[遊記][慢速更新] 東京廣域3日死亡行軍遊

唔駛行上
只係行落咋嘛

12月中去越後湯澤竟然無雪，又無行到車站d 鋪，錯過曬

快點起身趕車

聽日準時返工呀diu

走左車即係唔駛去

Day 1 - 16:15 上毛高原駅

從越後湯沢搭E4 Max只花了12分鐘就到了下一站


拍拍地烏蠅既上毛高原
呢個站未必人人都識，因為連新幹線都飛站，通常就一個鐘一班啦
而且無在來線，但據我觀察此車站既乘客都唔係無
感覺是business trip人士去浸溫泉為主
呢到周圍都係溫泉鄉，有遠有近
而呢度都有巴士去鳩待峠，為尾瀬国立公園(群馬．栃木．福島．新潟)既其中一個入口

個站就好普通無咩好影
留得最耐係待合室︿有部電祝係咁播水上既觀光片後

此外呢度也有路線去水上以及土合駅
我就搭呢條後備路線去上水....水上

不過等左差唔多成個鐘先有車...悶死我......
同今朝係咁趕車好大對比......
結果等車仲耐過搭車...只係搭左廿分鐘就落車...
但係佢收我630YEN.....

落車摸黑行左幾分鐘就到是日最終目的地
check in 完都夠鐘開飯了 (餐飯就唔算好特別敬請不要過份期待)

擔擔麵食過鳴龍嗰碗，
真係做得幾好

Day 1 - 18:00 みなかみの自然を楽しむお宿 MICASA

晚餐，出房食啦，一名毒L係房食好尷尬架
就唔係好大，據觀察當晚有4枱食室，一名本地老女人、一對本地夫婦、一對遲到既外國情侶，同埋一名毒L香港人


料理就以群馬縣當地產物為主，個人好喜歡呢種鄉土味道
地雞都唔錯


主菜係呢個上州和牛壽喜燒
好少食和牛，所以點都覺得好正


水果就比較普通，不過因為我最鍾意食蘋果
係開心既

食完之後浸一浸就訓覺lu
咁溫泉唔係源泉掛け流し我基本唔考慮既
當然，係都唔代表一定好好
咁環境都一般般，得男女各一(朝早會掉轉)
同一個平日無料既貸切風呂
浸完就無咩特別大感想，都好眼訓架啦，所以訓覺啦
聽朝準時起身趕車

Day 1 - 終

原來睇左咁耐先完左day 1
真係死亡行軍 仲要係冬天

原來已經寫左兩個禮拜
Day 2真係朝早就仆去土合駅，果到好多相
不過又光復上水喇，應該又要遲小小先寫

不過認真唔算好凍，都有正數又無撞正寒流
天氣又正正子
同埋係著多左衫 (因為上年年末年始有陰影)

Day 2 - 7:30
尋晚浸左一浸無耐就訓左
當然啦，red eye機直落頂得住都算係咁

話說有個小插曲，半夜我醒左去貸切風呂
但係對門鎖左，今朝再去多次都係鎖左
後果發現佢個「平日無料」真係去到星期六半夜就鎖鬼左
如果假日要浸要擺低2000YEN，都係算

所以朝早要浸下另一個湯就食早餐
風景就無咩架啦所以無野好影
不過人少少，事實上就同貸切無分別


我揀左7:30就食早餐
原因我諗大家都估到，趕車囉，返工都無咁準時

Day 2 - 8:00


拿拿臨KO左個早餐就執包袱走人喇
間房，就如圖咁樣啦，細細間和室8疊
呢個位就無咩風景可言

不過check out個staff行開左要等幾分鐘
搞到我又好撚心急，事關我要8:28上到車
但旅館行去車站都要兩三個字
咁佢係有送迎既，然而最早係八半


結果8:13先走到，真係得返三個字仆去水上駅
仲要都幾大風


但係google map說要16分鐘

講下旅館評價先
晚餐係幾正，尤其上州和牛，其他都正常
早餐就比較簡單，都正正常常
溫泉就無咩特別感覺，無得同草津相提並論
房間景致就是旦啦
咁呢到地理算方便既，群馬縣之中算係「比較出」既溫泉鄉
草津就去過今次唔去咁入喇 (btw草津真係正架)
適合貪近或者趕頭趕命既人去

我響八王子食過
果陣間野仲未好出名，後來變左八王子最高分

係咪應該開個拉麵交流區

樓主本身識日文？
同埋近郊旅程應該要點plan
去左三次東京
最近郊外果次得江之島
下次去想去近郊小小
但無頭緒點Plan好

日語程度就得N700左右
不過旅遊資料都睇得明既，來來去去都係果D

如果去大路地方如輕井澤、河口湖、日光之類
都唔點需要識日文，中文英文resources都夠用
睇你有幾多日囉，如果用東京廣域周遊券3日
就最好兩日一夜+一日日歸咁樣，唔好太貪心

最好唔好學我趕頭趕命，唔適合各位模仿，好易瀨野

你日文自學？
如果係上網定睇書好
有無推介

N700左右即係同唔識無咩分別
施主你問錯人

我連慨念都無
次次去都用英文
好想學

背下五十音起碼睇住都識讀下同埋識search

N700有冇分埋n700a/n700s

真

Day 2 - 8:13 Check Out

離開旅館又夠鐘趕路
目標係8:28上越線，前往兩個站之後既土合駅
得返3個字做衝衝子，好彩得條直路可以跑


沿途都好多小店可以行，最有興趣係有間賣手工啤
但當然都未開門啦，尋日又遲來，結果有D嘥左


沿住上越線條軌就無伏啦應該
diu你又掛住影相，小心又miss車呀

8:26 水上駅

達陣！仲有兩分鐘
職員問埋我去邊，然後叫我去對面線月台
咁應該會等埋我先開車既
不過頂你咩，點解要行樓梯架
隻腳開始痛