想問下天秤算唔算痴身其實?
我同佢因為時差其實唔係好多時間傾到計
有時佢去左食飯就會唔理佢
但起身放工一定搵左我先
食完又會搵返我
我唔敢太chur佢問佢點解食飯個陣就唔可以覆下我
佢地好似係唔多鍾意覆人 我果個係咁佢鍾意先會搵我同我傾計
不過食飯同同事同朋友一齊食傾下計冇覆到好平常姐
佢訓醒收工都搵你都算係咁啦
佢起身收工係一定會搵我既 無漏過
返工個段時間就咁岩係我訓覺所以唔會阻到佢
但有時佢係自己買外賣食個啲
咁我就會諗點解佢一個食飯都唔會搵我
我又唔會日日問你今日自己食定同人食
佢都唔會主動講 我都怕自己太煩就順其自然
可能一日比一日重視中意佢所以好想爭取時間同到佢講多啲野
有時真係好想打比佢但我知佢好攰所以我都唔敢
唔好亂諗野啦 可能佢食lunch既時候做緊自己野呢 睇下故睇下劇或者做下公司野都唔定
留返小小私人空間俾佢
你自己都放鬆下 如果佢lunch搵你你就當呢個bonus bonus唔係必然嫁麻
我講緊夜晚個餐啊
佢大概都知我幾點起身
所以佢放工會同我講定早晨等我起身就再搵佢
但跟住就可能會突然唔見個幾鐘去左食飯
可能係我覺得有時差所以好想每一秒都同佢講野啦
我會試下放鬆啲
我果個冇時差都可以成日唔見左訓之前先搵我呀
雖然好似唔可以咁比
遠距離真係可以令人好無信心
我又唔係覺得佢會去搞搞震
但只係諗 佢係咪真係有心同我發展
我成日好驚等我返到去佢已經會厭左我
long d長期煩惱 要互相信任先可以繼續落去