whey乳清蛋白交流區(4)

見得閒打埋飲過既ON既包膠，比咁多位師兄參考下
次序係跟飲過既時序排，主要係飲奶系既口味
下文如果講溝奶飲既話係指溝脫脂奶，溝水飲就係室溫水
如果無特別提的話，on咁多隻入面基本上溶水溶奶都係理想的
我覺得多數on無論溶既程度同味道既混合方面都係理想以上既狀況

雙倍朱古力：
爬哂文見呢隻係最多師兄推薦，一開波就試佢
不負眾望，味道唔差，飲起來幾乎算唔上甜，但朱古力味上有交到功課
缺點就係在於無平時飲朱古力奶果種濃厚既感覺，整體來講係輕口味來
溝水飲來計既話無稠密既口感，溝奶算係補足左個問題
不過對於自己來講，致命點係幾乎無甜味可言
整體on既奶系來講，比上不足比下有餘

牛奶朱古力：
比起雙倍朱古力來講，稍微多左少少奶既稠密口感
朱古力味方面算係弱左
你當係雙料朱古力將某部份朱古力既技能點改點去奶既稠密口感就可以
一樣係輕口味行列
同雙倍朱古力一樣，溝水飲口感太薄，溝奶飲又唔夠雙倍朱古力正
如果溝奶飲多既話我會揀雙倍朱古力，溝水飲多既話呢隻都唔差
一樣比上不足比下有餘

泡沫咖啡/莫卡：
戴返頭盔，我自己唔算係好識欣賞高level咖啡，主要都係飲茶記咖啡
呢隻飲起上來有輕微既咖啡味，但係無乜咖啡香
(唔好屌我whey講咩咖啡香先，睇哂下面有比較有傷害)
隻野味道大概係由少量朱古力+少量咖啡+少量奶組成
但係個三隻既感覺都係唔夠濃厚，溝奶飲可以補足呢個問題
不過溝水飲都絕對算唔上差，但係如果鍾意咖啡，唔建議揀呢隻味

士多啤梨：
事前申報返先
我自己都幾鍾意士多啤梨系既食物，不論係水果定係加工品的
不過呢隻士多啤梨味係我既角度來講，就真係未如理想
味道上士多啤梨味既野一般都會有果甜，不過whey講果甜over左
佢呢隻算係有奇怪士多啤梨香既砂糖味，唔可以話好人工
但食落絕對同想像中既味道相去甚遠，亦係唯一一隻溝水飲好過溝奶飲既
溝奶飲既話，個粉同d奶個味道係幾乎唔算mix埋左一齊
似係兩者既味道分開出現係你個口咁，非常離奇
其次就係不論溝奶溝水溶起上來幾乎都有結塊既情形出現
但係總括來講算唔上難飲，勉強算係普普通通咁解

石板街：
先講結論，呢隻係on奶系味道之神，沒有之一
首先呢隻有哂上面講朱古力系味道既優點
溝奶飲係神級，幾乎去到飲一杯普通朱古力既level，溝水飲都完全唔曳
有雙料朱古力既朱古力味，而且因為其他材料加持令佢更加濃厚
我諗應該係佢想模仿綿花糖既質感既關係
佢加左d元素令到杯野沖出來係帶有稠密感，加埋本身朱古力既濃厚
加上佢同其他奶系既味道差距在佢有多少少既甜味
而其他奶系既味道一般都係比較淡
所以濃厚稠密既口感，加上適當既甜度
簡直係無敵既味道，on既話我完全覺得呢隻味無得輸

白朱古力：
呢隻味我諗我可以精確咁形容到佢既味道
佢既味覺上提供既係m記雪糕果種味，但係香味就有白朱古力香味
當然係無果份濃厚既感覺的，似係cream味多d
同士多啤梨味一樣，感覺溝水飲好過溝奶
原因一樣係佢同奶個味好似係分開咁，所以寧願溝水無咁怪
同樣溶起上來情況有d唔理想，係有結塊既情況
我無試過牛奶味，但係感覺牛奶味會係呢隻既上位版

咖啡：
呢隻就係上面果隻泡沫咖啡/莫卡味既進化版
飲落係真係有咖啡既感覺，沖完出來之後都有香味可言
當然唔係話好強，但絕對係令人開心既事
而且溶得特別好，應該係飲過咁多隻入面溶得最好果隻
所以令到佢溝奶果陣既混合上會做得更為理想
以whey既標準來睇既話，咖啡應該要有既味道、順滑度同香味都交足貨
當然用咖啡/精品咖啡既角度來講就完全無得講啦
但係以whey來講絕對收貨有突
我呢d對咖啡低要求既飲完之後甚至覺得醒神左，有d飲到咖啡既幻覺
(當然佢係無咖啡因的，泡沫咖啡/莫卡味果隻都係)
飲完呢隻真心唔明泡沫咖啡/莫卡果隻既意義係咩

on既包膠係咁多，希望對各位師兄買果陣會有d幫助啦

double rich chocolate用水開有D難頂
我用無糖豆漿開一流, 如果用埋攪拌器就會變左奶昔,超正
不過7磅得呢隻味同雲尼拿,下次轉味

如果飲on，真心建議試下石板街

下次試下,不過希望有7磅裝就唔洗成日走去買

有冇師兄用Mars
有冇包膠？

終於到左

巴打等咗幾耐先收到？我13/4 order仲未到，tracking 又話到咗香港

同你差一兩日order

長假期，咁我可能要下星期先到...

買左Mars，60包裝，送智能櫃免運費，上星期落單今日到左

其實你係咪打手？個個post 都講一次做乜鳩？

。

hktv有隻RSP - TrueGain 頂級增肌粉 - 朱古力味, 6 磅 (2.6 公斤)

$264 好似幾抵

有無人試過

新手丁丁一問，上網睇左資料，性價比最好係咪myprotein

我自己唔鐘意myprotein陣味同口感
純粹平
我會揀on

以前飲朱古力味成日爆暗瘡 唔知係咪因為飲gainer
而家打算試吓買whey既cookie and cream味再學啲人自製gainer睇吓會唔會好啲

買左 true mass 1200
點解shake完仲有好多一粒粒既野 係咪正常
之前飲 bsn true mass 普通嗰隻gainer冇呢個情況發生

今日訂myprotein多數要等幾耐先到？

bsn 蛋白質含量少咪無咁易起粒粒囉

Gym撚新手追po 想知石板街係咩名同邊度有得買
依家飲緊果隻就飲完想換下口味

rocky road

有無人飲過Totalsoy 見iherb 幾抵買

myprotein 有冇人試過cookie and cream/ apple crumble and mustard ?

myprotein又平又唔爆瘡 我以前飲On好熱氣
中醫角度來講 陰陽平衡增機會快D