[遊記][慢速更新] 東京廣域3日死亡行軍遊

我記得呢間東橫inn開果時google map比人屌到9彩

WHY

好似係無水同埋check in等得耐
而家應該無野啦

lm

倒是覺得check in果陣班staff塊面幾西下...
可能因為夜喇

Day 3 - 6:30 東横イン 富士河口湖大橋
終於到Day 3，最後一日即係完結篇

起身，大大的富士山就在眼簾。

房間睇唔睇到富士山就完全講運氣了，因為房間係無得揀的


跟住落去食早餐，好似大學canteen咁


早餐就預左hea，不過都叫做有ほうとう食

我上次等唔切，自費去東京站先換

想問下北陸係咪即係去到新函館柒斗？我好想搭雙層新幹線但一直實行唔到

唔係柒斗啦
係新函館北斗
我講緊嘅北陸新幹線係去金澤
去函館嘅係北海道新幹線
同埋北陸新幹線冇雙層e4
要搭雙層要搭上越新幹線嘅max班次

係喎自膠連北陸同北海道都搞錯

唔會 上年五月試過用呢張券即日來回輕井澤

而且最重要嘅係
一程來回已經回咗本

個零鐘真係好近

Day 3 - 6:50 東横INN 富士河口湖大橋

各位真係好對唔住，呢排明明home office太忙太無心情
仲好糾結下個月應唔應該決行
唯有依家打返遊記散下心


要再講多次，呢間東橫服務認真誇張


天光，當然是check out啦
仲要繼續趕車架嘛，你話係咪喇哈姆太郎

總結返，如果想去河口湖但又住唔起湖山亭之類既地方
呢度絕對係一個唔需要用腦既選擇
單人一晚都係5千幾有交易

Day 3 - 7:00 河口湖大橋

十分鐘路程就見到大大個🗻了
前日去完富士山下，今天終於到了真正的富士山

呢堆機正 ，東京市區得番新版機玩

樓主神隱大半個月打出得咁短既文

富士山，數數下都見過幾次，冬季比較容易欣賞不帶雲采的富士山
第一次就登了頂，但接近頂上頭不斷在痛，所以沒有留下甚麼照片

平均而言要看到富士山，清晨是最理想的時間
此外黃昏的也很美，如果天色姿好

富士五湖地區的巴士路線，令無數人摸不著頭腦
以主要觀光路線體系分類
紅線 (河口湖周遊線)，最受歡迎路線，終點為大石公園。原則為15分鐘一班，然而明顯無法應付近年澎脹的需求。另也可以乘甲府線前往湖西以及湖北地方，還會停一些觀光線不會停靠的巴士站。
綠線 (西湖、精進湖線)，比起紅線已經少很多人，循環線形成運行，路線較迂迴。絕大部分乘客都是去西湖。西湖里根場有富士白川鄉之稱(笑)。
藍線 (本栖湖線)，為前往冰穴風穴的快速線，但當中只有一班能真正進入本栖湖(千円富士觀景點，屬身延町部分)，而且不在任何周遊券範圍內，否則從「本栖湖」巴士站行路去要40分鐘。另有四班車前往富士宮及新富士。如遇上連休，這線會成為塞車黑點。
富士湖號 (山中湖線)，班次較稀疏，順逆時計各隔兩小時一班。另有部分路線如御殿場線能到山中湖旭日丘，反而湖北能看到富士山的部分，班次就令人棘手，故大部分人去山中湖會選擇自駕。
世界遺產LOOP線，我未搭過。不過從今年3月中開始，富士急行線所有特急都會停下吉田駅，方便遊客前往新倉山淺間神社，也就是日本旅遊廣告常常出現的畫面.jpg。


觀光巴士9時才會有車，然而未到8點，我就上了巴士，還包了車。
下個站已經是一堆湖邊旅館的地方，有乘客上車了

Day 3 - 8:00 河口湖駅

數數下都好似係第四次來到呢到
早上的河口湖人不算很多，雖然今天是星期日

想在這裡劃大月-新宿的指定席
但counter姐姐說8點半才可以做到
夠鐘去到撞正另一位哥哥說不可以，睇來佢係唔識野
結果唔夠時間劃位，因為我要搭8:37班車


無了假日快速實在太可惜
依家要硬食特急，不過實在很多外國人補錢都要搭
賺到fat fat啦

東京廣域本身都包富士回遊，無問題啦，不過好易爆

好似假日加開個班特急唔係富士回遊隻車型

上星期又係買咗JR Tokyo Wide Pass行下 (本身住日本)
富士回遊幾乎無人搭, 包車咁制

長住有得買PASS?

只限Tokyo Wide Pass 一張，其他都唔得