虧，破滅之道也。或曰：六國互喪，率賂秦耶？曰：不賂者以賂者喪，蓋失強援，不能獨完。故曰：弊在賂秦也。
秦以攻取之外，小則獲邑，大則得城。較秦之所得，與戰勝而得者，其實百倍；諸侯之所亡，與戰敗而亡者，其實亦百倍。則秦之所大欲，諸侯之所大患，固不在戰矣。思厥先祖父，暴霜露，斬荊棘，以有尺寸之地。子孫視之不甚惜，舉以予人，如棄草芥。今日割五城，明日割十城，然後得一夕安寢。起視四境，而秦兵又至矣。然則諸侯之地有限，暴秦之慾無厭，奉之彌繁，侵之愈急。故不戰而強弱勝負已判矣。至於顛覆，理固宜然。

成日覺得六國論嘅秦就係中共，六國就係投共富商，個個對秦退讓就令中共更強，所以見到你地講如果南宋不滅中國可能會更好，我就覺得中國人由春秋以嚟都係咁濕鳩

建議你睇睇《1927:民國之死》，作者以不同人物傳記來剖析當年民初唔同層面。
CCTVB播親影視劇係醜化北洋政府，令個個人對呢個時期觀感差，所以讀歷史愈多，愈憎中共

北京政變個point唔係好明

民國之死同共和崩潰都有睇，非國共兩黨史觀對民初歷史有一段全新演繹

第二次直奉戰爭張作霖為左打敗直系於是策略誘反當時仲係直系既馮玉祥，馮玉祥係古北口突然返軍進攻北京，軟監當時大總統兼直系首領曹琨，導致直系大軍全線敗北。北京事變大概一個月後馮玉祥突然派供佔領紫禁城並將溥儀趕出北京，溥儀因此逃到天津日租界，開始左佢同日本人之間剪不清理不亂既十八年關係。如果馮玉祥無趕走溥儀，溥儀就唔會畀日本人呃左去做滿洲國皇帝，甚至係滿洲唔會出現一個日本既代理政權，反而好似台灣模式咁用直接殖民管治。

第二次直奉戰爭張作霖為左打敗直系於是策略誘反當時仲係直系既馮玉祥，馮玉祥係古北口突然返軍進攻北京，軟監當時大總統兼直系首領曹琨，導致直系大軍全線敗北。北京事變大概一個月後馮玉祥突然派兵佔領紫禁城並將溥儀趕出北京，溥儀因此逃到天津日租界，開始左佢同日本人之間剪不清理不亂既十八年關係。如果馮玉祥無趕走溥儀，溥儀就唔會畀日本人呃左去做滿洲國皇帝，甚至係滿洲唔會出現一個日本既代理政權，反而好似台灣模式咁用直接殖民管治。

無關係。
Search keyword: 立委席次減半
精省 同 廢除國大 係兩件事嚟
雖然背景都係台灣民主化，本土進程，簡化政制
但一個針對中華民國在台灣主要得番一個省，行政效率為主（hidden agenda 李登輝唔 like 宋省長）
另一個係用公投取代國大嘅創制複決功能，政治效率為主（hidden agenda 陳水扁想用公投確立台灣主權）

其實日本會唔會一早plan好咗想佔領滿州，費事有國際反感先用扶植溥儀？ 我鳩估

你講緊咩數字點計法？

台灣省議會
縣市 79
原住民 4

立法院
區域立委 73 （包括金馬喎）
原住民 6
政黨票 34

日本大陸政策將日本戰略藍圖定為朝鮮->滿洲->支那，無論有冇溥儀都一定會出兵佔領滿洲，但溥儀既出現改變左日本對於東北既管治手段，成立滿洲國呢個代理政權減輕左日本既管治成本，滿人治滿既政治號召影響力比起淨係任命殖民官要大。而滿洲國呢個政權二十世紀三十四十年代引起既政治風波亦唔可以忽視。現代對滿洲國既研究主要係西方同日本，中國對滿洲國充滿偏見同蔑視，所以唔能夠好好研究呢段歷史。