睇完<<建豐二年>>後諗,究竟近代中國歷史上有幾多個命運轉折既可能?

晚明君權係制度上同清朝相差無幾
個皇上用唔用 大臣理唔理就係另一回事
晚清咪一9樣 國弱 做臣嘅做地方嘅就有bargain power去反抗皇上

周禮係自願歸順 少數民族根本自治 包括楚越 其實開頭都冇爵位 即係唔屬於周 當時百越百濮亦都未係周天子範圍 秦先打到黎 當時周天下其實類似英聯邦

周禮自動歸順係打飛機
班生番要殺你 要誅你九族 嗱起鋤頭嚟aaaaahhhh 你唔通由得佢自動歸順
英聯邦自治係冷氣房揸住筆度橋
古典戰爭結果一般都係好普遍 來來去去得嗰幾味
成班戰敗者公民送去做奴隸係by default
低等文化呢啲嘢慢慢咪減絕lo

無論商禮定周禮都係打匀天下無敵手 大家認爲文明先進 先有所謂周禮 而商周分封出去嘅大臣子侄都係殖民者 帶一班人去一個山頭築城堡定居 耐咗走去部落捉奴隸(或者叫做狩獵) 同希臘殖民者喺地中海做法無分別

之所以春秋仲尊周王唔係因為大家今日加拿大澳洲咁自願服事事頭婆 而係有三軍嘅晉國實力未夠班 不斷有小國踩台同楚國由漢水流域入嚟中原挑機
事實上當晉景公有六軍嘅時候齊國已經尊過佢為王

我意思係 講君權 明朝清朝係制度上俾君主嘅權力無大分別 清代可能稍強 但基本上都係咁多朝代黎講最高 慈禧可以把持朝政前期都可以理解為依附君權黎行使權力嘅表現 表現方式係太后聽政 同武則天可以直頭自己稱帝唔同 佢搞皇上全世界都會反佢 佢後期軟禁光褚已經搞到滿城風雨 到死先敢整死佢
國弱果句意思係 當國力減弱 君權嘅認受性就會同時減弱
至於明朝國力弱唔弱就好難講嘅 我就覺得係宋以來最弱囉 經濟發展係宋元明清4代最差 對邊境外族控制宋代以來最弱 邊患只係一個已經無力嘅蒙古同小小滿清 海防之弱連海商倭寇都控制唔到 到明晚甚至係要依靠佢地做海防 同時係歷史上第一個被農民起義推翻嘅朝代
如果你覺得君權嘅體現係地方官員國難當前依然事事請示中央 咁你都有你嘅道理嘅 但我就覺得國難當前朝廷上無一個人有打算拯救君主 幫佢計劃逃亡 甚至連太子都完全無計劃帶番南京為南明執政 咁你嘅君權認受性高極有限囉

君權認受性同崇禎有冇人救係兩回事
後者好明顯係政治操作(時局)問題 唔係憲法(constitution)問題

君權從兩個方向去睇
一個內朝對外廷
一個內朝皇帝、宗室、外戚、東宮、宦官幾大party組成
事實上明朝好成功evade晒所有問題 權力歸於一尊
無漢朝嘅外戚專權
無唐、清朝嘅女主宗室 (唐朝仲有個永恒不變嘅太子黨問題)
無唐朝影響君權運行嘅宦官
甚至連後宮干涉 都無好似宋朝咁嘅程度 (南宋仲有個太上皇問題)

前者嘅中央集權嚟講 清朝的確比明朝深入到每一個毛孔
後者嚟講 明朝叫歷代之最確係當之無愧

至於中間關於國力問題
我唔知你邊度得出咁嘅結論
你再覆我再講
因為完全係另一個topic

如果大陸好似美國咁就正 一定仲強大

其實我都多次好明確咁講左 明清兩代嘅君權制度上係咁多朝代中最強嘅 同你第一段無任何衝突 但依個咁強嘅君權都要有認受性先可以run到 好似崇禎咁作死玩到最後無人認 先有所謂用政治操作搞死佢啫 而我另一個point就係講緊君權嘅認受性同當時國力強弱有好大關係
至於明代本身國力係強係弱 就到而家都有好大爭議 我個人看法就係全個明代整體上國力並唔強囉 而且我另一個回覆上 我甚至認為明代係中國由領先世界變為全面落後嘅turning point添

話說我第一個回覆原來覆錯位 唔怪得知好似雞同鴨講咁

原來你捧宋
我一陣再覆你

其實只係明黑 宋元清都太常被人輕視 個個都捧明 但認真讀明史真係要幾黑暗有幾黑暗要幾on9有幾on9

各位請支持小弟新post

認受性我唔明你係咩意思
如果話係合法性 明朝的確好注重合法性 福藩爭位由萬曆到潞王都未爭完 但崇禎好明顯係合法嘅
認受性如果你指charisma 我諗萬曆十五年你當小說睇都知道明朝皇帝係憲法同程序上關鍵不可缺少嘅一環 係一切立法權力嘅來源 (內閣定司禮監 或見萬曆怠政) 但至於邊個駕馭叫咩名反而唔太重要 反而清朝會更加重要 因為皇帝有自己八旗系統 仲兼且係滿蒙藏回漢各族嘅共主 乜嘢熟悉八國語言騎射武藝儒家經史就尤關重要

至於宋明之別
宋朝政府自晚唐梁唐晉漢周一脈相承 本身就係一個大型藩鎮 皇帝相當於節度使 禁軍就係牙兵 唐五代牙兵嘅優點佢無晒 缺點佢通通有齊
貴宋班驕兵悍將 皇帝唔大幅賞賜就叫唔郁 一接陣就一哄而散 皇帝(宋太宗)都唔要(驢車飄移) 派親去嘅帥臣都唔聽 我從未聽過有人會將宋朝同明朝兵制嚟比 前者簡直垃撚圾

明朝特色係一慳皮 二九邊常設 齋兩樣嘢已經完勝貴宋朝 戰績計同蒙古滿洲亦係有來有往 甚至官軍上中下層有大量蒙古人 萬曆咁後期仲少有咁打咗三大征(一般朝代已經好頹) 軍隊更特別同歷朝歷代比係好聽話 至於講流民反賊 貴宋朝居然百幾年就重稅到搞出方臘宋江差啲亡國都係幾好嘢

國際環境宋朝亦係最差 北面唔再講 西面有夏國同西番 西南有大理、安南擠壓 而同邊個亦打親都輸 無人不恥笑

明朝北面相安無事到臨死 喺南洋影響力亦係歷朝最大 更係朝鮮嘅宗主 印度支那各國畏懼嘅霸主 如果宋室有咁嘅國際環境發夢都笑醒 甚至某程度可以話係得天獨厚 你竟然話明朝國力差 都幾欣賞你講得出口

至於太子係崇禎自己唔畀 怕肅宗故事重演 自己做唐明皇 四九城破咗一樣有大批大臣殉節 好明顯只係崇禎自己做得陰騭嘢多問題 同明朝值唔值得效忠根本唔關事

明史真係好啱你讀
唐宋元清史建議你真係唔好掂累人累物
連一國未摸熟點摸得清咁複雜嘅國際形勢

以前主要係讀宋元 元真係難 本身史料就唔清唔楚 各汗國關係好亂 仲要係漢人寫 好多唔合理位

根據劉仲敬既講法，玩滿洲國一國兩制對蘇聯利益先最大，係蔣光頭炒禍咗史太林既計劃
https://www.youtube.com/watch?v=bjXrqOPmXag